సినిమాల్లో సీరియల్ కిస్సర్..బయట జెంటిల్ మ్యాన్, క్రేజీ హీరో రియల్ లైఫ్ లవ్ స్టోరీ

బాలీవుడ్ నటుడు ఇమ్రాన్ హష్మీ 90 వ దశకంలో సినిమాల్లోకి ఎంట్రీ ఇచ్చారు. సినిమాల్లో సీరియల్ కిస్సర్ గా ఇమ్రాన్ హష్మీ గుర్తింపు సొంతం చేసుకున్నాడు. 

 సినిమాల్లో సీరియల్ కిస్సర్ గా, బ్యాడ్ బాయ్ ఇమేజ్ తో మెరిసిన ఇమ్రాన్ హాష్మీ నిజ జీవితంలో జెంటిల్ మ్యాన్ అని నమ్మక తప్పదు. బాలీవుడ్ నటుడి గురించి కొన్ని ఆసక్తికరమైన విషయాలు తెలుసుకుందాం.

ఇమ్రాన్ హాష్మీ, అలియా భట్ బంధువులు అని మీకు తెలుసా? ఇమ్రాన్ అమ్మమ్మ, మహేష్ భట్ బంధువులు అని చెప్పుకుంటారు. ఇమ్రాన్ సినిమాల్లోకి రావడానికి కారణం కూడా మహేష్ భట్టే. జీవితంలో ఏం చేయాలో తెలియని ఇమ్రాన్ హాష్మీని ఆయన తండ్రి తన సోదరుడు మహేష్ భట్ దగ్గర వదిలేసారట.

ఇమ్రాన్ హాష్మీ ముంబైలోని సిడెన్హామ్ కాలేజీ నుండి పట్టా పొందారు. అయితే ఆయన మొదటి నుంచీ సగటు విద్యార్థి అని, ఇమ్రాన్ కాలేజీకి వెళ్లేది తన స్నేహితులు, ప్రేయసస్సుల కోసమేనట. మహేష్ భట్ ఇమ్రాన్ హాష్మీని తన సహాయకుడిగా ఉంచుకున్నారట. కానీ ఇమ్రాన్ ఎలాగైనా ఆయన నుండి తప్పించుకోవడానికి ప్రయత్నించేవారట.

ఇక 'మర్డర్' సినిమాతో విజయం సాధించిన ఇమ్రాన్ హాష్మీ.. 'మర్డర్', 'ఆషిఖ్ బనాయా ఆప్నే', 'జన్నత్', 'గ్యాంగ్స్టర్', 'ద కిల్లర్', 'జెహర్', 'క్రూక్', 'గుడ్ బాయ్ బ్యాడ్ బాయ్' వంటి చిత్రాల్లో ముద్దు సన్నివేశాల్లో నటించినందుకు ఆయనకు 'సీరియల్ కిస్సర్' అనే పేరు వచ్చింది. అయితే నిజ జీవితంలో ఆయన నిజమైన జెంటిల్ మ్యాన్.

ఇమ్రాన్ ని నిజమైన జెంటిల్ మ్యాన్ అని ఎందుకు అంటారంటే.. సినిమాల్లో అమ్మాయిలతో రొమాన్స్, ముద్దులు పెట్టుకునే సన్నివేశాల్లో నటించే ఇమ్రాన్ నిజ జీవితంలో ఒకే అమ్మాయిని ప్రేమించి పెళ్లి చేసుకున్నారు. ఆమెతోనే సుఖ సంతోషాలతో జీవిస్తున్నారు.

ఇమ్రాన్, ఆయన భార్య పర్వీన్ షహానీ హైస్కూల్ ప్రేమికులు. వారు చాలా సంవత్సరాలుగా స్నేహితులుగా ఉన్నారు. వారి ప్రేమ, బంధం ఒకే సమయంలో పెరిగింది. వీరిద్దరూ చాలా కాలం పాటు డేటింగ్ చేశారు. ఆ సమయంలో ఇమ్రాన్ తన కెరీర్లో స్థిరపడటానికి ప్రయత్నిస్తుంటే.. పర్వీన్ ఆయనకు తోడుగా నిలిచి ప్రోత్సహించారు.

2006లో ఇమ్రాన్ హాష్మీ తన స్నేహితురాలు పర్వీన్ షహానీని వివాహం చేసుకున్నారు. వీరికి అయాన్ హాష్మీ అనే కుమారుడు ఉన్నాడు. కానీ ఆ బాబుకు నాలుగేళ్ల వయసులో క్యాన్సర్ ఉన్నట్లు తేలింది. దీంతో తన బిడ్డను కాపాడుకోవడానికి ఇమ్రాన్ హాష్మీ దేశ విదేశాల్లోని ఆసుపత్రుల చుట్టూ తిరిగి చాలా కష్టపడ్డారు. ప్రస్తుతం ఆ బాబు క్యాన్సర్ నుండి బయటపడి ఆరోగ్యంగా ఉన్నాడు. తన కుమారుడి క్యాన్సర్ పోరాటం గురించి ఇమ్రాన్ హాష్మీ ఒక పుస్తకం కూడా రాశారు.

సోషల్ మీడియా, సోషల్ లైఫ్ నుండి దూరంగా ఉండే ఇమ్రాన్ హాష్మీ తన కుటుంబ జీవితాన్ని నిజంగా ఆనందిస్తున్నారు. పెళ్లి చేసుకుని విడాకులు తీసుకునేవారి మధ్య, విడిపోయేవారి మధ్య ఇమ్రాన్ హాష్మీ తాను ప్రేమించిన అమ్మాయినే పెళ్లి చేసుకుని గత 18 ఏళ్లుగా అందమైన వైవాహిక జీవితాన్ని గడుపుతున్నారు. ఇప్పుడైనా ఇమ్రాన్ హాష్మీ నిజమైన జెంటిల్ మ్యాన్ అని చెప్పండి.