ప్రభాస్, చరణ్, మహేష్, చిరంజీవి కొత్త కాంబినేషన్స్ కు తెరలేపిన స్టార్ హీరోలు, ఆడియన్స్ కు ఊహించని ట్విస్ట్

టాలీవుడ్ లో ప్రస్తుతం ఊహకు కూడా అందనంత  క్రేజీ కాంబినేషన్ కనువిందు చేయబోతున్నాయి. క్రేజీ డైరెక్టర్లతో  వరుస పెట్టి సినిమాలు అనౌన్స్ చేసి మన హీరోలు ఫుల్ గా బిజీ అవుతున్నారు. అసలు జానర్ తో సంబందం లేకుండా కంప్లీట్ కాంట్రాస్ట్ కాంబినేషన్స్ ని సెట్ చేసుకుని అందర్నీ సర్ ప్రైజ్ చేసిన హీరోలెవరు. అసలు ఊహించని డైరెక్టర్లతో సినిమాలు ఎలా అనౌన్స్ చేశారు . 

ప్రభాస్, చరణ్, మహేష్, చిరంజీవి  ఇలా టాలీవుడ్ స్టార్ హీరోలంతా.. జానర్ తో సంబందం లేకుండా కంప్లీట్ కాంట్రాస్ట్ కాంబినేషన్స్ ని సెట్ చేసుకుని, అందర్నీ సర్ ప్రైజ్ చేస్తున్నారు.  అసలు ఊహించని డైరెక్టర్లతో సినిమాలు ఎలా అనౌన్స్ చేశారు.

ఏడాదికి ఒక్క సినిమా మాత్రమేచేసే మహేష్... రెండు మూడు ఏళ్లు ఒక్క సినిమా కోసమే పనిచేసే రాజమౌళితో సినిమా అంటే.. ఇది ఆశ్చర్యపడాల్సిన కాంబినేషనే కదా. అసలు ఒక్కాసారి కనెక్ట్ అయితే చాలు ..అదే డైరెక్టర్ తో ఎక్కువ సినిమాలు చేసే మహష్ .. ఈ సారి మాత్రం కొత్త కాంబినేషన్ ని  తెరమీదకి తెస్తున్నారు.  బాగా టైమ్ తీసుకుని... అప్పటి వరకూ   ఆ హీరోని వేరే సినిమాలు చెయ్యనివ్వకుండా లాక్ చేసే టాలీవుడ్ జక్కన్న .. డైరెక్టర్ రాజమౌళి తో మహేష్ సినిమా చెయ్యబోతున్నారు. 20 ఏళ్లకు పైగా కెరీర్ లో అందరి స్టార్ డైరెక్టర్లతో సినిమాలు చేసిన మహేష్ ..ఇన్నేళ్లకు రాజమౌళితో సినిమా సెట్ చేసుకుని సర్ ప్రైజ్ చేశారు. , రాజమౌళి మహేష్ ని ఎలా చూపిస్తాడా అంటూ సూపర్ స్టార్ ఫ్యాన్స్ఊహించుకుంటున్నారు. .

అసలు ఈ విషయంలో ముందుగా తలుచుకోవల్సింది ప్యాన్ ఇండియా స్టార్  ప్రభాస్ ను.  ఈమధ్య ఆయన  ఏ డైరెక్టర్ తోనూ సినిమా రిపీట్ చెయ్యడం లేదు. అలా  అని స్టార్ డైరెక్టర్లతోనో.. లేకుంటే సేఫ్ డైరెక్టర్లతో సినిమాలు కూడా చెయ్యడం లేదు . అసలు ఎవరి ఊహకీ అందని , కాంబినేషన్స్ ని తెరమీదకి తెస్తున్నారు ప్రభాస్. అందులో ముక్యంగా,,,హీరోయిజానికి కొత్త డెఫినిషన్ చెప్పిన సందీప్  వంగాతో తన 25 వసినిమా అనౌన్స్ చేసి  సర్ ప్రైజ్ చేసిన ప్రభాస్ ..  ఇంతవరకూ స్టార్ హీరోలతో సినిమాలు చెయ్యని డైరెక్టర్ మారుతితో సినిమా స్టార్ట్ చేస్తున్నారు. ఓ వైపు పాన్ ఇండియా హీరో ప్రభాస్ .. మరో వైపు అసలు స్టార్ ఇమేజ్ ని ఇంతవరకూ హ్యాండిల్ చెయ్యని మారుతికి అవకాశం ఇచ్చాడు

వరసగా స్టార్ డైరెక్టర్లతో సినిమాలు చేస్తున్న చరణ్ … అందరినీ ఆశ్చర్య పరుస్తూ... జస్ట్ రెండే రెండు తెలుగు సినిమాలు చేసిన  గౌతమ్ తిన్ననూరికి ఛాన్స్ ఇచ్చాడు. వరసగా హిట్ ట్రాక్ లో ఉన్న చరణ్ .. రాజమౌళి , కొరటాల, శంకర్ లాంటి టాప్ డైరెక్టర్లతో సినిమాలు చేస్తున్న చరణ్ .. డైరెక్టర్ గౌతమ్ తో సినిమా సెట్ చేసుకుని డిఫరెంట్ కాంబినేషన్ ని తెరమీదకి తెచ్చారు. 

మరో వైపు..రామ్ చరణ్ తండ్రి... టాలీవుడ్ మెగాస్టార్ కూడా అందరికి షాక్ ఇచ్చేలా ఓ డిపరెంట్ కాంబినేషన్ ను చూపించబోతున్నాడు. మెగా స్టార్ చిరంజీవి అయితే సెకండ్ ఇన్సింగ్స్ స్టార్ట్ చేసిన దగ్గర నుంచి సంచలనాలు క్రియేట్ చేస్తూనే ఉన్నారు. వరసగా డిఫరెంట్ జానర్స్ లో ఉన్న సీనియర్ డైరెక్టర్లతో సినిమాలు చేస్తూనే .. సడెన్ గా కుర్ర హీరోలతో సినిమాలు చేసుకుంటున్న వెంకీ కుడుములకు గోల్డెన్ ఆఫర్ ఇచ్చాడు.  మెగా ఇమేజ్ ఉన్న  హీరో చిరంజీవిని పెద్దగా ఎక్స్ పీరియన్స్ లేని వెంకీ ఎలా హ్యాండిల్ చేస్తాడా అని ఫ్యాన్స్ వెయిట్ చేస్తున్నారు.

ఇప్పటి వరకూ సాలిడ్  కమర్షియల్ సినిమా చెయ్యని విజయ్ దేవరకొండ, హీరోల్ని ఇంటలెక్చువల్ గా చూపించే డైరెక్టర్ సుకుమార్ ..కాంబినేషన్లో కూడా ఓ  మూవీ రాబోతోంది. ఈమద్య తన ప్రతి సినిమానీ కాన్సెప్ట్ బేస్డ్ మూవీగా చేస్తున్న సుకుమార్ .. యూత్ కి బాగా కనెక్ట్ అయ్యే సబ్జెక్స్ చేస్తున్న విజయ్ దేవరకొండ కాంబినేషన్లో సినిమా ఎలా వర్కవుట్ అవుతుందా..? అసలు సినిమా స్టోరీ ఏమై ఉంటుందా , విజయ్ ని సుక్కు ఎలాచూపించబోతున్నాడా అంటూ ఆలోచనలో పడ్డారు ఫాన్స్.

ఒకప్పుడు లవర్ బాయ్ ఇమేజ్ లో ఇరుక్కుపోయిన రామ్ ఇస్మార్ట్ శంకర్ సినిమాతో కంప్లీట్ గా చేంజ్ చూపించాడు. అయితే ఈసారి ఇంకా డిఫరెంట్ గా ఎక్స్ పెరిమెంట్స్ కి రెడీ అంటూ యాక్షన్ డైరెక్టర్ తో సెట్ అయ్యారు.  టాలీవుడ్ లో యాక్షన్ సినిమాల స్పెషలిస్ట్ అనిపించుకుంటున్న మాస్ డైరెక్టర్ బోయపాటి శ్రీను తో మాంచి మాస్ యాక్షన్ ఎంటర్ టైనర్ ని ప్లాన్ చేస్తున్నారు రామ్ . కామ్ గా ఉన్న  హీరోలకు తన మాస్ ఎలిమెంట్స్ తో... సూపర్ మాస్ ఇమేజ్ ఇచ్చి.. లిఫ్ట్ ఇచ్చిన బోయపాటి .. రామ్ ను ఎలాచూపిస్తాడో చూడాలి.