చిరుకి బాగా కలసి వచ్చిన అంశంపై ఏఎన్నార్ ఓపెన్ కామెంట్స్, ఇంత దారుణమా.. సుమకి వార్నింగ్ ఇస్తూ 

మెగాస్టార్ చిరంజీవి, లెజెండ్రీ నటులు అక్కినేని నాగేశ్వర రావు మెకానిక్ అల్లుడు అనే చిత్రంలో కలసి నటించారు. అయితే ఆ చిత్రం అంతగా వర్కౌట్ కాలేదు. కానీ ఏఎన్నార్, చిరంజీవి మధ్య మంచి రిలేషన్ ఉంది.

మెగాస్టార్ చిరంజీవి, లెజెండ్రీ నటులు అక్కినేని నాగేశ్వర రావు మెకానిక్ అల్లుడు అనే చిత్రంలో కలసి నటించారు. అయితే ఆ చిత్రం అంతగా వర్కౌట్ కాలేదు. కానీ ఏఎన్నార్, చిరంజీవి మధ్య మంచి రిలేషన్ ఉంది. టాలీవుడ్ లో నిర్వహించిన ఒక కార్యక్రమంలో దాదాపు సెలెబ్రిటీలు అంతా పాల్గొన్నారు. 

ఈ కార్యక్రమానికి సుమ యాంకరింగ్ చేసింది. చిరంజీవి, ఏఎన్నార్ పక్కపక్కనే కూర్చున్నారు. ఏఎన్నార్ ని మాట్లాడమని సుమ మైక్ ఇచ్చింది. అప్పుడే ఏఎన్నార్ పక్కన అలనాటి హీరోయిన్ సరోజ దేవి కూర్చున్నారు. నువ్వొచ్చి పక్కన కూర్చుంటే ఇంకేం మాట్లాడతాను అంటూ ఏఎన్నార్ చిలిపిగా అన్నారు. సరోజ దేవి కూడా అంతే చిలిపిగా ఏఎన్నార్ ని భుజంపై కొట్టింది. 

ఇంతలో చిటపట చినుకులు సాంగ్ గురించి మాట్లాడమని చిరంజీవి అడిగారు. దీనితో ఏఎన్నార్ వర్షం పడాలి కదా అని నవ్వుతూ అన్నారు. ఆత్మబలం చిత్రంలో ఏఎన్నార్, సరోజాదేవి మధ్య వచ్చే చిటపట చినుకులు సాంగ్ ఎవర్ గ్రీన్ అనే చెప్పాలి. ఆ తర్వాత ఏఎన్నార్ మాయాబజార్ చిత్రం గురించి చెప్పారు. 

మాయాబజార్ చిత్రంలో తనతో పాటు ఎన్టీఆర్, సావిత్రి, ఎస్వీరంగారావు అందరూ హీరోలే అని అన్నారు. ఆ తర్వాత సుమ మాట్లాడుతూ మీరు నటించిన హీరోయిన్లలో ఎవరంటే బాగా ఇష్టం అని అడుగుతూ ఇరకాటంలో పెట్టింది. నాకు ఎవ్వరూ ఇష్టం లేదు. నేను పోషించిన స్త్రీ పాత్రలే నాకు ఇష్టం అని ఏఎన్నార్ తెలివిగా సమాధానం ఇచ్చారు. 

చివరగా చిటపట చినుకులు గురించి చెప్పండి అని సుమ ఏఎన్నార్ ని అడిగింది. ఏఎన్నార్ తో పాటు మెగాస్టార్ చిరంజీవికి కూడా  రైన్ సాంగ్స్ చాలా బాగా కలసివచ్చాయి. సుమ అడిగింది కాబట్టి ఆ సాంగ్స్ వెనుక ఉన్న దారుణమైన నిజాన్ని ఏఎన్నార్ బయట పెట్టారు. 

పక్కనే సరోజ దేవి ఉండగా.. ఆ సాంగ్ షూటింగ్ కి ముందు మేమిద్దరం చలి నీళ్లలో తడవాలి. లైటింగ్ రెడీ కావడానికి చాలా సమయం పడుతుంది. అంతలోపు మేము వణుకుతూ ఉంటాం. ఆ నీళ్లు మంచివి కాదు. ఎక్కడో ఉండే చెరువులో నుంచి తీసుకువస్తారు. మురికి నీళ్ళల్లో తడిచేవారం. ఆ తర్వాత 15 రోజులు జలుబు ఉంటుంది అంటూ ఏఎన్నార్ నవ్వులు పూయించారు. 

పక్కనే ఉన్న చిరు పగలబడి నవ్వారు. చూసే వాళ్ళకి మాత్రం రైన్ సాంగ్స్ ఎంతో హాయిగా ఉంటాయి. మాకు మాత్రం ఇబ్బందిగా ఉంటుంది. ఇలాంటి ప్రశ్నలు ఇక అడగొద్దు నువ్వు అంటూ ఏఎన్నార్ సుమకి వార్నింగ్ ఇచ్చారు. అటు ఏఎన్నార్, ఇటు చిరంజీవి ఇద్దరూ తమ కెరీర్ లలో చేసిన రైన్ సాంగ్స్ అన్నీ సూపర్ హిట్ అయ్యాయి. అయితే రైన్ సాంగ్స్ షూటింగ్ ఇంత దారుణంగా ఉంటుందా అని అంతా ఆశ్చర్యపోతున్నారు.