బాలయ్య ఫ్యాన్స్ కి ట్రీట్‌.. భారీగా `చెన్నకేశవరెడ్డి` రిలీజ్‌.. రికార్డుల మోతకి రంగం సిద్ధం..

17

స్టార్‌ హీరోల బర్త్ డేలకు వారి సూపర్‌ హిట్‌ సినిమాల రీ రిలీజ్‌లు ట్రెండ్‌గా మారింది. ఇటీవల మహేష్‌బాబు `పోకిరి`, పవన్‌ కళ్యాణ్‌ `తమ్ముడు`, `జల్సా` చిత్రాలు థియేటర్లో రచ్చ చేసిన విషయం తెలిసిందే. పవన్‌ `జల్సా` ఏకంగా నాలుగు కోట్లు వసూలు చేసింది. 

27

ఇప్పుడు బాలయ్య వంతు వచ్చింది. ఆయన నటించిన సూపర్‌ హిట్‌ చిత్రాల్లో ఒకటి `చెన్నకేశవరెడ్డి`.  వినాయక్‌ దర్శకత్వం వహించిన ఈ చిత్రాన్ని బెల్లంకొండ సురేష్‌ నిర్మించారు. 2002, సెప్టెంబర్‌ 25న విడుదలైన ఈ చిత్రం మంచి విజయాన్ని సాధించింది. తాజాగా ఈ సినిమా ఇరవై ఏళ్లు పూర్తి చేసుకుంది. ఈ సందర్భంగా ఈ సినిమాని మళ్లీ రిలీజ్‌ చేస్తున్నారు. 

37

రెండు తెలుగు రాష్ట్రాలతోపాటు, యూఎస్‌లోనూ భారీగా రిలీజ్‌ చేస్తున్నారు. పవన్‌, మహేష్‌ లను బీట్‌ చేయాలని కంకణం కట్టుకున్నారు బాలయ్య అభిమానులు. ఈ సినిమాని భారీగా సక్సెస్ చేయాలని, పవన్‌ `జల్సా` కలెక్షన్లని బ్రేక్‌ చేయాలని భావిస్తున్నారు. అందులో భాగంగా తెలుగు రాష్ట్రాల్లో ఈ చిత్రాన్ని ఏకంగా నాలుగు వందల థియేటర్లలో విడుదల చేయాలని భావిస్తున్నారు. నైజాంలో ఇప్పటి వరకు ఉన్న సమాచారం మేరకు సుమారు 47థియేటర్లు కాగా, ఏపీలో మూడువందలకుపైగా ఉండబోతుందట.

47

అలాగే ఓవర్సీస్‌లో 55 స్క్రీన్లలో ప్రదర్శించబోతున్నారు. ఓవర్సీస్‌లో బుకింగ్‌ విషయంలో `చెన్నకేశవరెడ్డి` రికార్డులు క్రియేట్‌ చేస్తుంది. ఇప్పటికే ఈ చిత్రానికి యూఎస్‌లో 30వేల డాలర్లు అడ్వాన్స్ బుకింగ్‌ల ద్వారా వచ్చినట్టు తెలుస్తుంది. ఇది రికార్డుగా చెప్పొచ్చు. 

57

ఈ రోజు సాయంత్రం నుంచి సినిమా షోస్‌ పడబోతున్నాయి. రేపు డే మొత్తం `చెన్నకేశవరెడ్డి` సందడి ఉండబోతుంది. బాలయ్య ద్విపాత్రాభినయం చేసిన ఈ సినిమా రాయలసీమ ఫ్యాక్షన్‌ నేపథ్యంలో రూపొందింది. టబు, శ్రియా కథానాయికలుగా నటించారు. మణిశర్మ సంగీతం అందించిన ఈ చిత్రం సూపర్‌ హిట్‌గా నిలిచిన విషయం తెలిసిందే.

67

ఇక ఈచిత్రం రీ రిలీజ్‌ ద్వారా వచ్చిన కలెక్షన్లని బసవతారం క్యాన్సర్‌ ఆసుపత్రికి డోనేట్ చేయబోతున్నట్టు ఇటీవల దర్శక, నిర్మాతలు వివి వినాయక్‌, బెల్లంకొండ సురేష్‌ ప్రకటించిన విషయం తెలిసిందే. ఈ సందర్భంగా వారు షూటింగ్‌ సమయంలో బాలయ్యతో పని చేసిన అనుభవాలను పంచుకుంటూ సంతోషాన్ని వ్యక్తం చేశారు.  

77

ఇటీవల `అఖండ`తో భారీ విజయాన్ని అందుకున్నారు బాలయ్య. కెరీర్‌లోనే అత్యధికంగా కలెక్షన్లని సాధించారు.  ఇప్పుడు ఆయన `ఎన్బీకే 107` చిత్రంలో నటిస్తున్నారు. గోపీచంద్‌ మలినేని దర్శకత్వం వహిస్తున్నారు. ఇందులో శృతి హాసన్‌ కథానాయిక.