Guppedantha Manasu: అవమానంతో తలదించుకున్న జగతి.. అయోమయంలో చక్రపాణి దంపతులు!
Guppedantha Manasu: స్టార్ మా లో ప్రసారం అవుతున్న గుప్పెడంత మనసు సీరియల్ మంచి కంటెంట్ తో ప్రేక్షకుల హృదయాలని గెలుచుకుంటుంది. కొడుకుకి ప్రమాదం ఉందని తెలుసుకుని కొడుక్కి చెప్పలేక అవస్థ పడుతున్న ఒక తల్లి కథ ఈ సీరియల్. ఇక ఈరోజు మే 17 ఎపిసోడ్ లో ఏం జరిగిందో చూద్దాం.
ఎపిసోడ్ ప్రారంభంలో వసు సైలేంద్రకి దేవయానికి క్షమాపణలు చెప్తుంది. మీరు చేసిన తప్పుకి ఎవరో బాధ్యత వహించాల్సి వస్తుంది అంటూ జగతి మీద కోప్పడతాడు రిషి. రిషి వదిలేయ్ పచ్చని పందిట్లో గొడవ పడటం మంచిది కాదు మనం తర్వాత మాట్లాడుకుందాం ముందు మీరు అమ్మవారి గుడికి వెళ్లి రండి అని చెప్తాడు మహేంద్ర. వసుని తీసుకుని గుడికి వెళ్తాడు రిషి.
తర్వాత మహేంద్ర కూడా ఫణీంద్రకీ దేవయాని వాళ్ళకి క్షమాపణలు చెప్పుకుంటాడు. అక్కడనుంచి అందరూ వెళ్ళిపోయిన తరువాత బాగా భయపడిపోయినట్లుగా ఉన్నావు కదా పిన్ని అయినా ఇప్పుడు మా టార్గెట్ రిషిని చంపటం కాదు రిషి మనసులో ఉన్న నీ స్థానాన్ని చంపటం. ఇప్పుడు నువ్వు ఏమి చేయలేవు కూర్చుని ఏడు అక్కడ నుంచి వెళ్ళిపోతారు తల్లి కొడుకులు.
మరోవైపు గుడికి వెళ్ళిన రిషి తమ బంధాన్ని నిలబెట్టమని అమ్మవారికి దండం పెట్టుకుంటారు. ఈమధ్య మీ చుట్టూ ఏవేవో జరుగుతున్నాయి కంగారు గా ఉంది అంటుంది వసు. ఎందుకు లేనిపోని భయాలు పెట్టుకుంటారు మీరు ఎక్కువగా భయపడుతున్నట్లు ఉన్నారు. ఇందాక మేడం ని కూడా చూసావు కదా ఎలా ప్రవర్తించారో అంటాడు రిషి. నాకు ఏమీ జరగదు భయపడొద్దు అంటూ ధైర్యం చెప్తాడు.
పద అమ్మవారి మెడలో దండ వేద్దాం అంటూ గట్టు మీద కాలు వేసి ఎక్కబోతుంటే కాలు స్లిప్ అయ్యి జారిపోతాడు. అతని చేతిలో ఉన్న దండ ఇద్దరి మెడలో కలిసి పడుతుంది. చూసావా మన బంధం దేవుడు నిర్ణయించినది అంటూ ఆనందపడతాడు రిషి. మరోవైపు ఏడుస్తున్న జగతిని నిన్ను ఇలా చూడలేకపోతున్నాను ఏం జరిగిందో చెప్పు అని నిలదీస్తాడు మహేంద్ర.
నువ్వు అనవసరంగా భయపడుతున్నావు శైలేంద్రని చూశావా ఎంత చురుకుగా అందరిలోనే కలిసిపోయి పనులు చేస్తున్నాడో అంటాడు. అంటే నాదంతా భ్రమ అంటారా మీ వదిన గారు సంగతి నీకు తెలిసిందే కదా అంటుంది జగతి. నిజమే కానీ ఆవిడ కోపం అంతా మీ మీదే రిషి అంటే ఆవిడకి చాలా ప్రేమ అంటాడు మహేంద్ర. నువ్వు అనుకున్నట్లు ఏమీ కాదు రిషి వసు ఇద్దరూ చాలా సంతోషంగా ఉంటారు అంటూ ధైర్యం చెప్తాడు.
నువ్వు జాగ్రత్తగా ఉండు నేను ఢిల్లీ వెళ్తున్నాను అంటాడు. ఎందుకు నన్ను ఇలా ఒంటరిగా వదిలేసి వెళ్ళిపోతావా మళ్లీ ఎప్పుడు వస్తావు అంటూ అడుగుతుంది జగతి. తప్పదు వెళ్లాలి రిషి మెడికల్ కాలేజీ పర్మిషన్స్ కోసం పంపిస్తున్నాడు ఎప్పుడు వస్తానో తెలియదు అంటాడు మహేంద్ర. మహేంద్ర ని పట్టుకొని ఏడుస్తుంది జగతి. మరోవైపు జగతికి సాయం చేసినందుకు ధరణికి చివాట్లు పెడతారు దేవయాని, శైలేంద్ర.
మళ్లీ ఇలా చేస్తే ఊరుకునేది లేదు అంటూ హెచ్చరిస్తాడు శైలేంద్ర.మరోవైపు కార్లో వెళ్తూ జగతి గారు ఎందుకు అలాగా ప్రవర్తించారు ఆవిడ ఎందుకో మనం వెళ్లడం దగ్గర నుంచి కూడా కంగారుగానే కనిపించారు వాసుని అడిగితే ఏమి చెప్పలేదు అంటాడు చక్రపాణి. రిషి ఆవిడని అలా మాట్లాడుతుంటే నాకు చాలా బాధనిపించింది అంటుంది సుమిత్ర. మరోవైపు గుడికి వెళ్లిన ఇంకా ఇంటికి రాకపోవడంతో కంగారుపడుతుంది జగతి.
అప్పుడే ఆమె గదికి వస్తారు దేవయాని, శైలేంద్ర. ఏంటి పిన్ని బాగా భయపడుతున్నట్లుగా ఉన్నావు గుడికి వెళ్లిన రిషి వాళ్ళు వస్తారో రారో అనా.. వుండు ఫోన్ చేసి కనుక్కుంటాను అంటాడు శైలేంద్ర. నువ్వేమీ అనుకో అక్కర్లేదు వాళ్ళు వస్తారులే అంటుంది జగతి. నీకు మరీ మొహమాటం ఎక్కువ పిన్ని ఉండు అంటూ ధరణిని పిలిచే ఫోన్ తీసుకు రమ్మంటాడు శైలేంద్ర.
మరోవైపు రిషి, వసు ఒంటరిగా కూర్చుని కబుర్లు చెప్పుకుంటూ ఉంటారు. అప్పుడే శైలేంద్ర దగ్గరనుంచి ఫోన్ వస్తుంది. లిఫ్ట్ చేయకుండా నాకు ఇక్కడ ఇలా నీతో గడపటమే బాగుంది నీకు ఎలా ఉంది అంటాడు రిషి. నాక్కూడా ఇలాగే బాగుంది ఇంకాసేపు ఇక్కడే ఉందాము అంటుంది వసు. శైలేంద్ర మాత్రం ఆపకుండా మళ్ళీ ఫోన్ చేస్తాడు. తర్వాత ఏం జరిగిందో రేపటి ఎపిసోడ్ లో చూద్దాం.