ఎట్టి పరిస్థితుల్లో ఆ పని చేయొద్దని చైతూ నా దగ్గర ఒట్టు తీసుకున్నాడు.. కస్టడీలో అంత మ్యాటర్ ఉందా ?

డైరెక్టర్ వెంకట్ ప్రభు తెరకెక్కించే చిత్రాలలో వైవిధ్యమైన కాన్సెప్ట్ ఉంటూ ఆడియన్స్ ని థ్రిల్ చేస్తారు. తాజాగా ఇంటర్వ్యూలో వెంకట్ ప్రభు కస్టడీ చిత్రం గురించి ఆసక్తికర విషయాలు పంచుకున్నారు.

అక్కినేని నాగ చైతన్య నటించిన తాజా చిత్రం కస్టడీ మే 12న గ్రాండ్ రిలీజ్ కి రెడీ అవుతోంది. దీనితో నాగ చైతన్య గత కొన్ని రోజులుగా ప్రచార కార్యక్రమాలతో బిజీగా ఉన్నారు. తమిళ దర్శకుడు వెంకట్ ప్రభు దర్శకత్వంలో వైవిధ్యమైన కాన్సెప్ట్ తో ఈ చిత్రం తెరకెక్కింది. ట్రైలర్ కి కూడా సూపర్ రెస్పాన్స్ రావడంతో సినిమాపై అంచనాలు పెరిగిపోయాయి. 

డైరెక్టర్ వెంకట్ ప్రభు తెరకెక్కించే చిత్రాలలో వైవిధ్యమైన కాన్సెప్ట్ ఉంటూ ఆడియన్స్ ని థ్రిల్ చేస్తారు. తాజాగా ఇంటర్వ్యూలో వెంకట్ ప్రభు కస్టడీ చిత్రం గురించి ఆసక్తికర విషయాలు పంచుకున్నారు. అసలు కస్టడీ చిత్రానికి స్ఫూర్తి ఏంటో వెంకట్ ప్రభు రివీల్ చేశారు. మలయాళీ చిత్రం నాయట్టు స్ఫూర్తితో కస్టడీ చిత్ర కథ రాసుకున్నానని వెంకట్ ప్రభు అన్నారు. కానీ నాయట్టులో కమర్షియల్ అంశాలు ఉండవు. 

కానీ కస్టడీలో కమర్షియల్ ఎలిమెంట్స్ ఉండేలా కథని సిద్ధం చేశా. నిర్మాత శ్రీనివాస్ చిట్టూరితో 'మానాడు' చిత్రాన్ని తెలుగులో రీమేక్ చేయాల్సింది. కానీ కుదర్లేదు. కస్టడీలో ఆయన నిర్మాణంలో ఓ చిత్రం చేయాలనే కోరిక తీరింది అని వెంకట్ ప్రభు అన్నారు. కస్టడీ కథ విషయానికి వస్తే.. మొదటి 20 నిమిషాలు ఎన్నో ఆశలతో ఉన్న కానిస్టేబుల్, అతడి ఫ్యామిలీ, ప్రేయసి కృతి శెట్టి లాంటి సన్నివేశాలతో సాగుతుంది. 

ఆ తర్వాత కానిస్టేబుల్ శివ తనది కాని సమస్యలో చిక్కుకుంటాడు.  అన్నింటికీ వ్యతిరేకంగా అతడు పోరాడాల్సి వస్తుంది. ప్రీ ఇంటర్వెల్ నుంచ్చి క్లైమాక్స్ వరకు ఆడియన్స్ సీట్ ఎడ్జ్ మీద కూర్చుని చూసేలా చిత్రం ఉంటుంది. ఇంతకి మించి సినిమా గురించి ఇంకేమి చెప్పవద్దని చైతూ నా దగ్గర ప్రామిస్ తీసుకున్నాడు. మూవీలో థ్రిల్లింగ్ ఎలిమెంట్స్ ని ఆడియన్స్ థియేటర్స్ లో ఎంజాయ్ చేయాలని చైతూ కోరాడు. కాబట్టి ఇంకేమీ చెప్పను. 

ఈ చిత్రంలో నాగ చైతన్యని కొత్తగా చూస్తారు. ఆయన పాత్ర, బాడీ లాంగ్వేజ్ విభిన్నంగా ఉంటాయి. కస్టడీ చిత్రం యూనివర్సల్ సబ్జెక్టు. తెలుగు తమిళ ఆడియన్స్ మాత్రమే కాకుండా ఇతర భాషల వారికి కూడా నచ్చుతుంది అని వెంకట్ ప్రభు అన్నారు. 

నాగార్జున గారి శివ చిత్రం అంటే నాకు పిచ్చి. ఆ మూవీపై అభిమానంతో చైతు పాత్రకి శివ అని పెట్టాం. నాగ చైతన్య మొదట ఈ ప్రపోజల్ ని వద్దన్నారు. అది క్లాసిక్ కాబట్టి చాలా పోలికలు వస్తాయని అన్నారు. కానీ శివ అనే పేరు చైతు పాత్రకి బాగా సరిపోతుంది అని వెంకట్ ప్రభు అన్నారు.