నాటీ.. ఆంటీ అంటూ యాంకర్ సుమకి షాకిచ్చిన బ్రహ్మాజీ.. అనసూయని లాగుతూ రచ్చ లేపుతున్న నెటిజన్లు

బ్రహ్మాజీ ఏజ్‌ గురించి తరచూ చర్చ జరుగుతుంటుంది. తాత బ్రహ్మాజీ అని, అంకుల్‌ అని, బాలనటుడు అంటూ రకరకాలుగా కామెంట్లు చేస్తుంటారు సుమ. అందుకు బ్రహ్మాజీ కూడా అంతే సరదాగా రిప్లై ఇస్తుంటారు. వీరిద్దరి మధ్య పంచ్‌లు ఆద్యంతం కడుపుబ్బ నవ్విస్తుంటాయి. ఆడియెన్స్ ని అలరిస్తూ ఈవెంట్‌కే హైలైట్‌గా నిలుస్తుంటాయి. 
 

తాజాగా సుమ కనకాల.. నాగశౌర్య నటించిన `కృష్ణ వ్రింద విహారి` చిత్ర ప్రీ రిలీజ్‌ ఈవెంట్‌ మంగళవారం రాత్రి హైదరాబాద్‌లో జరిగింది. ఇందులో కమెడీయన్‌ బ్రహ్మాజీ పాల్గొన్నారు. ఎప్పటిలాగే బ్రహ్మాజీ, సుమ మధ్య ఓ సరదాగా కన్వర్జేషన్‌ నడిచింది. ఇద్దరు కలిసి నవ్వులు పూయించారు. 
 

ఈవెంట్‌ మధ్యలో బ్రహ్మాజీ వద్దకు వచ్చింది యాంకర్‌ సుమ. ఇక్కడ హాయిగా, రిలాక్స్ గా అనిపిస్తుంది. కాబట్టి ఇప్పుడు చెప్పండి బ్రహ్మాజీ గారు అంటూ ఆయన్ని కదిపే ప్రయత్నం చేసింది సుమ. ఇంతకు ముందు నుంచి మీ మనోభావాలేమైనా దెబ్బ తిన్నాయా? అంటూ ప్రశ్నించింది. దేనికి అంటూ ఆయన అడగ్గా, లేట్‌గా పిలిచినందుకు అని చెప్పిందిసుమ. 
 

దానికి బ్రహ్మాజీ రియాక్ట్ అవుతూ, కొంచెం ఆకలేస్తుంది. షూటింగ్ నుంచి వచ్చాము. మళ్లీ మార్నింగ్‌ షూటింగ్‌ ఉంది` అంటూ చెప్పే ప్రయత్నం చేశారు. ఇంకా చెప్పండి, మీరు ఏం చెప్పాలనుకుంటున్నారో అని సుమ అనగా, ఏమైనా అడగండి అంటూ బదులిచ్చాడు బ్రహ్మాజీ. దీంతో ప్రశ్నలు స్టార్ట్ చేసిన సుమ.. మీ ఆస్తి వివరాలు చెప్పమనగా, లోలోపల గునుగుతూ మీ రాజీవ్ కంటే ఎక్కువ అన్నట్టగా బదులిచ్చాడు. 
 

దీంతో రెండో ప్రశ్న అంటూ మీ ఏజ్‌ ఎంత అని ప్రశ్నించింది యాంకర్‌ సుమ. దీనికి బ్రహ్మాజీ స్పందిస్తూ `యూ నాటీ..ఏ ఆంటీ` అంటూ అందరి ముందే షాకిచ్చాడు. ఈ దెబ్బకి సుమ ముఖం వాడిపోయింది. ఇది ఏంటో ఎటువెళ్లిపోతుందో ఏంటో.. అంటూ నో కామెంట్‌ అని చెప్పింది సుమ. అంతేకాదు రేపు ఎవరితో షూటింగో కాస్త చూసుకోండి అని చెప్పడం ఆశ్చర్యానికి గురిచేయడంతోపాటు ఈవెంట్‌లో ఆద్యంతం నవ్వులు పూయించింది. 
 

ఇంత వరకు బాగానే ఉంది. ఇప్పుడు బ్రహ్మాజీ చేసిన కామెంట్లు అనసూయని ఉద్దేశించి అనే వాదన తెరపైకి తీసుకొస్తున్నారు నెటిజన్లు. సుమ కూడా ఏంటో ఇది ఎటువెళ్తుందోఏమో అని చెప్పడంలో అర్థం కూడా అనసూయని ఉద్దేశించే అని అంటున్నారు. ఈ సరదాగా కన్వర్జేషన్‌లోకి అనసూయని లాగుతూ మరింత రచ్చ చేస్తున్నారు ఇంటర్నెట్‌ కుర్రాళ్లు. 

ఇటీవల అనసూయని నెటిజన్లు `ఆంటీ` అంటూ ట్రోల్‌ చేసిన విషయం తెలిసిందే. కత్తిలాగా ఉన్న తనని ఆంటీ ఎలా అంటారంటూ ఆమె ఫైర్‌ అయ్యింది. ఏజ్‌ అబ్యూజింగ్‌ అంటూ కేసుకూడా పెట్టింది. ఇది మరింత రచ్చగా మారింది. సోషల్‌ మీడియాలో అనసూయ దారుణంగా ఆడుకున్నారు నెటిజన్లు. ఇప్పుడిప్పుడే ఆ వివాదాన్ని మర్చిపోతున్నారు. ఇప్పుడు సుమ బ్రహ్మాజీని గెలకడం, ఆయన `నాటీ.. ఆంటీ` అంటూ కామెంట్లు చేయడం పరోక్షంగా అనసూయనే అంటూ కామెంట్లు చేస్తున్నారు. 

ఆంటీ అన్నందుకు మా పై అంతెత్తున్న ఎగిరిన అనసూయ ఇప్పుడు దీనిపై ఏం చెబుతుందో చూడాలని, ఇప్పుడు ఏం అంటావు అనసూయ అని కామెంట్లతో రెచ్చిపోతున్నారు. అనసూయని ట్యాగ్‌ చేస్తూ ఈ వీడియో క్లిప్పుని షేర్‌ చేస్తున్నారు. దీంతో ఇప్పుడిది సోషల్‌ మీడియాలో దుమారం రేపుతుంది. మరోసారి హాట్‌ యాంకర్‌ అనసూయని ఈ వివాదంలోకి లాగితే అది మరింత రచ్చగా మారుతుందని చెప్పొచ్చు. మరి దీనిపై అనసూయ స్పందిస్తుందా? లేదా అనేది చూడాలి.