బిగ్ బాస్ షో కారణంగా శివాజీ కళ్లపై ప్రభావం... ఇంతకీ ఏం జరిగింది?
బిగ్ బాస్ తెలుగు 7 కి శివాజీ హైలెట్ గా నిలిచాడు. టైటిల్ ఫేవరేట్ గా బరిలో దిగిన శివాజీ అనూహ్యంగా మూడో స్థానంలో నిలిచాడు. ఇదిలా ఉండగా... బిగ్ బాస్ షోతో ఆరోగ్య ప్రయోజనాలు కూడా ఉన్నాయట.
హోస్ట్ నే హోస్ట్ చేశాడు శివాజీ. నాగార్జున లేటెస్ట్ మూవీ నా సామిరంగ చిత్ర ప్రమోషన్స్ లో ఆయన పాల్గొన్నారు. నా సామిరంగ చిత్ర యూనిట్ నాగార్జున, అల్లరి నరేష్, రాజ్ తరుణ్, దర్శకుడు విజయ్ బిన్నీలను శివాజీ ఇంటర్వ్యూ చేశాడు.
Sivaji
మొదట నాగార్జున శివాజీ కొన్ని ప్రశ్నలు అడిగాడు. బిగ్ బాస్ షో తర్వాత జీవితం ఎలా ఉంది? అన్నాడు. రియల్ వరల్డ్ నుండి మరలా రొటీన్ వరల్డ్ లోకి వచ్చినట్లు ఉంది. అబద్దాలు, ఫోన్లు, గ్రీడీ మొదలయ్యాయి. బిగ్ బాస్ హౌస్లో ఇవేవి ఉండవు.
Sivaji
నేను ప్రతి ఒక్కరికి చెబుతాను ఒక్కసారైనా బిగ్ బాస్ హౌస్లోకి వెళ్లి కనీసం నాలుగు వారాలు ఉండి రండి. అసలు మా ఆవిడ హౌస్లో ఎక్కువ రోజులు ఉండను, ఎవరో ఒకరిని కొట్టి బయటకు వచ్చేస్తాడు. అక్కడ వాతావరణం అలా ఉంటుందని అన్నది. మొదట్లో కొంచెం భయం వేసింది. నా ఇల్లు బిగ్ బాస్ హౌస్ కి అర కిలోమీటర్ దూరంలో ఉంటుంది. నేనెందుకు భయపడాలి, అనిపించింది.
నేను ఎక్కడికి వెళ్లినా బిగ్ బాస్ షోని ప్రమోట్ చేస్తాను. ఎవరు ఏమనుకున్నా బిగ్ బాస్ గొప్ప షో అని చెబుతాను. అసలు బిగ్ బాస్ హౌస్ కి వెళ్ళాక నాకు సైట్ పోయింది. మొబైల్ చూడటం మానేశాక నా చూపు మెరుగైంది. మళ్ళీ బయటకు వచ్చాక సైట్ వచ్చేసింది... అని చెప్పుకొచ్చాడు.
shivaji
అందుకు నాగార్జున... నేను కూడా ఆదివారం మొబైల్ స్విచ్ ఆఫ్ చేసి, ఎవరినీ కలవను. ఆ ఒక్కరోజు ప్రశాంతంగా ఉంటాను, అని చెప్పారు. మీరు ఇంకా దాన్ని పెంచితే ఇంకా యంగ్ అయిపోతారని శివాజీ అన్నాడు.
శివాజీ నటుడిగా సెకండ్ ఇన్నింగ్స్ స్టార్ట్ చేశాడు. చాలా ఏళ్ళు గ్యాప్ తీసుకున్న శివాజీ ఇటీవల నైంటీస్ టైటిల్ తో ఒక వెబ్ సిరీస్ చేశాడు. అలాగే కూర్మ నాయకి టైటిల్ తో మరో చిత్రం ప్రకటించారు.