పవన్ కళ్యాణ్ కోసం అబద్దం చెప్పి హీరోయిన్ ని పిలిపించిన కొణిదెల సురేఖ.. ఆమె ఫోటోలు మొత్తం తీసుకుని..

పవర్ స్టార్ పవన్ కళ్యాణ్ ఎంత ఎదిగినా తన సోదరుడు చిరంజీవి, వదిన సురేఖ దగ్గర మాత్రమే ఒదిగి ఉంటాడు. పలు సందర్భాల్లో చిరంజీవి, సురేఖని పవన్ తల్లిదండ్రులుగా అభివర్ణించిన సంగతి తెలిసిందే.

పవర్ స్టార్ పవన్ కళ్యాణ్ ఎంత ఎదిగినా తన సోదరుడు చిరంజీవి, వదిన సురేఖ దగ్గర మాత్రమే ఒదిగి ఉంటాడు. పలు సందర్భాల్లో చిరంజీవి, సురేఖని పవన్ తల్లిదండ్రులుగా అభివర్ణించిన సంగతి తెలిసిందే. పవన్ కళ్యాణ్ సినిమాల్లోకి రావడానికి చిరంజీవి పాత్ర ఎంత ఉందో సురేఖ పాత్ర కూడా అంతే ఉందని కుటుంబ సభ్యులు చెబుతుంటారు. 

పవన్ కళ్యాణ్ కూడా నేను సినిమాల్లో కి వచ్చాను అంటే ఆ ద్రోహం మా వదినదే అంటూ ఓ పొలిటికల్ మీటింగ్ లో కామెంట్స్ చేశారు. అయితే సినిమాలకి సంబంధించిన ఒక ఆసక్తికర విషయం వైరల్ గా మారింది. పవన్ కళ్యాణ్ కోసం అబద్దం చెప్పి మరీ చిరంజీవి సతీమణి సురేఖ ఒక హీరోయిన్ ని ఎంపిక చేసిందట. 

ఆ హీరోయినే ఈ విషయాన్ని స్వయంగా పంచుకుంది. ఆమె ఎవరో కాదు.. సీనియర్ నటి రాశి. పవన్ కళ్యాణ్ తో కలసి రాశి గోకులంలో సీత అనే చిత్రంలో నటించింది. పవన్ కళ్యాణ్ నటించిన రెండవ చిత్రం ఇదే. ఈ చిత్రంలో హీరోయిన్ ఎంపిక చేయాలని అంతా కసరత్తు చేస్తున్నారు. అదే సమయంలో నేను నటించిన ఒక చిత్రాన్ని సురేఖ గారు చూశారట. 

అంతకు ముందు నేను చిరంజీవి గారి గ్యాంగ్ లీడర్ హిందీలో చైల్డ్ ఆర్టిస్ట్ గా నటించా. రవిరాజా పినిశెట్టి ద్వారా నా గురించి చిరంజీవి ఫ్యామిలీకి బాగా తెలుసు. వెంటనే సురేఖ గారు మా నాన్నకి ఫోన్ చేయించారట. చిరంజీవి గారు వెంటనే రమ్మనట్లు అబద్దం చెప్పరు. నేను ఎందుకైనా బెటర్ అని నా ఫోటో ఆల్బమ్ మొత్తం తీసుకుని వెళ్ళా. 

అక్కడికి వెళ్ళాక అర్థం అయింది.. పిలిపించింది చిరంజీవి గారు కాదు సురేఖ గారు అని. నా ఫోటోలు మొత్తం చూశారు. ట్రెడిషనల్ గా చాలా బావున్నావు అని అన్నారు. వెస్ట్రన్ డ్రెస్సుల్లో కూడా ఫోటో షూట్ చేయించారు. ఈ అమ్మాయి కళ్యాణ్ పక్కన చాలా బావుంటుంది.. గోకులంలో సీత మూవీకి ఫైనల్ చేయండి అని చెప్పారు. ఆ విధంగా సురేఖ గారే నన్ను ఆ మూవీకి హీరోయిన్ గా ఎంపిక చేశారని రాశి తెలిపింది. 

గోకులంలో సీత చిత్రం తర్వాత పవన్ కళ్యాణ్ ని ఎప్పుడూ కలవలేదని రాశి తెలిపింది. ఆ మధ్యన నా కూతురు ఫస్ట్ బర్త్ డే కి ఇన్వైట్ చేద్దామని వెళితే ఆయన సిటీ అవుట్ స్కర్ట్స్ లో షూటింగ్ లో ఉన్నారని చెప్పారు. అక్కడికి వెళితే కారు దూరంగానే ఆపేశారు. అపాయింట్మెంట్ లేకుండా కలవడం కుదరదు అని ఆయన సెక్యూరిటీ చెప్పారు. ఆ సమయంలో పవన్ క్యారవ్యాన్ లో ఉన్నారు. 

నేను ఆయన కో స్టార్ ని కదా.. నాకు కూడా అపాయింట్మెంట్ కావాలా అని అనుకున్నా.. మా కారు డ్రైవర్ ని పంపి ఇలా రాశి వచ్చింది అని చెప్పమన్నా. ఒక వేళ రమ్మంటే వెళదాం.. అపాయింట్మెంట్ కావాలంటే తిరిగి వెళ్ళిపోదాం అనుకున్నా.రాశి గారు వచ్చారు అని చెప్పగానే  వెంటనే పవన్ కళ్యాణ్ గారు మమల్ని పిలిచి ఆప్యాయంగా మాట్లాడినట్లు రాశి తెలిపింది.