Bigg Boss Telugu6 : కళ్ళూ కళ్ళూ ప్లస్ వాళ్ళు వీళ్ళు మైనస్... బిగ్ బాస్ హోస్ లో మొదలైన ప్రేమకథ!

బిగ్ బాస్ హౌస్ లో ప్రేమలు చాలా సాధారణం. గత ఐదు సీజన్స్ లో నాలుగైదు ప్రేమజంటలు అక్కడ పురుడుపోసుకున్నాయి. ఇక సీజన్ 6 మొదలై మూడు వారాలు కావస్తున్నా... ఒక్క జంట కూడా తెరపైకి రాలేదు.

Bigg Boss Telugu 6

అయితే యంగ్ ఫెలోస్ శ్రీసత్య, అర్జున్ కళ్యాణ్ మధ్య సంథింగ్ సంథింగ్ మొదలైనట్లు కంటెస్టెంట్స్ గుసగుసలాడుతున్నారు. వాళ్ళ ప్రవర్తన కూడా అలానే ఉంది. ముఖ్యంగా అర్జున్ ఎక్కువ సమయం ఆమెతో గడిపేందుకు ట్రై చేస్తున్నాడు. శ్రీసత్యను పొగుడుతూ, సప్పోర్ట్ చేస్తూ ఆమె అటెన్షన్ రాబట్టే పనిలో ఉంటున్నారు. 

ఇదే విషయాన్ని కంటెస్టెంట్స్ నేహా చౌదరి, శ్రీహాన్ మాట్లాడుకున్నారు. గార్డెన్ ఏరియాలో సింగర్ రేవంత్, శ్రీసత్య, అర్జున్ కపూర్ ఒక చోట కూర్చున్నారు. వాళ్ళ మధ్య ఏదో సీరియస్ డిస్కషన్ నడుస్తుంది. శ్రీసత్య చెప్పినదానికి అర్జున్ కళ్యాణ్ వావ్ అన్నాడు. 

వాళ్ళను దూరం నుండి గమనిస్తున్న శ్రీహాన్, నేహా చౌదరి డిస్కషన్ పెట్టారు. అర్జున్ కపూర్ ని ఉద్దేశించి.. ఏంటి అతడు? అని నేహా అనగా... అర్జున్ కి శ్రీసత్య మీద ఫీలింగ్స్ ఉన్నాయి అని చెప్పాడు. శ్రీహాన్ అన్న దాన్ని పొడిగిస్తూ నేహా... అందుకే ఆ అమ్మాయి ఎమన్నా వావ్, వహ్వా, సూపర్ అంటున్నాడని చెప్పింది. వాళ్ళ మాటలను బట్టి చూస్తే అర్జున్ కపూర్ శ్రీ సత్య కోసం గట్టిగా ట్రై చేస్తున్నాడని అర్థం అవుతుంది. 

శ్రీసత్య హౌస్ లో ఉన్న అబ్బాయిలను అన్నయ్య అని పిలుస్తానని చెప్పిన నేపథ్యంలో ఆమె అర్జున్ పట్ల ఆకర్షితురాలు అవుతారా? లేదా? అనేది తెలియదు. అదే సమయంలో శ్రీసత్యకు ఫీలింగ్స్ ఉండి కూడా బయటపడకపోవచ్చు. ఎందుకంటే శ్రీసత్య తాను లవ్ ఫెయిల్యూర్ అని ఓపెన్ గా చెప్పింది. పవన్ రెడ్డి అనే వ్యక్తితో తన రిలేషన్ పెళ్లి వరకు వెళ్లి ఆగిపోయింది. బ్రేకప్ కారణంగా డిప్రెషన్ ఫీలయ్యానని శ్రీసత్య చెప్పారు. 

ప్రస్తుతానికి ఇది అర్జున్ కళ్యాణ్ వన్ సైడ్ లవ్ లా అనిపిస్తుంది. కానీ హౌస్ లో ఏదైనా జరగొచ్చు. గంటల తరబడి కలిసుండే క్రమంలో ఏ నిమిషంలోనైనా మనసు చలించవచ్చు, ప్రేమ పుట్టవచ్చు. ఇక శ్రీసత్యకు దగ్గర కావాలన్న అర్జున్ ప్రయత్నాలు ఎంత వరకు సక్సెస్ అవుతాయో చూడాలి. 

కాగా బిగ్ బాస్ హౌస్ లో ప్రేమికులకు మంచి అడ్వాంటేజ్ ఉంటుంది. కెమెరాల ముందు రొమాన్స్ చేస్తూ స్పైసీ కంటెంట్ ఇచ్చే జంటలకు మంచి మైలేజ్ ఉంటుంది. ఎక్కువ వారాలు హౌస్ లో ఉండే ఛాన్స్ దక్కుతుంది. గతంలో రాహుల్ సింప్లిగంజ్-పునర్నవి, అభిజీత్-అలేఖ్య హారిక, అఖిల్ సార్థక్-మోనాల్, మానస్-పింకీ లవ్ బర్డ్స్ గా పేరు గాంచి ఫైనల్ కి వెళ్లారు. కొందరు టైటిల్స్ కూడా సొంతం చేసుకున్నారు.