సుకుమార్ పై బన్నీ అనుమానం..ఈ ఇండస్ట్రీ నుంచి వెళ్ళిపోతా అంటూ చిరాకుపడ్డ క్రేజీ డైరెక్టర్, ఏం జరిగిందంటే 

ముఖ్యంగా సెకండ్ హాఫ్ కథలో సుకుమార్ చేస్తున్న నేరేషన్ పై బన్నీకి నమ్మకం లేదట. కథ ఎటు వెళుతోందో అర్థం కావడం లేదు అని బన్నీ అనుమానం వ్యక్తం చేశారట.

డైరెక్టర్ సుకుమార్, ఐకాన్  అల్లు అర్జున్ ప్రస్తుతం పుష్ప 2తో బిజీగా ఉన్నారు. ఆర్య, ఆర్య 2, పుష్ప తో కలిపి వీరి కాంబినేషన్ లో వస్తున్న నాల్గవ చిత్రం పుష్ప 2. ఆల్రెడీ ఈ మూవీపై పాన్ ఇండియా స్థాయిలో ఆకాశాన్ని తాకే అంచనాలు ఏర్పడ్డాయి. ఈ చిత్రం రిలీజ్ అయితే థియేటర్స్ లో విధ్వంసం అన్నట్లుగా ఉంది పరిస్థితి. 

సుకుమార్ ఇండస్ట్రీలోకి దర్శకుడిగా ఎంట్రీ ఇచ్చింది ఆర్య చిత్రంతో. ఆ చిత్రం కోసం సుకుమార్ పడ్డ కష్టాలు అన్నీ ఇన్నీ కావు. తొలి చిత్రం కావడంతో నిర్మాతలని ఒప్పించడానికి చాలా సమయం పట్టింది. అందులో కూడా ఆర్య  అనే చాలా వైవిధ్యమైన ప్రేమ కథ. నిర్మాతలు అంత ఈజీగా ఆ కథని నమ్మలేదు. 

కాలం చివరకి దిల్ రాజు సుకుమార్ పై నమ్మకం ఉంచారు. అల్లు అర్జున్, అల్లు అరవింద్ ని కలసి ఒప్పించారు. సినిమా ప్రారంభం అయిన తర్వాత కూడా కథలో చాలా మార్పులు చేయాల్సి వచ్చిందట. ఈ విషయాని దిల్ రాజు ఓ ఇంటర్వ్యూలో తెలిపారు. 

ముఖ్యంగా సెకండ్ హాఫ్ కథలో సుకుమార్ చేస్తున్న నేరేషన్ పై బన్నీకి నమ్మకం లేదట. కథ ఎటు వెళుతోందో అర్థం కావడం లేదు అని బన్నీ అనుమానం వ్యక్తం చేశారట. సెకండ్ హాఫ్ కథ మార్చమని దిల్ రాజు సుకుమార్ అని దిగితే.. బాబోయ్ ఏంది ఈ టార్చర్.. నాకు ఈ ఇండస్ట్రీ వద్దు.. తిరిగి లెక్చరర్ గా వెళ్లి ప్రశాంతంగా ఉంటాను అని బాధపడ్డారట. 

ఆ తర్వాత అల్లు అరవింద్ రంగంలోకి దిగి సుకుమార్ కి మానసికంగా ధైర్యం ఇచ్చి సమస్యని పరిష్కరించినట్లు దిల్ రాజు తెలిపారు. ఆ తర్వాత జగడం చిత్రానికి కూడా సేమ్ సిచ్యువేషన్. సుకుమార్ ఈ కథని బన్నీతోనే చేయాలని అన్నారు. నాకు కథపై డౌట్ ఉంది. బన్నీకి కూడా నచ్చలేదు. దీనితో సుకుమార్ కి నాకు కథ విషయంలో గొడవలు కూడా జరిగాయి. అప్పటికి మేము చాలా క్లోజ్ అయ్యాం. 

కానీ ప్రొఫెషనల్ గా ఆర్గుమెంట్స్ జరుగుతుంటాయి. ఒక టైంలో ఈ మూవీ మీరు చేస్తారా చేయరా ? వేరే నిర్మాత రెడీగా ఉన్నారు అని సుకుమార్ ముఖం మీదే అన్నారు. దీనితో ఆ ప్రాజెక్ట్ నుంచి నేను తప్పుకున్నా. నేను అనుకున్నట్లే ఆ సినిమా ఆడలేదు. కానీ నాకు, సుకుమార్ కి పర్సనల్ రిలేషన్ చెడిపోలేదు. జగడం చిత్రానికి రిలీజ్ సమస్య వస్తే తాను ఫిలిం ఛాంబర్ కి వెళ్లి పరిష్కరించినట్లు దిల్ రాజు తెలిపారు.