Brahmamudi: అబద్దాన్ని నిజం చేయటానికి ప్రయత్నిస్తున్న స్వప్న.. రాజ్ ని రిక్వెస్ట్ చేస్తున్న ధాన్యలక్ష్మి!

Brahmamudi: స్టార్ మా లో ప్రసారమవుతున్న బ్రహ్మముడి సీరియల్ టాప్ సీరియల్స్ కి గట్టి పోటీని ఇస్తూ మంచి రేటింగ్ ని సంపాదించుకుంటుంది. ఆకాశానికి నిచ్చెనలు వేస్తూ ఎత్తుకు పైఎత్తులు వేసి బొక్క బోర్లా పడ్డ ఇద్దరు వ్యక్తుల కథ ఈ సీరియల్. ఇక ఈరోజు జూన్ 19 ఎపిసోడ్ లో ఏం జరిగిందో చూద్దాం. 

 ఎపిసోడ్ ప్రారంభంలో చాకుతో గదిలోకి వచ్చిన భర్తను చూసి భయపడుతుంది కావ్య. చాకు ఎందుకు తెచ్చారు అంటే భయంగా అడుగుతుంది. నిన్ను పొడి చేద్దామని అంటాడు రాజ్. మళ్లీ తనే మాకు అంత అదృష్టం కూడా పక్కకి తప్పుకో పళ్ళు పెట్టావు కానీ అవి కొయ్యటానికి చాక్ పెట్టలేదు అంటూ ఇంకా డెకరేషన్ పూర్తి చేయలేదా అని అడుగుతాడు.

డెకరేషన్ చేయడమంటే మాటలు అనుకున్నారా చేస్తే తెలుస్తుంది అంటుంది కావ్య. నేనైతే నిమిషాల మీద చేసే వాడిని కానీ నువ్వు ఏదో ఊడబొడుస్తావు అని అందరూ అనడంతో నీకు ఒక ఛాన్స్ ఇచ్చాను అయినా ఈ డెకరేషన్ ఏంటి ఇంత చండాలంగా ఉంది అంటాడు రాజ్. మీలాంటి వాళ్లకి తాగి స్టోర్ రూమ్ లో దూరడమే నచ్చుతుంది కానీ ఇలాంటివి ఎలా నచ్చుతాయి అంటూ ఆట పట్టిస్తుంది కావ్య. జరిగిపోయిన వాటిని గుర్తు చేయకు అంటూ అక్కడినుంచి వచ్చేస్తాడు రాజ్.

 అక్కడ అతనికి ధాన్యలక్ష్మి ఎదురుపడి మీరిద్దరూ అందరి ముందు అన్యోన్యంగా తిరుగుతున్నారు కానీ అది నటన అని నాకు మాత్రమే తెలుసు అంటుంది ధాన్యలక్ష్మి. మా వ్యవహారాల్లో దూరొద్దు అని నువ్వు చెప్పినా నేను జోక్యం చేసుకోకుండా ఉండలేకపోతున్నాను ఎందుకంటే నా కొడుకు జీవితం పాడైపోతుంటే నేను చూస్తూ ఊరుకోలేను అంటుంది.

నువ్వు ఈ కొడుకు గురించి ఆలోచిస్తున్నావా? ఆ కోడలు గురించి ఆలోచిస్తున్నావా అని అడుగుతాడు రాజ్. ఒక ఆడదానిగా ఆలోచిస్తున్నాను ఈ ఇంటికి వచ్చిన తర్వాత అనుకున్నది ఏవి జరగలేదు ఇకనైనా జరిగేలాగా చూడు అని చెప్పి అక్కడినుంచి వెళ్ళిపోతుంది ధాన్య లక్ష్మి. మరోవైపు అలంకరించి ఉన్న గదిని చూసి స్వప్నతో నాకు ఫస్ట్ నైట్ ఏంటి అని ఇరిటేట్ అవుతూ ఉంటాడు రాహుల్.

అప్పుడే గదిలోకి వచ్చిన స్వప్న రాహుల్ చూస్తూ నాకు తెలుసు నన్ను నువ్వు దూరం పెడుతున్నావు అని నన్ను కిడ్నాప్ చేయించింది కూడా నువ్వే అని నాకు బాగా తెలుసు అయినా కూడా ఏమీ తెలియనట్లే ఉన్నాను ఎందుకంటే నా అబద్దాన్ని నిజం చేసే వరకు నీతోనే కాదు ఇంట్లో అందరితోనూ మంచిగానే ఉంటాను అనుకొని రాహుల్ దగ్గరికి వస్తుంది స్వప్న.

నేను చేసిన పనికి బాధపడుతున్నాను. మన ఇద్దరం భార్యాభర్తల్లాగా జీవించాలి అంటే నాకు కొంత సమయం కావాలి అంటాడు రాహుల్. షాక్ అయినా స్వప్న నా దగ్గర లేనిదే అడుగుతున్నాడు ఏంటి అని మనసులో అనుకొని పాతవి అన్ని మర్చిపో మామూలుగా అయితే నువ్వు చేసిన పనికి వేరే ఎవరైనా అయితే వదిలేసి వెళ్ళిపోతారు కానీ నేను అలా చేయను జీవితాంతం నిన్ను ప్రేమిస్తూనే ఉంటాను అంటూ రాహుల్ ని హత్తుకుంటుంది స్వప్న.

నన్ను ప్రేమిస్తున్నావో నా వెనకనే ఉన్న ఆస్తిని ప్రేమిస్తున్నావో నాకు బాగా తెలుసు అనుకుంటాడు రాహుల్. మరోవైపు కావ్య బాగా అలంకరించుకొని తన గదికి వచ్చి బెడ్ ని కూడా అలంకరించి తనని రెచ్చగొడుతున్నట్లుగా బ్రమపడతాడు రాజ్. భ్రమలోంచి బయటకు వచ్చి ఇదేంటి నాకు ఇలాంటి పీడ కలలు వస్తున్నాయి అనుకుంటాడు. అంతలోనే కావ్య వచ్చి పిల్లో తీసుకొని కిందన పడుకుంటుంది. నువ్వు ఎందుకు కిందన పడుకోవటం.

పరుపు మీద పడుకోవడం నా జన్మ హక్కు అని గొడవ పడి మరీ సాధించుకున్నావు కదా అంటాడు రాజ్. నాకేమీ అభ్యంతరం లేదు మీకు అభ్యంతరం లేకపోతే పైన వచ్చి పడుకుంటాను అంటూ ఆట పట్టిస్తుంది కావ్య. వద్దులే అంటాడు రాజ్. అలవాటు లేకుండా కింద పడుకోవడం వల్ల మీరు ఎంత ఇబ్బంది పడ్డారో చూశాను కదా అందుకే నేనే కింద పడుకుంటాను అంటుంది కావ్య. మరోవైపు పొద్దున్నే పచార్లు చేస్తున్న రాహుల్ దగ్గరికి వచ్చి  అదేంటి ఇంత పొద్దున్నే లేచిపోయావు. లేచిన వాడికి వేడి వేడి కాపీ ఇచ్చి భార్యని ఇంప్రెస్ చేయొచ్చు కదా ఇక్కడ ఏం చేస్తున్నావు అని అడుగుతుంది ధాన్యలక్ష్మి. 

 ఇంపార్టెంట్ ఫోన్ కోసం వెయిట్ చేస్తున్నాను అది అయిపోయాక మీరు చెప్పినట్లే చేస్తాను మీరు వెళ్ళండి అని చెప్పి ధాన్యలక్ష్మిని పంపించేస్తాడు రాహుల్.తరువాయి భాగంలో కడుపుతో ఉండేవాళ్లు ఎలా నడుచుకుంటారో అదైనా కనీసం తెలుసుకో అని అక్కకి సలహా ఇస్తుంది కావ్య. బయటికి వచ్చేసరికి రాజ్ కనిపించడంతో తన మాటలు అన్నీ వినేసాడేమో అని భయపడుతుంది.