బాలకృష్ణ ఆస్తుల విలువ ఎంతో తెలుసా? టాలీవుడ్ బిగ్ షాట్లో ఒకరు నందమూరి నటసింహం
నందమూరి బాలకృష్ణ తన 65వ పుట్టినరోజు జరుపుకుంటున్న సందర్భంగా, ఆయన ఆస్తుల విలువ వివరాలు ఆన్లైన్లో వైరల్ అవుతున్నాయి.
యాక్షన్ చిత్రాలతో మెప్పిస్తున్న బాలయ్య
హీరోగా, రాజకీయ నాయకుడిగా రాణిస్తున్న నందమూరి బాలకృష్ణ తన 65వ పుట్టినరోజు జరుపుకుంటున్నారు. ఇప్పటికీ యాక్షన్ చిత్రాలలో నటిస్తున్నారు. మాస్ చిత్రాలకు కేరాఫ్గా నిలుస్తూ ఫ్యాన్స్ కి పూనకాలు తెప్పిస్తున్నారు బాలయ్య.
ఐదు దశాబ్దాల్లో 110 సినిమాలు చేసిన బాలయ్య
1974లో బాలకృష్ణ నటుడిగా 'తాతమ్మ కల' సినిమాతో తెరంగేట్రం చేశారు. ఈ 50 ఏళ్లలో 110 సినిమాల్లో నటించారు. ఇటీవల బాలకృష్ణ నటించిన సినిమాలు అత్యధిక వసూళ్లు సాధించాయి.
బాలకృష్ణ పారితోషికం
నందమూరి బాలకృష్ణ ఒక్కో సినిమాకి రూ.20 నుండి రూ.30 కోట్ల వరకు పారితోషికం తీసుకుంటున్నారు. గతంలో పది కోట్లకే పరిమితమయ్యారు. కానీ ఈ మధ్య ఆయన సినిమాలు వంద కోట్లకుపైగా వసూళ్లని రాబడుతున్న నేపథ్యంలో తాను కూడా పారితోషికం పెంచారు.
బాలకృష్ణ ఆస్తులు
జూబ్లీహిల్స్లోని బాలయ్య ఇంటి విలువ రూ.50 కోట్లు. అలాగే ఆయనకు భూములు, ఫామ్హౌస్లు ఉన్నాయి. రామకృష్ణ స్టూడియో, ఎన్టీఆర్ స్టూడియోలో భాగస్వామ్యం ఉంది. అలాగే ఆయన దగ్గర ఆరు కిలోల బంగారం, 156 కిలోల వెండి, 580 క్యారెట్ల వజ్రాలు ఉన్నాయట. BMW 7 సిరీస్ కార్లు, బెంజ్ వంటి కార్లు ఉన్నాయి.
ఇలా టాలీవుడ్లో బిగ్ షాట్లో ఒకరిగా రాణిస్తున్నారు బాలయ్య. బాలయ్య ఆస్తులు వంద కోట్ల వరకు ఉంటాయని ఎన్నికల సంఘానికి సమర్పించిన లెక్కల్లో తెలిపారు. కానీ అంతకంటే ఎక్కువే ఉంటుందని, వందల కోట్లు ఉంటాయని సమాచారం. (ఇది సోషల్ మీడియాలో వైరల్ అవుతున్న సమాచారం మాత్రమే)
`అఖండ 2`తో రాబోతున్న బాలయ్య
'అఖండ 2' సినిమాకి బాలకృష్ణ తన పారితోషికాన్ని రూ.30 కోట్లకు పెంచారు. 'అఖండ' మొదటి భాగం, 'వీరసింహారెడ్డి' , `భగవంత్ కేసరి`, `డాకు మహారాజ్` సినిమాలు అత్యధిక వసూళ్లు సాధించాయి.
