స్టార్‌ హీరోయిన్‌ని దేవతతో పోల్చిన సమంత.. తన ఫ్యాషన్‌ సీక్రెట్‌ని ఓపెన్‌గా చెప్పేసింది!
సమంత ఎంతో మంది అమ్మాయిలకు, అబ్బాయిలకు ఓ దేవతలా అనిపిస్తుంది. ఆమెని ఆరాదించేవారు లక్షల్లో ఉన్నారు. అలాంటిది సమంతకే ఓ స్టార్‌ హీరోయిన్ దేవతలా కనిపిస్తుందట. ఆమె తన దృష్టిలో దేవత అంటోంది సామ్‌.
సమంత ఇటీవల `ది ఫ్యామిలీ మ్యాన్‌ 2` వెబ్‌ సిరీస్‌తో సంచలనంగా మారింది. తెలుగులోనే కాదు హిందీలోనూ పాపులర్‌ అయ్యింది. అక్కడ మంచి రెస్పాన్స్ ని దక్కించుకుంది.
ఈ సందర్భంగా ఆమె ఓ ఇంటర్వ్వూలో పాల్గొంటూ ఆసక్తికర విషయాలు పంచుకుంది. బాలీవుడ్‌ స్టార్‌ హీరోయిన్ దీపికాపై ప్రశంసలు కురిపించింది. తనకు సంబంధించిన అనేక రహస్యాలను బయటపెట్టింది సమంత.
ఎంతో మంది కుర్రాళ్లకి డ్రీమ్‌ గర్ల్ గా ఉన్న సమంతకి బాలీవుడ్‌ భామ దీపికా పదుకొనె తనకు డ్రీమ్‌ గర్ల్ లాగా కనిపిస్తుందట. దీపికాని ఆకాశానికి ఎత్తేసింది. ఆమె మనిషి రూపంలో ఉన్న దేవతగా అభివర్ణించింది. ఇదే విషయాన్ని తన మనసులో ఎప్పుడూ అనుకుంటుందట.
ఈ సందర్భంగా ఓ పెద్ద సీక్రెట్‌ని బయటపెట్టింది. తన ఫ్యాషన్‌కి ఇన్ స్పిరేషన్‌ దీపికానే అని తెలిపింది. ఆమె స్టయిలింగ్‌ని ఇష్టపడుతుందట. అంతేకాదు ఇంకో పెద్ద రహస్యాన్ని బహిర్గతం చేసింది.
తాను చాలా వరకు ఫ్యాషన్‌ విషయంలో దీపికా నుంచే కాపీ కొడతానని తెలిపింది. దీంతో గ్యాప్‌ ఇవ్వకుండా నెటిజన్లు రెచ్చిపోయారు. సమంత డ్రెస్సులు, దీపికా డ్రెస్సులతో మ్యాచ్‌ చేస్తూ ఫోటోలను మిక్స్ చేస్తూ వదులుతున్నారు.
దీంతో ఇప్పుడు సమంత, దీపికా పదుకొనె డ్రెస్సులకు సంబంధించిన ఫోటోలు సోషల్‌ మీడియాలో వైరల్‌ అవుతున్నాయి. నెట్టింట చక్కర్లు కొడుతున్నాయి. వీరిటి వైరల్‌ చేస్తున్నారు ఫ్యాన్స్.
ప్రస్తుతం సమంత తెలుగులో `శాకుంతలం` చిత్రంలో నటిస్తుంది. గుణశేఖర్‌ దర్శకుడు. అలాగే తమిళంలో `కాతు వాకుల రెండు కాదల్‌` చిత్రంలో నయనతార, విజయ్‌ సేతుపతిలతో కలిసి నటిస్తుంది.
దీపికా పదుకొనె `83`, `పఠాన్‌`, `సర్కస్‌`తోపాటు శకున్‌ బత్రా చిత్రంలో నటిస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
