అల్లు అర్జున్‌కి షాకింగ్‌ ఎక్స్ పీరియెన్స్.. మీదికి ఎగబడ్డ ఫ్యాన్స్.. బన్నీ ఉక్కిరి బిక్కిరి.. అయినా..
స్టయిలీష్‌ స్టార్‌ అల్లు అర్జున్‌ మంగళవారం రాత్రి పాల్గొన్న `చావు కబురు చల్లగా` ప్రీ రిలీజ్‌ ఈవెంట్‌లో షాకింగ్‌ ఎక్స్ పీరియెన్స్ ఎదురైంది. కొంత మంది ఫ్యాన్స్ ఒక్కసారిగా బన్నీపైకి ఎగబడ్డారు. కొందరు ఆయన కాళ్లు పట్టుకోగా, మరికొందరు మెడ పట్టుకున్నారు. తాజాగా ఇది వైరల్‌ అవుతుంది.
కార్తికేయ, లావణ్య త్రిపాఠి జంటగా కౌశిక్‌ పెగళ్లపాటి దర్శకత్వంలో రూపొందుతున్న `చావు కబురు చల్లగా` చిత్ర ప్రీ రిలీజ్‌ ఈవెంట్‌ మంగళవారం రాత్రి హైదరాబాద్‌లో జరిగింది. జీఏ2 పతాకంపై బన్నీ వాస్‌ నిర్మిస్తున్నారు. అల్లు అరవింద్‌ సమర్పకులు.
ఈ ఈవెంట్‌లో అల్లు అర్జున్‌ స్పెషల్‌ ఎట్రాక్షన్‌గా నిలిచారు. ఆయన ప్రస్తుతం `పుష్ప` చిత్రంలో నటిస్తుండగా, గెడ్డంతో ఉండటం అభిమానుల్లో క్రేజీ మారింది. బన్నీని చూసేందుకు వేలాది మంది ఈవెంట్‌ ప్రాంగణానికి చేరుకున్నారు.
అయితే బన్నీ స్టేజ్‌పైకి వచ్చి మాట్లాడుతుండగా, విచిత్రమైన, షాకింగ్‌ ఎక్స్ పీరియెన్స్ చవిచూడాల్సి వచ్చింది. బన్నీ సినిమా గురించి మాట్లాడుతున్న క్రమంలో కొందరు అభిమానులు స్టేజ్‌పైకి దూసుకొచ్చారు. ఏ మాత్రం ఆలస్యం చేయకుండా కొందరు బన్నీ కాళ్లపై పడ్డారు. మరికొందరు బన్నీ మెడపట్టకుని ఎగిరే ప్రయత్నం చేశారు. అటూ, ఇటూ లాగారు. కాసేపు ఆయన్ని ఉక్కిరి బిక్కిరి చేశారు.
ఒక్కసారిగా జరిగిన ఈ ఘటనతో ఈవెంట్‌ మొత్తం డిస్టర్బ్ అయిపోయింది. అక్కడున్న వారంతా షాక్‌కి గురయ్యారు. ఈవెంట్‌లో ఏదో జరగబోతుందని ఆందోళన చెందారు. అయితే వెంటనే స్పందించిన బాడీ గార్డ్స్ వారిని నెట్టేసి అక్కడి నుంచి పంపించారు.
ఇంత జరిగినా బన్నీ తన గొప్ప హృదయాన్ని చాటుకున్నారు. అలా వచ్చిన అభిమానులను బాడీగా కొట్టే ప్రయత్నం చేయగా, బన్నీ వద్దు అంటూ సముదాయించాడు. వారికి ఎలాంటి హాని చేయకుండా అక్కడి నుంచి పంపించేశాడు.
జనరల్‌గా పెద్ద ఈవెంట్లలో గెస్ట్ లకుగానీ, స్టార్‌ హీరోకి గానీ ఇలాంటి ఘటనలు జరుగుతూనే ఉంటాయి. చిరంజీవి, పవన్‌కళ్యాణ్‌, ప్రభాస్‌, ఎన్టీఆర్ వంటి వారికి ఈ అనుభవాలు కామనే. బన్నీకి కూడా ఈ రేంజ్‌లో ఎప్పుడు ఎదురు కాలేదు. దీంతో ఆయన ఒక్కసారిగా షాక్‌కి గురయ్యారు.
అనంతరం బన్నీ మాట్లాడుతూ, ఇంతకంటే నాకు ఏం కావాలి. ఇది నా బలమనాలా..నా స్ట్రెంన్త్ అనాలా..నా ప్రాణం. నేను స్వతహాగా నా జీవితంలో నేను ఏదైనా సంపాదించుకున్నానంటే అది కారు కాదు, కోట్లు కాదు, ఇళ్లు కాదు.. మీ అభిమానం.. మీ అభిమానం..మీరు గర్వపడేంత వరకు నేను తీసుకెళ్తాను. నన్ను నమ్మండి. ఇది నా ప్రామిస్‌` అని బన్నీ అన్నారు.
చివరగా `పుష్ప` సినిమా గురించి చెప్పండి అని ఫ్యాన్స్ అరుస్తుండగా, దానికి స్పందిస్తూ, `పుష్ప.. తగ్గేదెలా.. `అంటూ ముగించారు.
మరోవైపు ఈ నెల 19న విడుదల కాబోతున్న `చావు కబురు చల్లగా` చిత్రాన్ని చూసి హిట్‌ చేయాలని చెప్పారు. ఈ సందర్భంగా కార్తికేయ, లావణ్యత్రిపాఠి, బన్నీవాసు, దర్శకుడికి ఆయన అభిమానందనలు తెలియజేశారు.
`చావు కబురు చల్లగా` ప్రీ రిలీజ్‌ ఈవెంట్‌లో మెరిసిన అనసూయ. ఇందులో ఆమె ఐటెమ్‌ సాంగ్‌ చేశారు.
స్టేజ్‌పై సుకుమార్‌ ప్రసంగం.
అల్లు అరవింద్‌.
హీరో కార్తికేయ స్టయిలీష్‌గా మెరిశారు.
స్టేజ్‌పై మాట్లాడుతున్న దృశ్యం.
అనసూయ నవ్వులు.
అనసూయ తన ఐటెమ్‌ సాంగ్‌తో ఓ ఊపు ఊపిన విషయం తెలిసిందే.
బన్నీ మెరుపులు.
ఈవెంట్‌లో బన్నీ.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
