Bollywood Divas: పాన్ ఇండియా క్రేజ్ ఉన్నా ముప్పై ఏళ్లలోపే పెళ్లి చేసుకున్న హీరోయిన్లు వీళ్లే!

కెరీర్ పీక్స్‌లో ఉండగానే, 30 ఏళ్లు కూడా నిండకముందే పెళ్లి చేసుకుని వైవాహిక జీవితంలో స్థిరపడిన బాలీవుడ్ హీరోయిన్లు చాలామందే ఉన్నారు. వాళ్లలో కొందరి గురించి ఇప్పుడు చూద్దాం.

Image Credit : Social Media

ముప్పైలోపే పెళ్లి!

కెరీర్‌లో టాప్ పొజిషన్‌లో ఉన్నప్పుడే చాలామంది బాలీవుడ్ హీరోయిన్లు తమ పర్సనల్ లైఫ్‌కు కూడా ప్రాధాన్యత ఇచ్చారు. తమకు నచ్చిన వాళ్లను పెళ్లి చేసుకుని కొత్త జీవితం ప్రారంభించారు. ఆ విశేషాలు చూద్దాం!

Image Credit : Social Media

అలియా భట్

అలియా భట్ తన 28వ ఏట, 2022 ఏప్రిల్ 14న రణ్‌బీర్ కపూర్‌ను పెళ్లి చేసుకుంది. బాంద్రాలోని తమ ఇంట్లోనే చాలా సింపుల్‌గా వీరి పెళ్లి వేడుక జరిగింది.అలియా భట్ తెలుగులో రాజమౌళి దర్శకత్వంలో ఆర్ఆర్ఆర్ చిత్రంలో నటించిన సంగతి తెలిసిందే. ప్రస్తుతం ఆమె భర్త రణబీర్ కపూర్ కెరీర్ లోనే బిగ్గెస్ట్ ప్రాజెక్టు రామాయణలో నటిస్తున్నారు. ఈ సినిమాపై కనీవినీ ఎరుగని అంచనాలు ఉన్నాయి.

Image Credit : Rashmika Mandanna Insta

రష్మిక మందన్న

రష్మిక మందన్న తన 30వ ఏట అడుగుపెట్టకముందే, 2026 ఫిబ్రవరి 26న విజయ్ దేవరకొండను పెళ్లి చేసుకుంది. విజయ్ దేవరకొండ టాలీవుడ్ లో క్రేజీ హీరో కాగా రష్మిక పాన్ ఇండియా స్థాయిలో తిరుగులేని హీరోయిన్ గా రాణిస్తోంది.పుష్ప, ఛావా, యానిమల్ లాంటి పాన్ ఇండియా బ్లాక్ బస్టర్ సినిమాల్లో రష్మిక హీరోయిన్ గా నటించింది. విజయ్ దేవరకొండ, రష్మిక కలసి ప్రస్తుతం రణబలి అనే చిత్రంలో నటిస్తున్నారు. రష్మిక హీరోయిన్ ఓరియెంటెడ్ చిత్రం మైసాలో నటిస్తోంది.

Image Credit : Instagram/ geneliad

జెనీలియా డిసౌజా

జెనీలియా తన 24 ఏళ్ల వయసులోనే, 2012 ఫిబ్రవరి 3న రితేష్ దేశ్‌ముఖ్‌ను పెళ్లి చేసుకుంది.జెనీలియా టాలీవుడ్ లో ఓ వెలుగు వెలిగిన నటి. సై, బొమ్మరిల్లు, ఢీ లాంటి సూపర్ హిట్ చిత్రాలు ఆమె ఖాతాలో ఉన్నాయి. అల్లు అర్జున్, ఎన్టీఆర్, రాంచరణ్, రామ్ పోతినేని లాంటి స్టార్స్ తో జెనీలియా స్క్రీన్ షేర్ చేసుకుంది.

Image Credit : instagram

రవీనా టాండన్

రవీనా టాండన్ తన 29వ ఏట, 2004 ఫిబ్రవరి 22న అనిల్ తడానిని వివాహం చేసుకుంది. రవీనా టాండన్ బాలీవుడ్ లో ఒకప్పుడు క్రేజీ హీరోయిన్ గా ఉన్నారు. కొన్ని తెలుగు చిత్రాల్లో కూడా ఆమె నటించారు. బంగారు బుల్లోడు, పాండవులు పాండవులు తుమ్మెద, ఆకాశ వీధిలో లాంటి తెలుగు చిత్రాల్లో ఆమె నటించింది.