నాగార్జున కారణంగానే ఎలిమినేట్ అయ్యాను... అవి ఎపిసోడ్లో చూపించకుండా ఎడిటింగ్ లో లేపేశారు!

నా ఎలిమినేషన్ కి నాగార్జున, బిగ్ బాస్ పరోక్షంగా కారణమయ్యారని గీతూ ఆరోపించింది. తమ మాటల ద్వారా తన గేమ్ తప్పుదోవ పట్టించారని, ఓవర్ కాన్ఫిడెన్స్ కి దారి తీశారని ఒకింత అసహనం వ్యక్తం చేశారు.  

Bigg Boss Telugu 6

 హోస్లో నేను ఏం చేసినా బిగ్ బాస్ కి నచ్చేది. నా గేమ్ ని ఆయన ఎంతగానో పొగిడారు.బిగ్ బాస్ నన్ను ఏమీ అనేవాడు కాదు.  బిగ్ బాస్ కి నేనంటే ఇష్టమేమో అనుకున్నాను. గీతూ బిగ్ బాస్ దత్తపుత్రిక అని బయట ప్రచారం జరిగింది. నిజంగా హౌస్లో నేను కూడా అదే నమ్మాను. బిగ్ బాస్ టీమ్ నన్ను మునగ చెట్టు ఎక్కించింది. 

నాకంటే తోపు లేరన్న భావన కలిగింది. అది ఓవర్ కాన్ఫిడెన్స్ కి కారణమైంది. ఎలిమినేట్ అవుతానని కలలో కూడా అనుకోలేదు. టాప్ 5 గ్యారంటీ అనుకున్నాను. టైటిల్ కూడా కొట్టే అవకాశం ఉందని ఫిక్స్ అయ్యాను. బిగ్ బాస్ తో పాటు నాగార్జున కూడా నా గేమ్ ని ఎంతగానో పొగిడారు. 

వీకెండ్ ఎపిసోడ్ గంటన్నర మాత్రమే చూపిస్తారు. వాస్తవంగా అది నాలుగైదు గంటలు జరిగేది. ప్రతి వీకెండ్ నాగార్జున నన్ను మెచ్చుకునేవారు. అవేమీ చూపించలేదు. ఎడిటింగ్ లో తీసేశారు. నా ఎలిమినేషన్ డే కూడా నాగార్జున నా గేమ్ ని ఎంతగానో పొగిడారు. హౌస్లో ఫేక్ గేమ్ ఆడని వన్ అండ్ ఓన్లీ జెన్యూన్ ప్లేయర్ అన్నాడు. ప్రతి కంటెస్టెంట్ నుండి ఫైర్ బయటకు తీశావు అన్నారు. 

కెప్టెన్ గా హౌస్ ని ఏలాలన్న నా కోరిక తీరకుండానే ఎలిమినేట్ అయ్యానని అంటే... నువ్వు 9 వారాలు హౌస్ ని పాలించావని నాగార్జున అన్నారు. ఇవేమీ చూపించలేదని గీతూ చెప్పి ఆవేదన చెందింది. ఆమె మాటలు పరిశీలిస్తే నాగార్జున, బిగ్ బాస్ లదే తప్పు అన్నట్లుగా ఉంది. తనను అతిగా పొగిడి తప్పుదోవ పట్టించారు అన్నట్లు ఉంది. పరోక్షంగా తన ఎలిమినేషన్ కి వాళ్ళను బాద్యులు చేసింది. 

గీతూ చెప్పిన దాంట్లో నిజం లేకపోలేదు. మొదట్లో గీతూ గేమ్ పర్ఫెక్ట్ గా ఉంది. బిగ్ బాస్ పొగడ్తలతో ఆమె గేమ్ గాడి తప్పింది. గీతూను బిగ్ బాస్ ఎప్పుడూ పొగుడుతూ ఉన్నాడనడానికి కంటెస్టెంట్స్ కామెంట్స్ నిదర్శనం. బిగ్ బాస్ గేమ్ గీతూతో మాత్రమే ఆడుతున్నాడు. మేమెందుకు మీరు గీతూతోనే ఆడుకోండి బిగ్ బాస్...  అని కంటెస్టెంట్స్ అసహనం వ్యక్తం చేయడం మనం చూశాం. 

పొగడ్తలతో గీతూ ఆలోచనా శక్తి కోల్పోయింది. ఇంకా బాగా ఆడాలనే తపనలో వరస్ట్ గా ఆడటం స్టార్ట్ చేసింది. ఎనిమిది, తొమ్మిది వారాల్లో గీతూ గేమ్ దారుణంగా తయారైంది. నాగార్జున హెచ్చరించినా ఆమె మారలేదు. ప్రేక్షకుల్లో భారీగా నెగిటివిటీ మూటగట్టుకున్న గీతూ ఎలిమినేట్ కావడం జరిగింది.