తేజస్వి, శ్రీముఖిలను తిరస్కరించిన ప్రేక్షకులు... మోనాల్ ని?

బిగ్ బాస్ సీజన్ 4 గ్రాండ్ గా ముగియగా ఇందులో పాల్గొన్న కంటెస్టెంట్స్ మంచి పాపులారిటీ తెచ్చుకున్నారు. అసలు ముక్కు ముఖం కూడా తెలియనివారిగా హౌస్లోకి ఎంటరై సెలెబ్రిటీలుగా తిరిగి వచ్చారు. బిగ్ బాస్ హౌస్ ద్వారా వచ్చిన పాపులారిటీని బాగానే క్యాష్ చేసుకుంటున్నారు.

కాగా ఈ బిగ్ బాస్ సీజన్ 4లో బాగా పాప్యులర్ అయ్యారు మోనాల్. అల్లరి నరేష్ హీరోగా వచ్చిన సుడిగాడు మూవీలో హీరోయిన్ గా నటించిన మోనాల్... ఆ మూవీ హిట్ టాక్ తెచుకున్నా, ఆఫర్స్ పెద్దగా రాలేదు. దీనితో టాలీవుడ్ నుండి ఆమె ఫేడ్ అవుట్ అయ్యారు. 

ఇక హౌస్ లోకి వెళ్ళాక ఆమె ఫుల్ గ్లామర్ అండ్ అఫైర్స్ తో ప్రేక్షకులను ఎంటర్టైన్ చేశారు. హౌస్ నుండి చివరి ఎలిమినేటెడ్ కంటెస్టెంట్ గా 14వారాలు హౌస్ లో ఉన్నారు మోనాల్. ఈ 14వారాలు ఆమె చేసిన పెర్ఫార్మన్స్ అఖిల్ తో ప్రేమాయణం నడపడమే. హగ్గులు, ముద్దులతో రెచ్చిపోతూ... రొమాన్స్ చేశారు. 

ఏదిఏమైనా మోనాల్ మళ్ళీ తెలుగు ప్రేక్షకులు గుర్తుపెట్టుకునేలా చేసింది బిగ్ బాస్. కాగా స్టార్ మా మోనాల్ కి ఓ బంపర్ ఆఫర్ ఇచ్చారని తెలుస్తుంది. ఓంకార్ హోస్ట్ గా త్వరలో మొదలుకానున్న డాన్స్ ప్లస్ అనే రియాలిటీ షోలో ఆమె సందడి చేయనున్నారు. డాన్స్ ప్లస్ షోలో మోనాల్ జడ్జిగా కనిపించే అవకాశం కలదన్న మాట వినిపిస్తుంది. 

అయితే గతంలో కూడా స్టార్ మా బిగ్ బాస్ కంటెస్టెంట్స్ కి ఇలాంటి ఆఫర్స్ ఇచ్చారు. సీజన్ 2 పాల్గొన్న తేజస్విని కామెడీ లెజెండ్ బ్రహ్మానందంతో కలిసి స్టాండప్ కామెడీ షోలో కనిపించారు. ఆ షో దారుణంగా ఫెయిల్ అయ్యింది. 

అలాగే సీజన్ 3లో రన్నర్ గా నిలిచిన శ్రీముఖి కూడా స్టార్ మ్యూజిక్ పేరుతో ప్రసారం అయిన ఓ రియాలిటీ షోలో యాంకర్ గా చేసే అవకాశం దక్కించుకున్నారు. ఈ షో కూడా అంతగా విజయం సాధించలేదు. తాజాగా మోనాల్ డాన్స్ ప్లస్ షోలో జడ్జిగా కనిపించనుందని వార్తలు వస్తున్న నేపథ్యంలో సెంటిమెంట్ రిపీట్ అయితే షో గోవిందా అనుకుంటున్నారు. 

గతంలో తేజస్విని, శ్రీముఖి పాల్గొన్న షోలు అట్టర్ ప్లాప్ కావడానికి వాళ్ళిద్దరిపై అప్పట్లో ఉన్న వ్యతిరేకత అన్న మాట వినిపించింది. ఈ సీజన్లో కూడా మోనాల్ డ్రెస్ సెన్స్, రొమాన్స్ పై తీవ్ర విమర్శలు వెల్లువెత్తాయి. కావున.. మోనాల్ వలన ఓంకార్ షోకి ఎదురుగాలి తగిలే అవకాశం లేకపోలేదు. దాన్ని బట్టి చూస్తే స్టార్ మా రిస్క్ చేస్తున్నట్లే లెక్క.