`గేమ్ ఛేంజర్` నేను బాగా చేశాను, ఫలితంపై శంకర్ సంచలన స్టేట్మెంట్.. కారణం ఎవరు?
`గేమ్ ఛేంజర్` ఫలితంపై తాజాగా దర్శకుడు శంకర్ స్పందించారు. ఆయన సంచలన వ్యాఖ్యలు చేశారు. ఔట్పుట్ విషయంలో తాను పూర్తిగా సంతృప్తి చెందలేదంటూ షాకిచ్చారు.
`గేమ్ ఛేంజర్` సినిమా సంక్రాంతికి విడుదలై థియేటర్ లో రన్ అవుతుంది. రామ్ చరణ్ హీరోగా శంకర్ రూపొందించిన ఈ మూవీకి నెగటివ్ ప్రచారం చాలా జరిగింది. కావాలని కుట్ర చేశారని టీమ్ ఆరోపిస్తుంది. కానీ సినిమాకి మాత్రం అది చాలా పెద్ద డ్యామేజ్ జరిగింది. ఈ మూవీ యావరేజ్గా ఉన్నా? ఆ స్థాయి కలెక్షన్లు లేవనే టాక్ వినిపిస్తుంది. ఏదేమైనా `గేమ్ ఛేంజర్` ఫెయిల్యూర్ జాబితాలోకి వెళ్లిపోతుంది.
`గేమ్ ఛేంజర్` సినిమా ఫలితంపై రామ్ చరణ్ స్పందించారు. సినిమా సక్సెస్ చేసిన అందరికి ధన్యవాదాలు తెలిపారు. సినిమా గురించి అభిమానులు చూపిస్తున్న ప్రేమకి ధన్యవాదాలు తెలిపారు. ఆదరిస్తున్న ఆడియెన్స్ కి, సపోర్ట్ చేసిన మీడియాకి ఆయన థ్యాంక్స్ చెప్పారు. తాము పడ్డ కష్టం కనిపిస్తుందన్నారు. టీమ్కి అభినందనలు చెప్పిన ఆయన తాను ఇలానే కష్టపడతానని, నటనతో అలరిస్తానని తెలిపారు.
read more: `గేమ్ ఛేంజర్` రిజల్ట్ పై ఫస్ట్ టైమ్ రామ్ చరణ్ స్పందన.. పోస్ట్ వైరల్, ఏమన్నాడంటే?
ఇక తాజాగా దర్శకుడు శంకర్ స్పందించారు. `గేమ్ ఛేంజర్` ఫెయిల్యూర్పై ఆయన షాకింగ్ కామెంట్స్ చేశారు. సినిమా ఔట్ పుట్ విషయంలో సంతృప్తిగా లేనని తెలిపారు. సినిమాని తాను చాలా బాగా చేయగలిగాను అని, కానీ సినిమా ఐదుగంటలు వచ్చిందని, ఎడిటింగ్ చేయడానికి టైమ్ లేదని తెలిపారు.
సమయం సరిపోకపోవడం వల్ల అలా చేయాల్సి వచ్చిందన్నారు. సినిమా ఔట్పుట్తో తాను పూర్తి సంతృప్తి చెందలేని, సమయ పరిమితులతో మంచి సన్నివేశాలను కూడా కత్తిరించాల్సి వచ్చిందన్నారు శంకర్.
మరి బాగా తీసిన సినిమా ఫలితం ఇలా ఎందుకు వచ్చింది? శంకర్ కి ఇంకా టైమ్ ఇవ్వలేదా? రిలీజ్ ఒత్తిడి చేశారా? ఎడిటింగ్కి టైమ్ ఇవ్వలేదా? అసలు ఏం జరిగిందనేది ఇప్పుడు ఆసక్తికరంగా మారింది. నిర్మాత దిల్ రాజునే శంకర్కి సంబంధం లేకుండా ఎడిటింగ్ చేయించారనే పుకారు ఉంది. మరి అది నిజంగానే జరిగిందా? అనే అనుమానాలు కలుగుతున్నాయి.
శంకర్ చెప్పినట్టు ఇంకాస్త టైమ్ ఇస్తే బాగా ఎడిటింగ్ చేసేవారా? అనేది ఆసక్తికరంగా మారింది. కానీ ఇప్పటికే జరగాల్సిన నష్టం జరిగింది. సినిమా ద్వారా డిస్ట్రిబ్యూటర్లకి, నిర్మాతలకు భారీ నష్టాలు వచ్చే ఛాన్స్ ఉందని అంటున్నారు. ఎందుకంటే సినిమా బడ్జెట్ రూ.450కోట్లు, బిజినెస్ సుమారు రెండువందల కోట్లు అంటే, ఇది నాలుగు వందల కోట్ల గ్రాస్ రాబట్టాలి. అది సాధ్యమేనా? అనేది చూడాలి.
ఇక రామ్ చరణ్ హీరోగా నటించిన `గేమ్ ఛేంజర్` చిత్రంలో కియారా అద్వానీ హీరోయిన్. అంజలి అప్పన్న పాత్ర సరసన నటించింది. ఎస్ జే సూర్య, శ్రీకాంత్, నవీన్ చంద్ర, సముద్రఖని ముఖ్య పాత్రలు పోషించారు. దిల్ రాజు నిర్మించిన ఈ మూవీ జనవరి 10న విడుదలైన విషయం తెలిసిందే.
read more: దేవర బతికే ఉన్నాడా? ప్రకాష్ రాజే యతినా? `దేవర 2` అసలు స్టోరీ?
also read: శంకర్ సినిమా ప్లాప్ అవ్వడానికి కారణం అతనేనా..? ఆయన మార్క్ మ్యూజిక్ ఎటు వెళ్ళిపోయింది..?