స్టార్ హీరో మూవీలో రష్మిక మెయిన్ హీరోయిన్, కాజల్ సెకండ్ హీరోయిన్..ఇదెక్కడి విడ్డూరం ?

స్టార్ హీరోయిన్ కాజల్ అగర్వాల్ ప్రస్తుతం సెకండ్ ఇన్నింగ్స్ కొనసాగిస్తోంది. కాజల్ అగర్వాల్ 2020లో తన స్నేహితుడు గౌతమ్ కిచ్లుని వివాహం చేసుకున్న సంగతి తెలిసిందే. వీరికి ఒక కొడుకు సంతానం. బిడ్డకి జన్మనివ్వడం కోసం కాజల్ సినిమాల నుంచి షార్ట్ టైం గ్యాప్ తీసుకుంది. ఆ తర్వాత మళ్ళీ బిజీ అయింది. అయితే సెకండ్ ఇన్నింగ్స్ లో కాజల్ కి ఆశించిన స్థాయిలో ఆఫర్స్ రావడం లేదు. 

బాలకృష్ణ భగవంత్ కేసరి చిత్రంలో నటించింది. ఈ మూవీ హిట్ అయినప్పటికీ కాజల్ పాత్ర తక్కువే. ఆ తర్వాత లేడీ ఓరియెంటెడ్ చిత్రం సత్యభామలో నటించింది. అది కూడదా ఆశించిన ఫలితం ఇవ్వలేదు. కానీ కాజల్ కి టాలీవుడ్ లో మంచి క్రేజ్ ఉండనే విషయం అందరికీ తెలుసు. ఇటీవల ఎక్కువ సంవత్సరాలు హీరోయిన్ గా కొనసాగిన కొద్దిమంది నటీమణుల్లో కాజల్ ఒకరు. 

బిగ్ బాస్ అప్డేట్స్ కోసం ఇక్కడ క్లిక్ చేయండి

కొత్త హీరోయిన్లు.. తనకంటే జూనియర్ల వల్ల చందమామకి కొన్ని ఇబ్బందులు తప్పడం లేదు. తాజాగా కాజల్ కి ఒక క్రేజీ ఆఫర్ వచ్చిందనే టాక్ వినిపిస్తోంది. సౌత్ లో సూపర్ క్రేజ్ తెచ్చుకున్న ఏఆర్ మురుగదాస్.. బాలీవుడ్ స్టార్ హీరో సల్మాన్ ఖాన్ తో భారీ బడ్జెట్ చిత్రం తెరకెక్కించబోతున్నారు. ఈ చిత్రంలో రష్మిక మందన్న ఆల్రెడీ హీరోయిన్ గా ఎంపికైంది. 

Also Read : టాలీవుడ్ హీరోలు తండ్రీకొడుకులుగా నటించిన క్రేజీ చిత్రాలు.. దేవర వీటిల్ని మించే హిట్ అవుతుందా

తాజా సమాచారం మేరకు ఈ చిత్రంలో కాజల్ ని కూడా హీరోయిన్ గా ఎంపిక చేశారట. ట్విస్ట్ ఏంటంటే ఈ చిత్రంలో మెయిన్ హీరోయిన్ రష్మిక కాగా.. సెకండ్ హీరోయిన్ గా కాజల్ నటించబోతోందట. దీనితో అంతా ఆశ్చర్యపోతున్నారు. రష్మికకి ఇప్పుడు క్రేజ్ ఉండొచ్చు కానీ కాజల్ తరహాలో ఆమెకి సక్సెస్ రేట్ లేదు. అయినప్పటికీ కాజల్ ని సెకండ్ హీరోయిన్ పాత్రకి పరిమితం చేయడం షాకింగ్ అనే చెప్పాలి. 

సెకండ్ ఇన్నింగ్స్ తర్వాత కాజల్ కి ఇలాంటి కాంప్రమైజ్ లు తప్పడం లేదు. భగవంత్ కేసరి చిత్రంలో కూడా కాజల్ కంటే శ్రీలీల పాత్రకే ఎక్కువ ప్రాధాన్యత ఉంటుంది అనేది వాస్తవం. గతంలో మురుగదాస్ దర్శకత్వంలోనే కాజల్.. తుపాకీ చిత్రంలో మెయిన్ హీరోయిన్ గా నటించింది. కానీ ఇప్పుడు పరిస్థితి మారిపోయింది.