Mokshagna Entry: అబ్బాయికి ట్రైనింగ్ ఇస్తున్న బాలయ్య... నందమూరి సేన సిద్ధం కండి, మోక్షజ్ఞ వస్తున్నాడు! 

ఫ్యాన్స్ వారసత్వం కోరుకుంటున్న తరుణంలో బాలయ్య వాళ్లకు సమాధానం చెప్పుకోవాల్సి ఉంది. మోక్షజ్ఞ హీరో కాడంటా, అని చెబితే వాళ్ళు ఊరుకోరు. ఎలాగోలా ఒప్పించి ముగ్గులో దింపండి, మేము చూసుకుంటాం అంటారు. ఎట్టకేలకు మోక్షజ్ఞ ఒప్పుకున్నారు. బాలయ్య ట్రైనింగ్ కూడా స్టార్ట్ చేశారట.

వినాయకుడు పెళ్లి ఎప్పుడంటే రేపు... అని ఒక సామెత ఉంది. మోక్షజ్ఞ ఎంట్రీ వినాయకుడు పెళ్లి మాదిరే తయారైంది. ప్రతి ఏడాది అవును అబ్బాయి వస్తున్నాడని బాలయ్య చెప్పడం, అది జరగకపోవడంతో ఉసూరుమనడం పరిపాటి అయ్యింది. ముఖ్యంగా రెండు మూడేళ్ళుగా ఈ డిమాండ్ మరింత ఎక్కువైంది. మోక్షజ్ఞ వయసు మూడు పదులకు దగ్గరవుతుండగా... ఫ్యాన్స్ లో అసహనం ఎక్కువ అవుతుంది. 

సాధారణంగా ఇరవై ఏళ్ళు దాటగానే స్టార్ కిడ్స్ రంగంలోకి దిగుతారు. జూనియర్ ఎన్టీఆర్ టీనేజ్ కూడా పూర్తి కాకుండానే హీరో అయ్యాడు. మూతి మీద సరిగ్గా మీసం మొలవకుండానే ఎన్టీఆర్ మాస్ హీరోగా ఎదిగాడు. స్టూడెంట్ నెంబర్ వన్, ఆది, సింహాద్రి ఎన్టీఆర్ ని స్టార్స్ లిస్ట్ లో చేర్చాయి. 

ఆ లెక్కన మోక్షజ్ఞ చాలా లేట్ అయ్యాడు. మోక్షజ్ఞ ప్రస్తుత వయసు 28 ఏళ్ళు కావడం విశేషం. ఇంకా ఆయన ఎంట్రీ ఇవ్వకపోవడానికి కారణం... నటన ఇష్టం లేకనే అనే ఓ వాదన ఉంది. బిజినెస్ పట్ల మక్కువ చూపిస్తున్న మోక్షజ్ఞ, నేను నటుడిని కానని బాలయ్యతో పలుమార్లు చెప్పాడట. మోక్షజ్ఞ మనసు మార్చేందుకు బాలయ్య ప్రత్యేక పూజలు, యజ్ఞయాగాదులు కూడా చేయించారని వినికిడి. 

ఫ్యాన్స్ వారసత్వం కోరుకుంటున్న తరుణంలో బాలయ్య వాళ్లకు సమాధానం చెప్పుకోవాల్సి ఉంది. మోక్షజ్ఞ హీరో కాడంటా, అని చెబితే వాళ్ళు ఊరుకోరు. ఎలాగోలా ఒప్పించి ముగ్గులో దింపండి, మేము చూసుకుంటాం అంటారు. ఎట్టకేలకు మోక్షజ్ఞ ఒప్పుకున్నారు. బాలయ్య ట్రైనింగ్ కూడా స్టార్ట్ చేశారట. 

Mokshagna Birthday

మోక్షజ్ఞకు బాలయ్య ప్రాక్టికల్ ట్రైనింగ్ ఇస్తున్నారట. తన చిత్రాల సెట్స్ కి తీసుకెళ్లి... కెమెరాను ఎలా ఫేస్ చేయాలి, డైలాగ్ డెలివరీ వంటి విషయాల్లో శిక్షణ ఇస్తున్నాడట. నలుగురిలో బెరుకు లేకుండా ధైర్యంగా ఉండేలా తీర్చిదిద్దుతున్నాడట. వీరసింహారెడ్డి, అనిల్ రావిపూడి మూవీ సెట్స్ లో మోక్షజ్ఞ కనిపించడానికి కారణం ఇదే అంటూ సమాచారం అందుతుంది.

కాగా గత ఏడాది బాలకృష్ణ ఆదిత్య 369 సీక్వెల్ ప్రకటించారు. ఆదిత్య 999 మ్యాక్స్ టైటిల్ తో తన దర్శకత్వంలో తెరకెక్కించనున్నట్లు వెల్లడించారు. మోక్షజ్ఞ డెబ్యూ మూవీ ఇదే అంటూ ప్రచారం జరుగుతుంది. మరి చూడాలి 2023 బాలయ్య అభిమానులకు స్పెషల్ ఇయర్ అవుతుందో లేదో....