Bigg Boss Telugu 6: వాడు వెధవ మోసం చేశాడన్న ఇనయ... కన్నీరు పెట్టుకున్న రేవంత్!

నేటి ఎపిసోడ్ లో ఆసక్తికర పరిణామాలు చోటు చేసుకున్నాయి. ఇనయ సుల్తానా వాడు వీడు, వెధవ అంటూ రెచ్చిపోయింది. ఇక సింగర్ రేవంత్ ఎమోషనల్ అయ్యాడు. తనకు రాజ్ వంద రూపాయలు ఇవ్వలేదని గీతూ బాగా ఫీలైంది. 
 

స్ట్రాంగ్ కంటెస్టెంట్ గా పేరు తెచ్చుకున్న గీతూ కంటెస్టెంట్ రాజ్ తనకు వంద రూపాయలు ఇవ్వలేదని ఫీల్ అయ్యింది. మనవాడు అంటుకుంటే నాకు ఇవ్వకుండా వేరే వాళ్లకు ఇచ్చాడని ఆమె ఎమోషనల్ అయ్యారు. ఈ విషయంలో రాజ్ పై కంటెస్టెంట్స్ మధ్య చర్చ నడిచింది. బెడ్ పై పడుకున్న గీతూతో పక్కనే ఉన్న ఫైమా ఇదే విషయాన్ని లేవనెత్తారు. రాజ్ మనవాడు అనుకుంటే మోసం చేశాడని మాట్లాడింది. అసలు నేను అనేదాన్ని ఒకరు ఉన్నారని కూడా గుర్తించుకోకుండా వంద రూపాయలు వేరే వాళ్లకు ఇచ్చాడు అందుకు నాకు బాధగా ఉందని చెప్పి గీతూ బాధపడింది.

గీతూ కి రాజ్ వంద రూపాయలు ఇవ్వకపోవడాన్ని ఇనయ కూడా ఖండించింది. ఇనయా ఈ విషయాన్ని మెరీనాతో చర్చించింది. ఆ అమ్మాయిని(గీతూ)ని చాలా మంది మోసం చేశారబ్బా. రాజు గాడు వెధవ, వాడు కూడా ఆమెను మోసం చేశాడని చెప్పింది. వాడు అనడం తప్పని నాగార్జున ఇనయాకు గతంలో చెప్పాడు. అయినప్పటికీ ఆమె కంటెస్టెంట్ రాజ్ ని వెధవ అని తిట్టడం ప్రాధాన్యత సంతరించుకుంది. 
 

 నిన్న నువ్వు డల్ అయినట్లు కనిపించిందని రేవంత్ తో శ్రీహాన్ చెప్పాడు. అనంతరం రేవంత్ కి బిగ్ బాస్ పెద్ద సర్ప్రైజ్ ఇచ్చాడు. బిగ్ బాస్ గిఫ్ట్ కి రేవంత్ ఎమోషనల్ కావడంతో పాటు ఆనందం వ్యక్తం చేశాడు. పోయిన వారం మీ ఆవిడ శ్రీమంతం జరిగింది. ఆ వీడియో ఇది అంటూ...రేవంత్ భార్య శ్రీమంతం వీడియో ప్లే చేసి చూపించాడు. 
 

భార్య గర్భవతి కాగా పక్కన లేనందుకు రేవంత్ ఫీల్ అయ్యాడు. శ్రీమంతం వీడియో చూస్తూ కన్నీరు పెట్టుకున్నారు. కంటెస్టెంట్స్ అందరినీ పిలిచి చిన్నపాటి వేడుక చేసుకున్నాడు. టీవీ స్క్రీన్ పై ఉన్న భార్య ఫోటోపై అక్షింతలు వేసి ఆశీర్వదించాడు.

తోటి కంటెస్టెంట్స్ రేవంత్ ని అభినందించారు. రేవంత్ హౌస్ లోకి వచ్చే సమయానికి భార్య గర్భవతన్న విషయం తెలిసిందే. లాంచింగ్ ఎపిసోడ్ లో రేవంత్ హౌస్లోకి వెళ్లబోయే ముందు భార్య కూడా వేదికపైకి వచ్చారు. భార్య కోసం మంచి సాంగ్ పాడి హౌస్లోకి రేవంత్ వెళ్ళాడు. 
 

ఇక బిగ్ బాస్ షో మూడు వారాలు పూర్తి చేసుకుని నాలుగో వారానికి దగ్గరవుతుంది. ప్రస్తుతం హౌస్ లో 18 మంది కంటెస్టెంట్స్ ఉన్నారు. వీరిలో 10 మంది కంటెస్టెంట్స్ ఎలిమినేషన్ కి నామినేట్ అయ్యారు. వారిలో ఒకరు హౌస్ ని వీడనున్నారు. 

మొత్తం 21 మంది కంటెస్టెంట్స్ తో బిగ్ బాస్ తెలుగు 6 ప్రారంభమైంది. ఫస్ట్ వీక్ ఎలాంటి ఎలిమినేషన్ లేకుండా అందరినీ సేవ్ చేశారు. సెకండ్ వీక్ అనూహ్యంగా ఇద్దరు కంటెస్టెంట్స్ ని ఎలిమినేట్ చేశారు. షాని, అభినయశ్రీ ఎలిమినేట్ కావడం జరిగింది. గత వారం నేహా చౌదరి ఎలిమినేట్ అయ్యారు.