ఆ డైలాగ్ చెప్పడానికి ఏ స్టార్ ఒప్పుకోడు..ఆర్తి అగర్వాల్ యుఎస్ నుంచి వీడియో పంపింది, డైరెక్టర్ కామెంట్స్

విక్టరీ వెంకటేష్ కి ఫ్యామిలీ ఆడియన్స్ లో ఒకప్పుడు విపరీతమైన క్రేజ్ ఉండేది. ఫ్యామిలీ ఆడియన్స్ ఎక్కువగా అభిమానించినప్పటికీ వెంకటేష్ కుటుంబ కథా చిత్రాలు, ప్రేమ కథా చిత్రాలు, మాస్ చిత్రాలు ఇలా అన్ని జోనర్స్ ని బ్యాలెన్స్ చేస్తూ వచ్చారు. వెంకీ కెరీర్ లో ఎప్పటికీ చిరస్థాయిగా నిలిచిపోయే చిత్రాల్లో నువ్వు నాకు నచ్చావ్ కూడా ఉంటుంది. 

నువ్వు నాకు నచ్చావ్ చిత్రం గురించి డైరెక్టర్ విజయ భాస్కర్ ఓ ఇంటర్వ్యూలో అనేక ఆసక్తికర విషయాలు రివీల్ చేశారు. సాధారణంగా ఏ స్టార్ హీరో అయినా డైలాగులు తన స్థాయికి తగ్గట్లుగా ఉండాలని కోరుకుంటారు. కానీ వెంకటేష్ అలా కోరుకోరు. డైలాగ్ చూస్తారు.. ఏమైనా మార్పు అవసరం అయితే అడుగుతారు. అంతే కానీ ఈ డైలాగు నా స్థాయికి తగ్గట్లు లేదు అని చెప్పరు. 

నువ్వు నాకు నచ్చావ్ చిత్రంలో పింకీ.. ఆర్తి అగర్వాల్ కోసం పువ్వు తెమ్మని చెబుతుంది. ఆ చెట్టు హైట్ చూసి వెంకటేష్ భయపడతాడు. ఒక అమ్మాయి పువ్వు తెమ్మంటే భయపడుతున్నావ్.. అసలు నువ్వు మగాడివేనా అని అడుగుతుంది. అంత చిన్న పిల్ల ఆ వెంకటేష్ పై అలా పంచ్ వేయడం.. దానికి వెంకటేష్.. నాకున్న డౌట్లు చాలు.. కొత్తవి తీసుకురావద్దు అని చెప్పడం చాలా ఫన్నీగా ఉంటుంది. 

కానీ ఆ సీన్ కి, డైలాగ్స్ కి మరో హీరో అయితే ఒప్పుకోరు అని విజయ భాస్కర్ అన్నారు. అందుకే వెంకటేష్ స్పెషల్ హీరో అయ్యారు అని తెలిపారు. ఇక ఆర్తి అగర్వాల్ విషయానికి వస్తే.. ఆమెని వెతికి పట్టుకోవడానికి చాలా సమయం పట్టిందట. నువ్వే కావాలి మూవీ హిందీ రీమేక్ కోసం హీరోయిన్ ని వెతకాలి అని ముంబై వెళ్లాం. అక్కడ సినిమాకి చెందిన ఒక వ్యక్తి ఆర్తి అగర్వాల్ ఫోటో చూపించాడు. 

నువ్వు నాకు నచ్చావ్ చిత్రానికి ఈమె హీరోయిన్ అయితే బావుంటుంది అని అప్పుడే ఫిక్స్ అయ్యా. ఒకసారి ఆమె వీడియో ఫుటేజ్ ఉంటే చూడాలనుకున్నా. ఆమెని కలుద్దాం అంటే యుఎస్ వెళ్ళిపోయింది అని చెప్పారు. సురేష్ బాబు గారి ఫ్రెండ్ ఒకరు యుఎస్ లో ఉంటే ఆయన్ని ఆర్తి అగర్వాల్ దగ్గరికి పంపి.. ఆమె నడుస్తూ మాట్లాడే వీడియో షూట్ చేయించాం. 

ఆ వీడియో ఇండియాకి రప్పించి ఆర్తి అగర్వాల్ స్టైల్ ని గమనించాం. నువ్వు నన్ను నచ్చావ్ చిత్రానికి ఆర్తి అగర్వాల్ ఆ విధంగా హీరోయిన్ అయింది అని విజయభాస్కర్ అన్నారు.