కొత్త ఇంట్లో అడుగుపెట్టిన దీప్తి సునైనా.. ఫుల్ ఖుషీ అవుతున్న ‘బిగ్ బాస్’ బ్యూటీ.. ఫొటోలు వైరల్!

‘బిగ్ బాస్’ తో గుర్తింపు దక్కించుకుంది యంగ్ బ్యూటీ దీప్తి సునైనా (Deepthi Sunaina). ప్రస్తుతం వెండితెరపై మెరిసేందుకు ప్రయత్నాలు చేస్తోంది. మరోవైపు పర్సనల్ లైఫ్ లోనూ చురుకుగా వ్యవహరిస్తోంది. తాజాగా దీప్తి కొత్త ఇంటిలోకి అడుగు పెట్టడం విశేషం.  
 

బుల్లితెరపై అలరించిన నటీనటులు తమ సొంతింటి కలను నెరవేర్చుకుంటున్న విషయం తెలిసిందే. రీసెంట్ గా యాంకర్ సావిత్రి (శివజ్యోతి) కొత్త ఇంటిని కొనుగోలు చేసి.. ఇంట్లోకి వచ్చిన విషయం తెలిసిందే. ఈ క్రమంలో దీప్తి కూడా కొత్తింటిలోకి ప్రవేశించింది. 

తాజాగా బిగ్ బాస్ బ్యూటీ దీప్తి సునైనా ఓ అపార్ట్ మెంట్ లోని ఫ్లాట్ ను కొనుగోలు చేసింది. ఈ సందర్భంగా కుటుంబ సభ్యులు,  తన సన్నిహితుల మధ్య గ్రాండ్ గా ఇంట్లోకి ఎంట్రీ ఇచ్చింది. ఈ శుభ సందర్భాన్ని కేక్ కట్ చేసి మరీ సెలబ్రేట్ చేసుకుంది. 
 

దీప్తి సునైనా కల నెరవేరడంతో శ్రేయోభిలాషులు, అభిమానులు ఆమెకు శుభాకాంక్షలు తెలుపుతున్నారు. మరిన్ని డ్రీమ్ ను త్వరలోనే చేరుకోవాలని ఆకాంక్షిస్తున్నారు. తన కొత్త ఇంట్లోకి ప్రవేశించిన ఫొటోలను దీప్తి అభిమానులతో పంచుకుంది.

ఇన్ స్టా  గ్రామ్ స్టోరీ ద్వారా విషయాన్ని తెలియజేసింది. కొన్ని ఫొటోలను కూడా పంచుకుంది. ప్రస్తుతం ఆ పిక్స్ నెట్టింట వైరల్ గా మారాయి. అటు కేరీర్ ను చక్కదిద్దుకునే ప్రయత్నంలోనూ ఇటు పర్సనల్ గోల్స్ ను రీచ్ అవుతున్నందుకూ  దీప్తిని అభినందిస్తున్నారు.
 

‘బిగ్ బాస్’ నుంచి దీప్తి సునైనా బయటికి వచ్చాక మరింత పాపులారిటీని దక్కించుకుంది. ఇక నటుడు, యూట్యూబ్ స్టార్ షణ్ముఖ్ జశ్వంత్ తో బ్రేక్ చెప్పాక.. తన కేరీర్ పైనే ఫుల్ ఫోకస్ పెడుతోంది.  సినిమాల్లో అవకాశం కోసం ప్రయత్నిస్తోంది. ఇందుకు సోషల్ మీడియాలోనూ గ్లామర్ మెరుపులతో ఆకట్టుకుంటోంది.