The Odyssey: విధ్వంసానికి నోలన్ సినిమా రెడీ, కథేంటో తెలుసా.. 2 వేల కోట్ల బడ్జెట్, చరిత్రలో ఇదే తొలి చిత్రం

'ఓపెన్‌హైమర్' తర్వాత క్రిస్టోఫర్ నోలన్ నుంచి వస్తున్న మరో భారీ చిత్రం 'ది ఒడిస్సీ'. హోమర్ రాసిన గ్రీక్ ఇతిహాసం ఆధారంగా ఈ సినిమా తెరకెక్కింది. ఈ సినిమా రికార్డు స్థాయి ఓపెనింగ్స్ సాధిస్తుందని అంచనాలున్నాయి.

Image Credit : People

ది ఒడిస్సీ కథ ఇదే

క్రీస్తుపూర్వం 8వ శతాబ్దంలో హోమర్ రాసిన 'ది ఒడిస్సీ' అనే గ్రీక్ ఇతిహాసం ఈ సినిమాకు ఆధారం. ట్రోజన్ యుద్ధం తర్వాత పదేళ్లపాటు ఇంటికి తిరిగి రాలేకపోయిన ఇథాకా రాజు ఒడిస్సియస్ కథ ఇది. అతను తిరిగి వచ్చేసరికి, అతని భార్య పెనెలోప్, కొడుకు టెలిమాకస్‌ను ఇబ్బంది పెడుతూ, రాజ్యాన్ని చేజిక్కించుకోవాలని చూస్తుంటారు కొందరు దురాశపరులు. దేవత ఎథీనా సహాయంతో ఒడిస్సియస్ ప్రమాదకరమైన ప్రయాణం మొదలుపెడతాడు. లోటస్-ఈటర్స్, సైక్లాప్స్ పాలిఫెమస్, మంత్రగత్తె సిర్సీ, పాతాళలోకం, సైరన్‌లు, స్కిల్లా, చరిబ్డిస్ వంటి ఎన్నో అడ్డంకులను దాటి చివరికి ఇంటికి చేరి, శత్రువులను ఓడించి తన కుటుంబాన్ని ఎలా కలుసుకున్నాడన్నదే ఈ సినిమా కథ.

Image Credit : Deadline

ఒడిస్సియస్ పాత్రలో మ్యాట్ డామన్

ఈ సినిమాలో ఒడిస్సియస్ పాత్రలో మ్యాట్ డామన్ నటిస్తున్నాడు. అతనితో పాటు యాన్ హథవే, టామ్ హాలండ్, జెండయా, రాబర్ట్ ప్యాటిన్‌సన్, లుపిటా న్యోంగో, చార్లిజ్ థెరాన్, జోన్ బెర్న్‌తల్ వంటి హాలీవుడ్ స్టార్లు కీలక పాత్రలు పోషిస్తున్నారు. భావోద్వేగ కథనానికి అద్భుతమైన విజువల్స్ జోడించే నోలన్, ఈ పౌరాణిక గాథకు జీవం పోయగల నటీనటులను ఎంచుకున్నాడు. ప్రేక్షకులకు గొప్ప సినిమాటిక్ అనుభూతిని ఇవ్వడానికి ఈ చిత్రాన్ని ఐమాక్స్ (IMAX) వంటి ప్రీమియం ఫార్మాట్లలో కూడా విడుదల చేస్తున్నారు. సినీ చరిత్రలో ఐమ్యాక్స్ కెమెరాలతోనే పూర్తిగా చిత్రీకరించబడిన మొట్టమొదటి చిత్రం ఇదే.

Image Credit : ELLE

2 వేల కోట్ల బడ్జెట్

'ఓపెన్‌హైమర్' విజయం తర్వాత 'ది ఒడిస్సీ'పై భారీ అంచనాలు నెలకొన్నాయి. ఈ సినిమా మొదటి వారాంతంలోనే 90 నుండి 100 మిలియన్ డాలర్ల వరకు వసూలు చేయగలదని ట్రేడ్ వర్గాలు అంచనా వేస్తున్నాయి. 'ది డార్క్ నైట్ రైజెస్' తర్వాత నోలన్ కెరీర్‌లో ఇదే అతిపెద్ద ఓపెనింగ్ కావచ్చు. ప్రేక్షకుల స్పందన బాగుంటే, వసూళ్లు 100 మిలియన్ డాలర్ల మార్కును దాటవచ్చని విశ్లేషకులు భావిస్తున్నారు. ఈ సినిమా విడుదలయ్యే వారంలో మరో పెద్ద హాలీవుడ్ సినిమా ఏదీ పోటీలో లేకపోవడం కూడా దీనికి కలిసొచ్చే అంశం. దాదాపు 2 వేల కోట్ల బడ్జెట్ లో ఈ చిత్రాన్ని నిర్మించారు.

Image Credit : Collider

5 దేశాల్లో షూటింగ్

గ్రీక్ పురాణ గాథకు ఆస్కార్ విజేత క్రిస్టోఫర్ నోలన్ అద్భుతమైన ఫిల్మ్ మేకింగ్ తోడైంది. దీనికి భారీ తారాగణం కూడా జత కలవడంతో, ఈ సినిమా బాక్సాఫీస్ వద్ద రికార్డులు సృష్టించడం ఖాయంగా కనిపిస్తోంది. మొరాకో ఎడారులు, స్కాట్ ల్యాండ్ సముద్ర తీరాలు ఇలా మొత్తం 5 దేశాల్లో ఈ చిత్ర షూటింగ్ జరిగింది. జూలై 17 ఈ చిత్రం గ్రాండ్ రిలీజ్ కి రెడీ అవుతోంది. అంటే మరి కొన్ని గంటల్లోనే నోలన్ మూవీ విధ్వంసం మొదలవుతుంది.