చిరంజీవి కుమార్తె శ్రీజ, కళ్యాణ్ దేవ్ విడిపోయారు... ఇదే సాక్ష్యం అంటున్న టాలీవుడ్ వర్గాలు..!

మొదటగా శ్రీజ తన సోషల్ మీడియా అకౌంట్స్ నుండి కళ్యాణ్ దేవ్ పేరు తొలగించింది. అలాగే ఆయన్ని అన్ ఫాలో చేసింది. దీంతో శ్రీజ, కళ్యాణ్ దేవ్ విడాకుల రూమర్స్ బయలుదేరాయి. అలాగే కొన్నాళ్లుగా మెగా ఫ్యామిలీతో కళ్యాణ్ దేవ్ కనిపించడం లేదు. ఆ ఫ్యామిలీ గెట్ టు గెదర్ పార్టీలకు కళ్యాణ్ వెళ్లడం లేదు. 
 

కళ్యాణ్ దేవ్ కెరీర్ ని సైతం గాలికి వదిలేసింది మెగా ఫ్యామిలీ. శ్రీజతో విబేధాల తర్వాత కళ్యాణ్ దేవ్ నుండి రెండు చిత్రాలు విడుదలయ్యాయి. ఈ రెండు చిత్రాలకు మెగా ఫ్యామిలీ సప్పోర్ట్ కరువైంది. చిరంజీవితో పాటు మెగా ఫ్యామిలీ సూపర్ మచ్చి, కిన్నెరసాని చిత్రాలను ప్రమోట్ చేయలేదు. ఈ కారణంగా కళ్యాణ్ దేవ్ నటించిన ఆ రెండు చిత్రాలు వచ్చిపోయిన విషయం కూడా ఎవరికీ తెలియదు.

శ్రీజ, కళ్యాణ్ దేవ్ విడిపోయారన్న వార్తలు బలపరిచేలా తాజా సంఘటన చోటు చేసుకుంది. శ్రీజ మొదటి భర్తకు నివృతి అనే కూతురు ఉంది. నివృతి తల్లి శ్రీజ వద్దే పెరుగుతుంది. కళ్యాణ్ దేవ్ తో వివాహం తర్వాత కూడా నివృతి ఆమెతోనే ఉన్నారు. నివృతిని కూడా కళ్యాణ్ దేవ్ తన బిడ్డలానే భావించేవారని సమాచారం. 

గత ఏడాది జులై 5న నివృతి 13వ పుట్టినరోజు జరుపుకుంది. ఆ రోజు కళ్యాణ్ దేవ్ ఒక ఎమోషనల్ పోస్ట్ ఇంస్టాగ్రామ్ లో పోస్ట్ చేశారు. అప్పుడే మీ అమ్మ అంత ఎత్తుకు పెరిగావు. నువ్వు ఎంత పెద్దదానివైనా నాకు చిన్నారి పాపవే. నీ బాల్యం ఎంతో బాగుండాలి. నవ్వులు, ఆనందం, ప్రేమతో నిండి ఉండాలి.. అంటూ బర్త్ డే గ్రీటింగ్ పోస్ట్ చేశాడు.

ఈ ఏడాది ఆయన ఇంస్టాగ్రామ్ లో నివృతి బర్త్ డే పై ఎలాంటి పోస్ట్ పెట్టలేదు. కూతురుకి బర్త్ డే విషెస్ చెప్పలేదు. ఇక నివృతి బర్త్ డే సెలబ్రేషన్స్ కి సంబంధించిన శ్రీజ ఇంస్టాగ్రామ్ లో పోస్ట్ చేశారు. సదరు ఫోటోస్ లో కళ్యాణ్ దేవ్ మిస్ అయ్యాడు. ఇదంతా చూస్తుంటే శ్రీజ, కళ్యాణ్ దేవ్ విడిపోయారన్నది నిజమే కావచ్చు అంటున్నారు. 

గత ఆరు నెలలుగా శ్రీజ, కళ్యాణ్ దేవ్ ఒక్క సందర్భంలో కూడా కలవలేదు. మరోవైపు శ్రీజ మూడో వివాహానికి సిద్దమవుతున్నట్లు వార్తలు రావడం విశేషం. స్నేహితుడిని శ్రీజ వివాహం చేసుకోనున్నారనేది తాజా కథనాల సారాంశం.

చదువుకునే రోజుల్లో శ్రీజ కుటుంబ సభ్యులకు తెలియకుండా ఆర్య సమాజ్ లో లవ్ మ్యారేజ్ చేసుకున్నారు. అప్పట్లో ఈ సంఘటన సంచలనం రేపింది. కుటుంబ సభ్యుల నుండి హాని ఉందంటూ శ్రీజ పోలీసులను ఆశ్రయించారు. కొన్నాళ్ల తర్వాత కూతురిపై ప్రేమతో చిరంజీవి ఇద్దరినీ ఇంటికి పిలిపించుకున్నారు. అయితే మనస్పర్ధలు కారణంగా శ్రీజ మొదటి భర్తతో విడిపోయారు.