Anupama Parameswaran: రాజమౌళి కాళ్ళు మొక్కిన అనుపమ.. ఎమోషనల్ మూమెంట్
యంగ్ హీరో నిఖిల్ టాలీవుడ్ లో తనదైన పంథాలో దూసుకుపోతున్నాడు. యువత మెచ్చే యాటిట్యూడ్ తో, విభిన్నమైన కథలతో నిఖిల్ ప్రేక్షకులని అలరిస్తున్నాడు. నిఖిల్ నటించిన లేటెస్ట్ మూవీ కార్తికేయ 2 శనివారం ప్రేక్షకుల ముందుకు వచ్చింది.
యంగ్ హీరో నిఖిల్ టాలీవుడ్ లో తనదైన పంథాలో దూసుకుపోతున్నాడు. యువత మెచ్చే యాటిట్యూడ్ తో, విభిన్నమైన కథలతో నిఖిల్ ప్రేక్షకులని అలరిస్తున్నాడు. నిఖిల్ నటించిన లేటెస్ట్ మూవీ కార్తికేయ 2 శనివారం ప్రేక్షకుల ముందుకు వచ్చింది. తొలి షో నుంచే ఆడియన్స్ నుంచి ఈ చిత్రానికి సూపర్ రెస్పాన్స్ వస్తోంది. చాలా రోజులుగా థియేటర్స్ సమస్య, కోవిడ్ కారణాల వల్ల ఈ చిత్రం వాయిదా పడుతూ వచ్చింది.
దీనితో పలు సందర్భాల్లో నిఖిల్ ఎంతో బాధపడ్డాడు. కార్తికేయ 2 ప్రమోషన్స్ లో రీసెంట్ గా తన చిత్రాన్ని కొందరు కావాలనే వెనక్కి నెట్టుతున్నారు అంటూ ఎమోషనల్ అయ్యారు. దీనితో నిఖిల్ కి మోరల్ సపోర్ట్ లభించింది. ఇప్పుడు చిత్రానికి పాజిటివ్ రెస్పాన్స్ దక్కడంతో నిఖిల్ కష్టానికి ఫలితం దక్కింది అంటూ ప్రశంసిస్తున్నారు.
ఇదిలా ఉండగా ఈ చిత్రాన్ని దర్శకధీరుడు రాజమౌళి, కీరవాణి, ఇతర కుటుంబ సభ్యలు తొలి షోని ప్రసాద్స్ లో వీక్షించారు. కీరవాణి తనయుడు కాలభైరవ ఈ చిత్రానికి సంగీతం అందిస్తున్న సంగతి తెలిసిందే. అక్కడే అనుపమ కూడా అభిమానులతో కలసి తన చిత్రాన్ని చూసింది. అనంతరం అనుపమ పరమేశ్వరన్ రాజమౌళి వద్దకు వెళ్లి ఆయన కాళ్ళు మొక్కి ఆశీర్వాదం తీసుకుంది.
ఈ దృశ్యాలు ప్రస్తుతం సోషల్ మీడియాలో వైరల్ గా మారాయి. ప్రేక్షకుల రెస్పాన్స్ చూసి అనుపమ ఎమోషనల్ అయ్యిందట. ఇక రాజమౌళి కూడా ప్రశంసించడంతో అనుపమ సంతోషానికి అవధులు లేకుండా పోయింది.
శ్రీకృష్ణుడి బ్యాక్ డ్రాప్ లో దర్శకుడు చందు ముండేటి అద్భుతంగా ఈ చిత్రాన్ని తెరకెక్కించినట్లు ప్రేక్షకులు చెబుతున్నారు. ఇక కాలభైరవ అందించిన బిజియం టెర్రిఫిక్ గా ఉందని ప్రశంసిస్తున్నారు.
ఇటీవల అనుపమకి సరైన హిట్ లేదు. కార్తికేయ 2తో అనుపమకి కొత్త జోష్ వచ్చినట్లు ఐంది. కార్తికేయ 2 సక్సెస్ కావడంతో ఈ మలయాళీ క్యూట్ బ్యూటీకి మరిన్ని ఆఫర్స్ వస్తున్నట్లు తెలుస్తోంది.