Anchor Lasya: చంకలో కొడుకుతో వాళ్ళ చెంప చెళ్లుమనిపించిన యాంకర్ లాస్య... గొడవంతా ప్రెగ్నెన్సీ గురించే!

17

Bigg boss Lasya

యాంకర్ గా కెరీర్ మొదలు పెట్టిన లాస్య (Lasya) బిగ్ బాస్ షోతో మరింత పాప్యులర్ అయ్యారు. మంచి ఫార్మ్ లో ఉన్న సమయంలో లాస్య వ్యక్తిగత కారణాలతో బుల్లితెరకు దూరం అయ్యారు. తర్వాత సడన్ గా బిగ్ బాస్ సీజన్ 4లో ప్రత్యక్షం అయ్యారు. 

27

ఇక హౌస్ లో లాస్య తన ప్రత్యేకత చాటుకున్నారు. ముఖ్యంగా ఆమె కంటెస్టెంట్స్ కి రుచికరమైన భోజనం వండిపెడుతూ ఉండేవారు. ఇక తోటి కంటెస్టెంట్స్ తో ఆమె సన్నిహితంగా మెలిగేవారు. అయితే ఈమె కూడా ఓ గ్రూప్ మైంటైన్ చేశారు. అభిజిత్, హారిక, నోయల్, లాస్య ఓ జట్టుగా ఉండేవారు. వీరిలో ఒకడైన అభిజీత్ బిగ్ బాస్ సీజన్ 4 (Bigg boss telugu 4) టైటిల్ అందుకున్నారు. 

37

అలాగే ఆమెది ఫేక్ స్మైల్ అంటూ ప్రేక్షకులు కామెంట్ చేసేవారు. లాస్య గేమ్ లో నిజాయితీ లేదని, ఎప్పుడూ సేఫ్ గేమ్ ఆడుతుందన్న ఆరోపణలు ఎదుర్కొన్నారు. ఈ కారణంగా లాస్య ఫైనల్ కి వెళ్లలేకపోయారు. టైటిల్ రేసులో ఉంటుంది అంటుకుంటే లాస్య అంచనాలు అందుకోలేదు. 

47

ఇక ఈ షో వేదికగా లాస్య కొన్ని పర్సనల్ విషయాలు వెల్లడించారు. తన ప్రేమ, పెళ్లి... దానికి ఎదురైన అడ్డంకుల తెలియజేశారు. లాస్య ప్రేమ వివాహం చేసుకోగా, ఆమె తండ్రి అంగీకరించలేదు. దీంతో ఆమె చాలా కాలం పేరెంట్స్ తిరస్కరణకు గురయ్యారు. తమకు ఓ బిడ్డ పుట్టాక పేరెంట్స్ దగ్గరయ్యారని లాస్య చెప్పుకొచ్చింది.

57

ఆమె హౌస్ లో ఉండగా భర్త, కొడుకు జున్ను రావడం జరిగింది. ప్రస్తుతం జున్నుకు నాలుగేళ్ళ వయసు ఉంటుంది. కాగా రెండో బిడ్డను ఎప్పుడు కంటావ్ అని సన్నిహితులు, చుట్టాలు అడుగుతున్నారట.  ఈ ప్రశ్న ఎందరి నుండి ఎదురైందో తెలియదు కానీ.. లాస్య ఓ సీరియస్ వీడియో పోస్ట్ చేసింది. నా సెకండ్ ప్రెగ్నెన్సీ గురించి అడిగే వాళ్లకు నేనిచ్చే సమాధానం ఇదే అన్నట్లు ఓ వీడియో పంచుకున్నారు. 

67

ఆ వీడియోలో జున్నును చంకన ఎత్తుకున్న లాస్య... చెంప దెబ్బ కొడుతున్నట్లు గాల్లోకి చేయి ఊపారు. నిజానికి అక్కడ ఎవరూ లేకున్నా, సింబాలిక్ గా మళ్ళీ ఆ ప్రశ్న అడిగితే చెంప పగులుద్దని పరోక్షంగా సీరియస్ వార్నింగ్ ఇచ్చారు. తనకు జున్ను చాలు అన్నట్లు కొడుకును ముద్దాడింది. ప్రస్తుతం ఈ వీడియో వైరల్ గా మారింది. 

77

రెండో బిడ్డను ఎప్పుడు కంటారన్న ఆ ప్రశ్న లాస్యను ఆ స్థాయి ఆగ్రహానికి గురిచేయడానికి కారణం ఏమిటో. ఇక బుల్లితెరపై లాస్య అప్పుడప్పుడూ మెరుస్తున్నారు. అలాగే ఆమెకు ఓ యూట్యూబ్ ఛానల్ ఉంది. ఆ ఛానల్ లో పలు రకాల వీడియోలు పోస్ట్ చేస్తూ ఉంటారు.