Bigg Boss Season 6: బిగ్ బాస్ సీజన్ 6 కు క్రికెట్ దెబ్బ.. ఇక ఈసారి అసలే చేతులెత్తేశారుగా...?

మరికొన్ని గంటల్లో ప్రారంభం కానున్న  బిగ్ బాస్ సీజన్ 6 కోసం అంతా రెడీ అయ్యింది. గ్రాండ్ ఈవెంట్  కోసం హౌస్‌ను సర్వాంగ సుందరంగా తీర్చిదిద్దారు. మూడో సీజన్‌ నుంచి బిగ్ బాస్ హోస్ట్ గా బుల్లి తెర ఆడియెన్స్‌ను ఎంటర్‌టైన్‌ చేస్తోన్న అక్కినేని నాగార్జున ఈసారి కూడా డబుల్‌ డోస్‌ ఫన్‌ అందించేందుకు రెడీ అయ్యారు. 

ఆదిలోనే హంసపాదు అననట్టు... ఎంతో గ్రాండ్ గా ఓపెనింగ్ చేసుకుంటున్న బిగ్ బాస్ తెలుగు రియాలిటీ షో ఆరో సీజన్ కు క్రికెట్ గండం తగులు కుంది. ఈరోజు సాయంత్రం గ్రాండ్ ఓపెనింగ్ కు రెడీ అయ్యింది బిగ్ బాస్ 6. కాని అదే టైమ్ లో క్రికెట్ మ్యాచ్... అది కూడా ఇండియా పాకిస్తాన్ మ్యాచ్ ఉండటంతో.. పరిస్థితిపై సర్వత్ర ఆసక్తి నెలకొంది. 

ఈరోజు గ్రాండ్ ఓపెనింగ్ రేటింగ్ పై ఇండియా పాకిస్తాన్ మ్యాచ్ ప్రభావం పక్కాగా ఉండే అవకాశం ఉంది. ఇదిలా ఉంటే.. సీజన్ అంతా టిఆర్పీపై క్రికెట్ ప్రభావం కనిపించే అవకాశం ఉంది. ఈ మ్యాచ్ తరువాత త్వరలోనే  టీ20 వరల్డ్ కప్ మ్యాచ్ లు స్టార్ట్ కాబోతున్నాయి. దాంతో బిగ్ బాస్ సీజన్ 6  రేటింగ్ పై నీలి నీడలు కమ్ముకుంటున్నాయి. 

ఈసారి బిగ్ బాస్ సీజన్ పై పెద్దగా బజ్ కనిపించలేదు. నిర్వహకులు కూడా పెద్దగా ఇంట్రెస్ట్ పెట్టినట్టు అనిపించలేదు. గత ఐదు సీజన్లలో మొదటి మూడు సీజన్లకు భారీ స్థాయిలో ప్రమోషన్ జరిగింది... ఆడియన్స్ లో ఇంట్రెస్ట్ కలిగించేలా ఏదో ఒకటి చేశారు. కాని ఈసారి అదేమి కనిపించలేదు. పైగా మొన్నటి వరకూ  బిగ్ బాస్ ఓటీటీ పేరుతో చేసిన షో.. అట్టర్ ప్లాప్ అవ్వడంతో.. జనాలలో బిగ్ బాస్ సీజన్ 6 పై పెద్దగా పట్టించుకోనట్టు అనిపిస్తోంది. 
 

అసలే తెలుగులో బిగ్ బాస్ పై ఆడియ్స్ లో ఇంట్రెస్ట్ కొద్ది కొద్దిగా తగ్గిపోతోంది. ఫస్ట్ మూడు సీజన్ల తరువాత బిగ్ బాస్ పై జనాలకు ఇంట్రెస్ట్ పోయింది. హౌస్ లో కొత్తగా చేస్తున్నది ఏమీ లేకపోవడం. రొటీన్ ఫార్ములాను రుద్ది రుద్ది అరగదీస్తున్నారన్న విమర్షలు బిగ్ బాస్ తెలుగు పై ఉన్నాయి. కొత్తగా ఏదైనే చేస్తే... అన్న విమర్షలు బహిరంగంగానే వినిపించాయి. 

ప్రతీ సీజన్ లో ఇంట్రెస్టింగ్ గా ఏదో  ఒకటి చేస్తారు అని ఫ్యాన్స్ ఎదురు చూడటం.. నిరాశపడటం జరుగుతోంది. దాంతో ఈసారి కూడా రొటీన్ రుద్దుడే ఉంటుందని ఆడియన్స్ ఫిక్స్ అవుతన్నారు.  ఏదో ఒకటి కొత్తగా చేయాలి అనుకుంటే.. ఆ బజ్ వేరే ఉండేది. దాన్నిఖచ్చితంగా ప్రమోటో చేసేవారు. ప్రతీసారిలా.. అదే సుత్తి కొట్టుడైతే కష్టం అంటున్నారు బిగ్ బాస్ లవర్స్.. మరి ఈసారి ఈ సీజన్ పై ఆడియన్స్ లో ఇంట్రెస్ట్ పెంచడానికి ఏం చేస్తారో చూడాలి. 

ఇదిలా ఉంటే ప్రస్తుత సీజన్‌లో హౌస్‌లోకి అడుగుపెట్టే కంటెస్టెంట్ల గురించి సోషల్‌ మీడియాలో వార్తలు గుప్పుమంటున్నాయి. ఈసారి షోలో పాల్గొనబోతున్నది వీళ్లేనంటూ ఓ లిస్ట్‌ నెట్టింట బాగా చక్కర్లు కొడుతుంది. అందులో ప్రముఖంగా సింగర్ రేవంత్ పేరు ముందు వరుసలో ఉంది. ఇంకా .. చలాకి చంటి, యూట్యూబర్ ఆదిరెడ్డి, హీరో అర్జున్ కళ్యాణ్, కామన్‌ మ్యాన్‌ రాజశేఖర్, సిరి బాయ్‌ఫ్రెండ్ శ్రీహాన్, దీపిక పిల్లి, వాసంత కృష్ణన్, గీతూ రాయల్‌, నటి శ్రీసత్య, అభినయ శ్రీ, రోహిత్, మెరీనా అబ్రహాం, యాంకర్‌ నేహా చౌదరి, ఆర్జే సూర్య, నటుడు బాలా దిత్య, షాన్ని, సింగర్‌ రేవంత్‌, నటి సుదీప, యాంకర్‌ అరోహీ రావ్‌, సీరియల్‌ నటి శ్రీ సత్య, కీర్తి, ఇనయా సుల్తానా, జబర్దస్త్ ఫహిమా, ఇస్మార్ట్‌ అంజలీ ఇలా చాలా మంది పేర్లు వినిపిస్తున్నాయి.