శర్వానంద్ ఎంగేజ్ మెంట్ కు డేట్ ఫిక్స్.. పెళ్లి ఎప్పుడు? అమ్మాయి బ్యాక్ గ్రౌండ్ ఏంటంటే?
హీరో శర్వానంద్ పెళ్లికి సిద్దం అవుతున్నారు. త్వరలోనే ఓ ఇంటివాడు కాబోతున్నాడు. తాజాగా ఎంగేజ్ మెంట్ కు డేట్ కూడా ఫిక్స్ చేశారు. వెన్యూ డిటేయిల్స్ తో కూడిన ఎంగేజ్ మెంట్ ఇన్విటేషన్ కార్డు వైరల్ అవుతోంది.
తెలుగు చిత్ర పరిశ్రమలో తనకంటూ ప్రత్యేక గుర్తింపు దక్కించుకున్నాడు. ఫ్యాన్ ఫాలోయింగ్ నూ పెంచుకున్నాడు. అయితే టాలీవుడ్ లో మోస్ట్ ఎలిజిబుల్ బ్యాచిలర్ గా ఉన్న హీరో శర్వానంద్ (Sharwanand) త్వరలో ఓ ఇంటివాడు కాబోతున్నాడు.
ఇప్పటికే ఎంగేజ్ మెంట్, పెళ్లికి సంబంధించిన అరెంజ్ మెంట్స్ ప్రారంభించినట్టు తెలుస్తోంది. తాజాగా అందిన సమచారం ప్రకారం.. శర్వా ఎంగేజ్ మెంట్ కు డేట్ ఫిక్స్ అయ్యింది. ఈనెలలోనే స్టార్ హోటల్ లో గ్రాండ్ నిర్వహించబోతున్నారని సమాచారం.
ఈ సందర్భంగా శర్వానంద్ ఎంగేజ్ మెంట్ కు సంబంధించిన ఇన్విటేషన్ కార్డు నెట్టింట వైరల్ అవుతోంది. దాని ప్రకారం.. జనవరి 26న ఉదయం 11.04 నిమిషాలకు శర్వా నిశ్చితార్థం పద్మ అనే అమ్మాయితో జరగనుంది. ఇందుకు వెన్యూ ను కూడా ఫైనల్ చేశారు.
బంజారా హిల్స్ రోడ్ నెంబర్ 12లోని హుడా హైట్స్ లో ఎంగేజ్ మెంట్ ఘనంగా జరగనున్నట్టు తెలుస్తోంది. హ్యయాత్ ప్యాలస్ లో విందు భోజనాలు ఏర్పాటు చేశారు. ప్రస్తుతం ఇన్విటేషన్ కార్డు నెట్టింట వైరల్ అవుతోంది. ఇక పెళ్లి సమ్మర్ లో ఏప్రిల్ నెలలో జరగనుందని సమచారం. ఇంకా దీనిపై అధికారిక ప్రకటన రావాల్సి ఉంది.
శర్వానంద్ చేసుకోబోయే అమ్మాయి గురించి ఆసక్తికరమైన విషయాలు బయటికి వస్తున్నాయి. ఆమె ప్రముఖ ఐటీ కంపెనీలో సాఫ్ట్ వేర్ ఇంజనీర్ గా వర్క్ చేస్తున్నట్టు తెలుస్తోంది. అలాగే మాజీ మంత్రికి మనుమరాలు అని సమాచారం. దీంతో పొలిటికల్ బ్యాక్ గ్రౌండ్ ఉన్న కుటుంబానికే శర్వా అల్లుడు కాబోతున్నాడు.
ఇప్పటికే 38 ఏండ్ల వయస్సున శర్వానంద్ పెళ్లి ఎప్పుడంటూ అభిమానులు ఆసక్తిగా ఎదురుచూస్తున్నారు. ఇప్పటికైనా సెట్ అవ్వడం పట్ల ఫ్యాన్స్ ఖుషీ అవుతున్నారు. ఇక 2022లో ‘ఒకే ఒక జీవితం’, ‘ఆడవాళ్లు మీకు జోహార్లు’ చిత్రాలతో అలరించాడు. ప్రస్తుతం తదుపరి చిత్రాలపై ఎలాంటి అప్డేట్ లేదు.