Prema Entha Madhuram: తనని తానే శిక్షించుకుంటున్న ఆర్య.. కాయగూరలు అమ్ముకుంటున్న అను!

Prema Entha Madhuram: జీ తెలుగు లో ప్రసారామవుతున్న ప్రేమ ఎంత మధురం సీరియల్ మంచి కంటెంట్ తో టాప్ రేటింగ్ తో దూసుకుపోతుంది. భర్తని పిచ్చిగా ప్రేమించే ఒక భార్య కథ ఈ సీరియల్. ఇక ఈరోజు మే 26 ఎపిసోడ్ లో ఏం జరిగిందో చూద్దాం. 

 ఎపిసోడ్ ప్రారంభంలో సోదమ్మ మాటలు విన్న అను భయంతో వణికిపోతుంది. పిల్లల ఇద్దరినీ తీసుకొని అక్కడ నుంచి వెళ్ళిపోతుంది. తన పని సక్సెస్ అయినందుకు నవ్వుకుంటుంది మాన్సీ. అదే విషయాన్ని తలుచుకుంటూ ఆర్యవాళ్ళు ఏడుస్తుంటే మానసికనందాన్ని పొందుతుంది. ఆ తర్వాత అంజలి, శారదమ్మ కోసం టీ తీసుకొస్తుంది.

 ఆర్య కి ఇవ్వమ్మా తను ఏమి తినలేదు అసలు గదిలోంచి బయటికి రాలేదు అంటుంది శారదమ్మ. ఆర్య కి కొంచెం స్పేస్ కావాలి కొంచెం సేపు తనని అలాగే వదిలేయండి అంటాడు జెండే. ఇంతలో ఏదో కొరియర్ వస్తే నీరజ్  తీసుకుంటాడు. ఓపెన్ చేసి చూస్తే అది ఒక ఊయల. దాన్ని చూసి మరింత ఎమోషనల్ అవుతుంది శారదమ్మ. పిల్లల కోసం వచ్చిన గిఫ్ట్ లా ఉంది అంటాడు నీరజ్.

ఈ ఊయలలో ఊగుతూ ఇల్లంతా వెలుగులతో నిండిపోవాల్సింది అలాంటిది ఒక్కసారిగా చీకట్లో తోసేసినట్లుగా తోసేసింది అంటూ అనుని తలుచుకొని బాధపడుతుంది శారదమ్మ. అంతలోనే ఆర్య అక్కడికి వచ్చి ఆ ఊయలను చూసి మరింత బాధపడతాడు. గతంలోకి వెళ్లి తను అను మాట్లాడుకున్న మాటలని తలుచుకుంటాడు. అను 2 వేళ్ళు చూపించి ఒక వేలు పట్టుకోమంటుంది. ఎందుకు అంటాడు ఆర్య.

ఒకవేలు పట్టుకుంటే బాబు మరొక వేలు పట్టుకుంటే పాప అంటుంది అను. రెండు వేళ్ళు కలిపి పట్టుకుంటాడు ఆర్య. అదేంటి అలా చేశారు ఏదో ఒకటి పట్టుకుంటే ఎవరు పుడతారో తెలిసేది కదా అంటుంది అను. నాకెందుకో ఇద్దరు పుడతారని పిస్తుంది నా సిక్స్త్ సెన్స్ అలాగే చెప్తుంది అంటాడు ఆర్య. నా ఫింగర్ థియరీ మీ సిక్స్త్ సెన్స్ కలిపి కవల పిల్లలు పుడితే మరింత బాగుంటుంది కదా సార్.

 మనం ఇద్దరం మనకి ఇద్దరు అంటూ సరదాగా కబుర్లు చెప్పుకుంటూ వాళ్లకి పేర్లు కూడా ఫిక్స్ చేసుకుంటారు. ఆ అందమైన గతాన్ని తలుచుకొని ఏడుస్తాడు ఆర్య. బాధపడకు ఆర్య నేను కమిషనర్ గారితో చెప్పాను ఆయన మఫ్టీలో పోలీసులు ఏర్పాటు చేశారు కానీ ఎలాంటి క్లూ దొరకలేదు అంటాడు జెండే. తప్పిపోయిన వాళ్ళని వెతకొచ్చు కానీ వొదిలి వెళ్ళిపోయిన వాళ్ళని ఏం వెతుకుతాము.

 అయినా తను ఎందుకు అలా వెళ్ళిపోయింది పిల్లల్ని కళ్ళారా చూడనీయకుండా అలా ఎలా తీసుకెళ్లి పోయింది. నిజాన్ని డైజెస్ట్ చేసుకోలేక, తను ఎందుకు అలా వెళ్ళిపోయిందో అర్థం కాక నరకం అనుభవిస్తున్నాను అంటూ పిచ్చిగా తన చేతికి తనే గాయం చేసుకుంటాడు ఆర్య. కంగారు పడిన శారదమ్మ అంజలికి బ్యాండైడ్  తీసుకురమ్మంటుంది. కనిపించిన గాయానికి కట్టు కడతావు కానీ ఇది చాలా చిన్నది.

 మనసుకి అయినా గాయానికి ఏం కట్టు కడతావు అంటూ బాధగా అక్కడ నుంచి వెళ్ళిపోతాడు ఆర్య. అందరూ బాధపడుతుంటారు కానీ మాన్సీ మాత్రం పైసాచికానందాన్ని పొందుతుంది. మరోవైపు పిల్లల్ని ముస్తాబు చేస్తూ ఉంటుంది అను. అనుని చూస్తున్న ముసలమ్మ ఈ అమ్మాయిని చూస్తుంటే వాల్మీకి ఆశ్రమంలో లవకుశులతో ఉన్న సీతమ్మ కథ గుర్తొస్తుంది.

ఏ తల్లి కన్న బిడ్డో నానా పాట్లు పడుతుంది అనుకుంటుంది. అను దగ్గరికి వెళ్లి నేను పనికి వెళ్తున్నాను నువ్వు మధ్యాహ్నం వండుకొని తిను. జాగ్రత్తగా ఉండండి అని చెప్తుంది. ఆమెకి కృతజ్ఞతలతో దండం పెడుతుంది అను. తిని కూర్చోవడానికి  మనసొప్పట్లేదు నాకు కూడా ఏదైనా పని చూపించమంటుంది. నేనేమీ నా ఆస్తులు రాసి ఇవ్వట్లేదు ఇంత గూడు కడుపుకి ఇంత తిండి పెడుతున్నాను.

 అది ఒకరికి ఒకరు చేసుకునే సాయం అంటూ కాయగూరలు అమ్మటానికి బయలుదేరుతుంది ముసలమ్మ. వెళ్తుంటే గుమ్మం తన్నుకోవడంతో కాలికి దెబ్బ తగులుతుంది. బాధతో అరుస్తుంది ముసలమ్మ. అను కంగారు పడుతూ వచ్చి కాలుని చూస్తుంది.కాలు బెణికింది బామ్మ.. హాస్పిటల్ కి వెళ్దాము అంటుంది అను. ఇంత చిన్న విషయానికే హాస్పిటల్ ఎందుకులే అమ్మ.నా బాధంతా కాయగూరలు అమ్మటం ఎలా అని అంటుంది ముసలమ్మ.

 నేను అమ్ముకు వస్తాను లే బామ్మ నువ్వు రెస్ట్ తీసుకో అని ముసలమ్మ ఎంత చెప్పినా వినిపించుకోకుండా బయలుదేరబోతుంటే బాబు విపరీతంగా ఏడుస్తాడు. నేను చెప్పాను కదా అమ్మ బాబు నిన్ను వదిలి ఉండలేడు అంటుంది ముసలమ్మ. బాబుని తీసుకొని వెళ్తాను అని చెప్పి తోపుడు బండి కింద ఊయల కట్టి బాబుని అందులో పడుకోబెట్టి కూరగాయలు అమ్మటానికి వెళ్తుంది అను. తర్వాత ఏం జరిగిందో రేపటి ఎపిసోడ్లో చూద్దాం.