బుల్లితెరపై సత్తా చాటిన ‘బింబిసార’.. అదిరిపోయే టీఆర్పీతో రికార్డు క్రియేట్ చేసిన కళ్యాణ్ రామ్!

వరుస పరాజయాలతో ఉన్న నందమూరి కళ్యాణ్ రామ్ (Kalyan Ram)కి ‘బింబిసార’తో బ్లాక్ బాస్టర్ హిట్ అందింది. గతేడాది ఆగస్టు 5న ప్రపంచ వ్యాప్తంగా విడుదలైన ఈ చిత్రం మంచి విజయాన్ని అందుకుంది. పలు భాషల్లో విడుదలైన ఈ చిత్రానికి అన్ని చోట్ల పాజిటివ్ రెస్పాన్స్ దక్కింది. 
 

మల్లిడి వశిష్ట దర్శకత్వం వహించిన ఈ చిత్రం ఇటు బాక్సాఫీస్ వద్ద కూడా  మంచి వసూళ్లే రాబట్టింది. థియేటర్లలో దుములేపిన ఈ చిత్రం  గతేడాది అక్టోబర్ 21 నుంచి ‘జీ5’లో స్ట్రీమింగ్ అవుతోంది. ఓటీటీలోనూ నవంబర్ నాటికే  200 మిలియన్లకు పైగా  స్ట్రీమింగ్ మినిట్స్ తో సత్తా చాటింది. 

కాగా, ఈ చిత్రం రీసెంట్ గా జనవరి 8న ‘జీతెలుగు’లో వరల్డ్ ప్రీమియర్ గా ప్రసారం అయ్యింది. దీంతో టీవీ ప్రేక్షకుల నుంచి కూడా ‘బింబిసార’కు మంచి రెస్పాన్స్ దక్కింది. అయితే సినిమాకు అర్బన్ ఏరియాలో 11.46 రేటింగ్ వచ్చింది. అర్బన్ ప్లస్  రూరల్ కలుపుకొని 9.45 రేటింగ్ వచ్చింది.  

ఈ స్థాయిలో సినిమాకు TRP రేటింగ్ రావడం విశేషం అంటున్నారు. కళ్యాణ్ రామ్ కేరీర్ లోనే అత్యధిక టీఆర్పీ రేటింగ్ రాబట్టిన మొట్టమొదటి చిత్రంగా ‘బింబిసార’ రికార్డు క్రియేట్ చేసింది. మరోవైపు గతేడాది విడుదలైన చిత్రాలకంటే ఈ మూవీ మంచి టీఆర్సీని దక్కించుకోవడంతో నందమూరి అభిమానులు ఖుషీ అవుతున్నారు. 
 

సోషియో ఫాంటసీగా వచ్చిన ఈ చిత్రంలో కళ్యాణ్ రామ్ ద్విపాత్రినభియం చేశారు. బింబిసారుడు, దేవదత్తుడిగా విభిన్న పాత్రల్లో అలరించారు. కేథరిన్ ట్రెసా హీరోయిన్ గా ఆడిపాడింది. మైత్రీ మూవీ మేకర్స్ నిర్మించారు. కీరవాణితో పాటు చిరంతన్ భట్ అదిరిపోయే సంగీతం అందించారు. 

ఇక బింబిసార మొత్తం నాలుగు పార్టులుగా రాబోతున్నట్టు ఇప్పటికే ప్రకటించారు. రెండు లేదా మూడో పార్ట్ లో ఎన్టీఆర్ కూడా నటించబోతున్నట్టు తెలుస్తోంది. తాజాగా ‘అమిగోస్’ చిత్రంతో కళ్యాణ్ రామ్ ప్రేక్షకుల ముందుకు రాబోతున్నాడు. ఇందులో ఏకంగా త్రిపాత్రినభియంతో అలరించనున్నాడు.