విజయ్ దేవరకొండ ని తలచుకుని ఎమోషనల్ పోస్ట్ పెట్టిన ఆనంద్ దేవరకొండ, విషయం ఏంటంటే?
అన్న విజయ్ దేవరకొండను తలుచుకుని తమ్ముడు ఆనంద్ దేవరకొండ ఓ ఎమోషనల్ పోస్ట్ ఒకటి పెట్టారు. ఇంతకీ ఆనంద్ షేర్ చేసిన పోస్ట్ లో ఏముంది? ఎందుకు ఎమోషనల్ అయ్యాడు?
విజయ్ దేవరకొండ హీరోగా నటిస్తున్న కింగ్డమ్ సినిమా ఈ నెల 31న గ్రాండ్ థియేట్రికల్ రిలీజ్ కు రెడీ అవుతోంది. రీసెంట్ గా ఈ సినిమా నుంచి 'అన్న అంటేనే..' అనే పాటను విడుదల చేశారు. అన్నాదమ్ముల అనుబంధం నేపథ్యంగా సాగే ఈ పాట ప్రేక్షకుల్ని ఆకట్టుకుంటోంది. ఈ పాట వినగానే తను ఎమోషనల్ అయ్యానని తాజా ఇన్ స్టాగ్రామ్ పోస్ట్ లో ఆనంద్ దేవరకొండ పేర్కొన్నారు.
'నేను ఏదైనా సాధించగలను అని నాకన్నా ఎక్కువగా నమ్మి అండగా నిలబడే వ్యక్తి మా బ్రదర్. అన్నాదమ్ముల మధ్య ఉండే అనుబంధాలను గుర్తుచేసేలా ఈ పాట ఉంది..' అని తన పోస్ట్ లో పేర్కొన్నారు ఆనంద్ దేవరకొండ. తన అన్న విజయ్ తో తీసుకున్న చిన్నప్పటి ఫోటోస్ ను కూడా వీడియో రూపంలో షేర్ చేశాడు.
కింగ్డమ్ నుంచి రిలీజ్ అయిన ఈ"అన్న అటేనే ఉన్నానంటూ…" పాటను సౌత్ స్టార్ మ్యూజిక్ డైరెక్టర్ అనిరుధ్ రవిచందర్ స్వరపరిచారు. ఇందులో విజయ్ దేవరకొండ, సత్యదేవ్ల మధ్య సెంటిమెంట్ను ఆవిష్కరిస్తూ సాగే ఈ మ్యూజికల్ ట్రాక్కు సోషల్ మీడియాలో మంచి స్పందన లభిస్తోంది.
ఈ సాంగ్ను ఆనంద్ దేవరకొండ తన అన్నయ్యతో ఉన్న చిన్ననాటి ఫోటోలతో కలిపి వీడియో రూపంలోకి చేశారు. ఈ వీడియోను ఇన్స్టాగ్రామ్ స్టోరీ ద్వారా అభిమానులతో పంచుకున్నాడు. ఈ పోస్ట్ ప్రస్తుతం వైరల్ అవుతోంది. అంతే కాదు విజయ్ ఫ్యాన్స్ దీన్ని మరింతగా వైరల్ చేస్తున్నారు. ఈ పోస్ట్ దేవరకొండ బ్రదర్స్ మధ్య ఉన్న బంధాన్ని చాటిచెప్పింది.
కింగ్డమ్ సినిమాను గౌతం తిన్ననూరి డైరెక్ట్ చేస్తుండగా, ఇందులో విజయ్ దేవరకొండ, భాగ్యశ్రీ బోర్స్ జంటగా నటిస్తున్నారు. సత్యదేవ్ కీలక పాత్ర పోషిస్తున్నారు. ఈ సినిమాను సితార ఎంటర్టైన్మెంట్స్ బ్యానర్ పై నాగ వంశీ నిర్మిస్తున్నారు. ఈ నెల 31న ‘కింగ్డమ్’ ప్రపంచ వ్యాప్తంగా థియేటర్లలో విడుదల కాబోతోంది. ఇప్పటికే విడుదలైన ట్రైలర్, టీజర్లతో సినిమాపై భారీ బజ్ క్రియేట్ అయింది.
ఇక ఆనంద్ దేవరకొండ ‘బేబీ’ సినిమా తర్వాత మళ్లీ అలాంటి సాలిడ్ హిట్ కోసం ఎదురు చూస్తున్నాడు. బేబీ తరువాత చేసిన గంగం గణేష సినిమాపెద్దగా ప్రభావం చూపించలేకపోయింది. దాంతో ప్రమాదంలో పడకముందే కెరీర్పై పూర్తి ఫోకస్ పెట్టాడు ఆనంద్. ప్రస్తుతం వైష్ణవి చైతన్యతో కలిసి ఓ కొత్త సినిమాలో ఆనంద్ నటిస్తున్నాడు.
