Dhurandhar 2 Box Office: కలెక్షన్లలో భారీ డ్రాప్, అయినా `ధురంధర్‌ 2` సరికొత్త రికార్డు

బాక్సాఫీస్ వద్ద దుమ్మురేపిన 'ధురంధర్: ది రివెంజ్' జోరు ఇప్పుడు తగ్గింది. రణ్‌వీర్ సింగ్ హీరోగా నటించిన ఈ సినిమా కలెక్షన్లు ఇప్పుడు సింగిల్ డిజిట్‌కు పడిపోయాయి. మరి 28వ రోజు 'ధురంధర్ 2' ఎంత వసూలు చేసిందంటే?

Image Credit : X

'ధురంధర్ 2' మొత్తం కలెక్షన్ ఎంత?

రణ్‌వీర్‌ సింగ్‌ నటించిన `ధురంధర్‌ 2` మూవీ ఇంకా బాక్సాఫీసు వద్ద జోరు చూపిస్తోంది. ఇప్పటికీ డీసెంట్‌ కలెక్షన్లని సంపాదిస్తుంది. 28 రోజుల తర్వాత 'ధురంధర్ 2' భారతదేశంలో సుమారు రూ.1,096.70 కోట్ల నెట్ కలెక్షన్‌ను సాధించింది. ఈ వసూళ్లు సినిమా అన్ని వెర్షన్లను (హిందీ, తెలుగు, తమిళం, కన్నడ, మలయాళం) కలుపుకొని వచ్చినవి. 28వ రోజు ఫైనల్ లెక్కలు వచ్చాక, ఈ సినిమా ఇండియాలో రూ.1100 కోట్ల నెట్ మార్క్‌ను దాటుతుందని అంచనా వేస్తున్నారు. 

Image Credit : X

'ధురంధర్ 2' ఏ భాషలో ఎంత వసూలు చేసింది?

'ధురంధర్ 2' వెర్షన్ల వారీగా కలెక్షన్ల వివరాలు చూస్తే, హిందీ మొదటి స్థానంలో, మలయాళం చివరి స్థానంలో ఉన్నాయి. ఏ వెర్షన్ ఎంత వసూలు చేసిందనేది చూస్తే. 

• హిందీ : రూ. 1,030.32 కోట్లు
• తెలుగు : రూ. 42.12 కోట్లు
• తమిళం : రూ. 19.03 కోట్లు
• కన్నడ : రూ. 3.46 కోట్లు
• మలయాళం : రూ. 1.77 కోట్లు

Image Credit : X

భారత్‌లో 1100 కోట్లు వసూలు చేసిన సినిమాలు

'ధురంధర్ 2' సినిమా 28 రోజుల్లోనే దేశంలో రూ.1100 కోట్లు వసూలు చేసిన రెండో సినిమాగా నిలవబోతోంది. దీనికి ముందు ఈ ఘనతను సాధించిన ఏకైక చిత్రం అల్లు అర్జున్ నటించిన 'పుష్ప 2: ది రూల్'. సుకుమార్ దర్శకత్వంలో 2024లో విడుదలైన ఈ తెలుగు పాన్-ఇండియా సినిమా, దేశంలో లైఫ్‌టైమ్ సుమారు రూ.1,234.10 కోట్లు వసూలు చేసింది.

Image Credit : X

'ధురంధర్ 2' ప్రపంచవ్యాప్తంగా ఎంత వసూలు చేసింది?

ప్రపంచవ్యాప్త కలెక్షన్ల విషయానికొస్తే, 'ధురంధర్ 2' ప్రపంచవ్యాప్తంగా సుమారు 1730 కోట్ల రూపాయలు వసూలు చేసింది. ఇది ఇంకా 'పుష్ప 2' వరల్డ్‌వైడ్ కలెక్షన్ల కంటే వెనుకబడే ఉంది. కానీ, రాబోయే కొద్ది రోజుల్లోనే ఆ రికార్డును కూడా బద్దలు కొడుతుందని అంచనా వేస్తున్నారు. 'పుష్ప 2' ప్రపంచవ్యాప్తంగా సుమారు రూ.1,742.10 కోట్లు సంపాదించింది.