- Home
- Entertainment
- Silk Smitha: సిల్క్ స్మిత, జయలక్ష్మి లాగా ఇంకెవరూ చనిపోకూడదంటే అదే మార్గం..హీరోయిన్లంతా ఆ మూవీ చూడాలి
Silk Smitha: సిల్క్ స్మిత, జయలక్ష్మి లాగా ఇంకెవరూ చనిపోకూడదంటే అదే మార్గం..హీరోయిన్లంతా ఆ మూవీ చూడాలి
Dasari Narayanarao: దర్శకరత్న దాసరి నారాయణరావు ఓ సందర్భంలో మాట్లాడుతూ సిల్క్ స్మిత, జయలక్ష్మి లాంటి నటీమణుల విషాద మరణాల గురించి ఆసక్తికర వ్యాఖ్యలు చేశారు.
టాలీవుడ్ లో విషాద మరణాలు
తెలుగు చిత్ర పరిశ్రమలో ఎన్నో విషాదాలు, అనుమానాస్పద మరణాలు జరిగాయి. సిల్క్ స్మిత, జయలక్షి, దివ్య భారతి లాంటి నటీమణుల మరణాలపై ఇప్పటికీ వివాదం నడుస్తూనే ఉంది. సిల్క్ స్మిత, జయలక్షి లాంటి వారు ఆత్మహత్య చేసుకున్నారు. వారు అలా ఎందుకు చేసుకోవాల్సి వచ్చింది అనేదానిపై చర్చ జరుగుతూనే ఉంది. ఎన్నో వాదనలు వినిపిస్తున్నాయి.
మొదట స్పందించింది నేనే
ఓ సందర్భంలో దాసరి నారాయణ రావు వారి మరణాల గురించి ఆసక్తికర వ్యాఖ్యలు చేశారు. ఓ ఇంటర్వ్యూలో సిల్క్ స్మిత, జయలక్ష్మి లాంటి నటీమణుల జీవితాలు ఎందుకు ఇలా ముగిసిపోయాయి. దీనిపై టాలీవుడ్ సరిగ్గా స్పందించిందా అని మీడియా ప్రతినిధి ప్రశ్నించారు. దీనికి దాసరి నారాయణ రావు జవాబు ఇస్తూ.. వారి మరణాలపై తెలుగు చిత్ర పరిశ్రమ స్పందించిందా లేదా అనేది పక్కన పెడితే.. మొట్ట మొదట స్పందించిన వాడిని నేనే. అందుకే శివరంజని అనే సినిమా తీశాను.
ప్రతి హీరోయిన్ ఆ సినిమా చూడాలి
ఆల్రెడీ ఇండస్ట్రీలో ఉన్న హీరోయిన్లు కానీ, కొత్తగా ఇండస్ట్రీకి వచ్చిన నటీమణులు కానీ.. ఇండస్ట్రీకి రావాలి అనుకుంటున్న అమ్మాయిలు కానీ ఒక్కసారి శివరంజని సినిమా చూడాలి. ఆ సినిమాని చూసి అర్థం చేసుకుంటే ఇండస్ట్రీలో నటీమణుల ఆత్మహత్యలు ఏమాత్రం ఉండవు. అనుభవం లేక ఆత్మహత్యల వరకు వెళుతున్నారు. అందుకే ఆ అనుభవాన్ని ముందే చూపించాం. ఆ సినిమా చూసిన తర్వాత కూడా నేర్చుకోకుంటే వాళ్ళ దురదృష్టం అని దాసరి నారాయణ రావు అన్నారు.
కంటతడి పెట్టించేలా జయసుధ నటన
దాసరి నారాయణ రావు ఒక సినీనటి తెర వెనుక జీవితం ఎలా ఉంటుందో ఎమోషనల్ గా చూపించారు. జయసుధ పెర్ఫార్మెన్స్ కంటతడి పెట్టించేలా ఉంటుంది. చివరికి శివరంజని ఆత్మహత్య చేసుకుని మరణించినట్లు కథలో చూపిస్తారు.
సూపర్ స్టార్ డమ్ వచ్చాక ఒత్తిడి
చిత్ర పరిశ్రమలో ఎలాంటి పరిస్థితులు ఉంటాయి, సూపర్ స్టార్ డమ్ వచ్చాక ఒత్తిడి ఎలా ఉంటుంది లాంటి అంశాలని దాసరి ఈ చిత్రంలో చూపించారు. అందుకే ఇండస్ట్రీలోకి రావాలనుకునేవారు, ఆల్రెడీ ఉన్న వారు ఈ చిత్రం చూడాలి అని దాసరి అన్నారు.
