కొత్త ఇంట్లో భావోద్వేగానికి గురైన అనసూయ, ఆ పేరు వెనుక ఎమోషనల్ స్టోరీ
తాజాగా మరోసారి అనసూయ కొత్త ఇంట్లో పూజలు, హోమాలు జరిగాయి. ఆ ఫోటోలను అనసూయ సోషల్ మీడియాలో షేర్ చేస్తూ భావోద్వేగానికి గురైంది.
అనసూయ కొత్త ఇల్లు
యాంకర్ అనసూయ ఇటీవల కొత్త ఇంట్లోకి గృహప్రవేశం చేసిన సంగతి తెలిసిందే. లగ్జరీ హౌస్ కొనుగోలు చేసిన అనసూయ కుటుంబ సమేతంగా కొత్త ఇంట్లోకి ప్రవేశించింది. ఇటీవల ఆ దృశ్యాల్ని అనసూయ అభిమానులతో పంచుకుంది. తాజాగా మరోసారి అనసూయ కొత్త ఇంట్లో పూజలు, హోమాలు జరిగాయి. ఆ ఫోటోలను కూడా అనసూయ సోషల్ మీడియాలో షేర్ చేస్తూ భావోద్వేగానికి గురైంది.
అనసూయ కొత్త ఇంట్లో హోమం
అనసూయ తన కొత్త ఇంటికి శ్రీరామ సంజీవని అని పేరు పెట్టిన సంగతి తెలిసిందే. అనసూయ పోస్ట్ చేస్తూ ఈ ఫోటోల వెనుక ఉద్దేశం మీతో పంచుకోవాలనుకుంటున్నాను. మా కొత్త ఇంట్లో సత్యనారాయణ స్వామి వ్రతం, మరకత లింగ రుద్రాభిషేకం, హోమాలు జరుపుకున్నాం. హోమానికి సంబంధించిన వివరాలు తెలుసుకునేందుకు ముందుగానే గురువుగారిని నేను మా ఆయన కలిసాం.
శ్రీ రామ సంజీవని
మా ఇంటికి సంజీవని అనే పేరు పెట్టాలనుకుంటున్నట్లు గురువుగారికి చెప్పాం. ఆయన కొన్ని క్షణాలు కళ్ళు మూసుకుని ఆలోచించి శ్రీ రామ సంజీవని అని పేరు పెట్టండి అని తెలిపారు. నాకు మా ఆయనకి ఆ పేరు చాలా బాగా నచ్చింది. బాగుంది గురువుగారు అని చెప్పాం.
అనసూయ భావోద్వేగం
20 నిమిషాల పాటు గురువుగారు హోమం కొనసాగించారు. ఆ తర్వాత తన ఫోన్ చూపిస్తూ అనసూయ మీ ఇంటికి ఆంజనేయుడు వచ్చాడు అని చెప్పారు. దీంతో సంతోషంతో భావోద్వేగానికి గురయ్యాను అని అనసూయ తెలిపింది.
ఆంజనేయస్వామిని తండ్రిగా భావిస్తా
చిన్నప్పటి నుంచి మా నాన్నగారి నుంచి ఒక విషయం నేర్చుకున్నాను. కష్టమైనా, దుఃఖమైనా, భయం కలిగినా, అనారోగ్యం వచ్చినా అన్నింటిలో జై హనుమాన్ అని తలుచుకుంటాను. ఆ పేరు తలచుకోకుండా ఏ పని మొదలు పెట్టను. నా కన్న తండ్రి తర్వాత ఆంజనేయ స్వామిని మా తండ్రిగా భావిస్తాను. నా పెద్ద కొడుకుకి ఆయన పేరు వచ్చేలా శౌర్య అని పేరు పెట్టినట్లు అనసూయ తెలిపింది.
ఆ ప్రహ్లాదుడు చెప్పినట్లు..
అందరికీ ఆధ్యాత్మికంగా నమ్మకాలు ఉండకపోవచ్చు. అయినప్పటికీ నా అనుభవాన్ని మీతో పంచుకోవాలని ఈ ఫోటోలు షేర్ చేశా. ఆ ప్రహ్లాదుడు చెప్పినట్లు.. అందుగలడు ఇందులేడని సందేహం వలదు అంటూ అనసూయ ఎమోషనల్ పోస్ట్ చేసింది.
అనసూయ సినిమాలు
అనసూయ తెలుగులో యాంకర్ గా, నటిగా రాణిస్తోంది. సినిమాల కోసం ఆమె బుల్లితెరపై కనిపించడం బాగా తగ్గించింది. చివరగా అనసూయ పుష్ప 2 చిత్రంలో నటించింది. రంగస్థలం, క్షణం, పుష్ప లాంటి చిత్రాలు అనసూయకి నటిగా మంచి గుర్తింపు తీసుకువచ్చాయి.