బాలకృష్ణ, రజనీకాంత్‌, మోహన్‌లాల్‌ బిగ్గెస్ట్ మల్టీస్టారర్‌?.. బ్లాక్‌ బస్టర్‌ మూవీకి సీక్వెల్‌.. రేపే ప్రకటన

రజనీకాంత్‌, బాలకృష్ణ, మోహన్‌ లాల్‌, శివరాజ్‌ కుమార్‌ కలిసి సినిమా చేస్తే ఫ్యాన్స్ కి పూనకాలు అని చెబితే తక్కువే అవుతుంది. బాక్సాఫీసు బద్దలే అని చెప్పడంలో అతిశయోక్తి లేదు.  

బాలకృష్ణ, రజనీకాంత్‌, మోహన్‌లాల్‌, శివరాజ్‌ కుమార్‌ వంటి సూపర్‌ స్టార్స్ అంతా కలిసి సినిమా చేస్తే ఎలా ఉంటుంది? ఈ ముగ్గురు తెరపై కనిపిస్తే ఎలా ఉంటుంది? చెప్పడానికి, వినడానికి చూడటానికి మాటలు చాలవు, వినడానికి చెవులు సరిపోవు, చూడ్డానికి రెండు కళ్లు చాలవు. అంతకు మించి ఇంకా ఏదైనా కావాల్సిందే. ఈ ముగ్గురి కాంబినేషన్‌లో సినిమా ప్లాన్‌ జరుగుతుందట. దీనికి సంబంధించిన క్రేజీ లీక్‌ వినిపిస్తుంది. 

రజనీకాంత్‌ హీరోగా నటించిన `జైలర్‌` సినిమా గతేడాది వచ్చి పెద్ద విజయం సాధించింది. రజనీకాంత్‌ కెరీర్‌లోనే అత్యధిక వసూళ్లని రాబట్టిన చిత్రంగా నిలిచింది. ఈ మూవీ 650 కోట్ల వరకు రాబట్టింది. నెల్సన్‌ దిలీప్‌ కుమార్‌ దర్శకత్వం వహించిన ఈ చిత్రంలో రజనీకాంత్‌ హీరోగా నటించగా, శివరాజ్‌ కుమార్‌, మోహన్‌లాల్‌ గెస్ట్ రోల్స్ చేశారు. జాకీ ష్రాఫ్‌ సైతం కాసేపు మెరిశారు. సినిమా పెద్ద హిట్‌ కావడంతో దానికి సీక్వెల్‌ని ప్లాన్‌ చేస్తున్నారు. 

తాజాగా `జైలర్‌ 2`ని తెరకెక్కించే పనిలో ఉన్నారు. తాజాగా ఈ మూవీ ప్రకటన రాబోతుంది. సంక్రాంతి కానుకగా రేపు(జనవరి 14)న ఈ మూవీని ప్రకటిస్తారట. సన్‌ పిక్చర్స్ ఓ అప్‌డేట్‌కి సంబంధించిన క్రేజీ ప్రోమోను ప్లాన్‌ చేస్తుంది. అంతేకాదు తమిళనాడులోని కొన్ని థియేటర్లలో ఈ సినిమాని ప్రకటకు సంబంధించిన ప్రోమో(టీజర్‌)ని విడుదల చేయబోతున్నారు. అయితే అదేంటనేది వెల్లడించలేదు. కానీ `జైలర్‌ 2` ప్రకటన అని అంతా మాట్లాడుకుంటున్నారు. 

ఈ క్రమంలోనే ఇందులో కాస్టింగ్‌కి సంబంధించిన గూస్‌ బంమ్స్ లీకేజీ కూడా ఇప్పుడు సంచలనంగా మారింది. ఇందులో బాలకృష్ణ గెస్ట్ రోల్‌ చేస్తారని తెలుస్తుంది. కీలక పాత్రలోగానీ, `జైలర్‌` మాదిరిగా గెస్ట్ రోల్‌గానీ చేయబోతున్నారని సమాచారం. అయితే గతంలోనే `జైలర్‌ 2`లో బాలయ్య కనిపిస్తారనే ప్రచారం జరిగింది. కానీ అవి రూమర్లుగానే మిగిలిపోయాయి. ఇప్పుడు మరోసారి బాలయ్య పేరు తెరపైకి వచ్చింది.

రజనీకాంత్‌, మోహన్‌లాల్‌, శివరాజ్‌ కుమార్‌తోపాటు బాలకృష్ణ కూడా కనిపిస్తారని అంటున్నారు. నాలుగు భాషల నుంచి నలుగురు స్టార్స్ తో `జైలర్‌ 2`ని ప్లాన్‌ చేస్తున్నారని గుసగుసలు వినిపిస్తున్నాయి. మరి ఇందులో నిజమెంతా అనేది తెలియదు. దీనిపై రేపు క్లారిటీ రానుంది. ఒకవేళ ఇదే నిజమైతే బాక్సాఫీసు షేక్‌ కావడం ఖాయం. ఫ్యాన్స్ కి పూనకాలు ఖాయం. 

అయితే బాలకృష్ణ ఇప్పటి వరకు గెస్ట్ రోల్స్ చేసింది లేదు. చాలా ఏళ్ల క్రితం `త్రిమూర్తులు` అనే సినిమాలో కాసేపు మెరిశారు. అయితే ఇందులో బిగ్‌ స్టార్స్ అందరూ కనిపించారు. మళ్లీ గెస్ట్ అప్పీయరెన్స్ లు చేయలేదు బాలయ్య. మరి ఇప్పుడు చేస్తాడా? అనేది సస్పెన్స్. దీనిపై త్వరలోనే క్లారిటీ రానుంది. ఇక బాలయ్య ఇప్పుడు `డాకు మహారాజ్‌`తో ఆడియెన్స్ ముందుకు వచ్చారు.

ఆదివారం విడుదలైన ఈ మూవీ కి పాజిటివ్‌ టాక్‌ వస్తుంది. తొలి రోజు ఈ చిత్రం రూ.56కోట్లు రాబట్టింది. భారీ కలెక్షన్లు సాధించే అవకాశం ఉంది. ఇక `డాకు మహారాజ్‌` మూవీలో బాలయ్యకి జోడీగా ప్రగ్యా జైశ్వాల్‌,  ఊర్వశీ రౌతేలా నటించారు. శ్రద్ధా శ్రీనాథ్‌ కీలక పాత్రలో, బాబీ డియోల్‌ విలన్‌గా చేశాడు. బాబీ దర్శకత్వం వహించగా, నాగవంశీ నిర్మించారు.