నేను నచ్చకపోతే నా సినిమాలు చూడటం మానేయండి, ఆలియా భట్ సంచలన వ్యాఖ్యలు

వరుస పరాజాయాలు..వరుస వివాదాలు.. వరుస చికాకులతో ఇబ్బందుల్లో పడిపోయింది బాలీవుడ్.  ఇలా బాలీవుడ్ బాధల్లో ఉంటే రోజు రోజుకి బాయ్‌కాట్‌ బాలీవుడ్ వివాదం ముదురుతోంది. బాలీవుడ్ స్టార్స్ ని, బాలీవుడ్ సినిమాలని వరుసపెట్టి బాయ్‌కాట్‌ చేస్తున్నారు ఆడియన్స్. ఇక ఇదే టైమ్ లో సౌత్ సినిమాలు సత్తా చాటుతుండటంతో.... వారిలో ప్రస్టేషన్ ఇంకా పెరిగిపోయింది. 

ఇలాంటి టైమ్ లో  సైలెంట్ గా ఉండాల్సింది పోయి అక్కర్లేని కామెంట్స్ చేస్తూ.. ఇంకా చిక్కుల్లో ఇరుక్కుంటుననారు బాలీవుడ్ స్టార్స్. ఎంత పెద్ద స్టార్ అయినా సరే..పొరపాటున నోరు జారితే.. ట్రోలింగ్ తప్పడంలేదు. రీసెంట్ గా  దీనిపై కామెంట్స్ చేసిన అమీర్ ఖాన్, కరీనా కపూర్, హృతిక్ రోషన్ లను కూడా బాయ్ కాట్ చేయాలంటూ ట్రెండ్ చేశారు. తాజాగా ఈ లిస్ట్ లోకి అలియా భట్ కూడా చేరింది

ఇప్పటికే బాలివుడ్ సినిమాలతో పాటు, బాలీవుడ్ ని కూడా బాయ్ కాట్ చేయాలంటూ సోషల్ మీడియాలో ట్రెండ్  గట్టిగా నడుస్తోంది. ఈ క్రమంలో గతంలో వివాదాలు అయిన వారిని ఇంకా టార్గెట్ చేస్తున్నారు. ముఖ్యంగా స్టార్ హీరోయిన్  అలియా భట్.. ఆమె ఫ్యామిలీ గతంలో వివాదాలు ఎదుర్కొన్నిరు. ముఖ్యంగా నెపోటిజం వివాదం వాళ్ళను కుదిపేసింది. ఇక ప్రస్తుతం ఈ వివాదం కూడా ఆమెకు నిద్ర లేకుండా చేస్తోంది. 

ఆలియా అన్నా.. ఆమె ఫ్యామిలీ అన్నా.. బాలీవుడ్ లో ఒక వర్గం ఆడియన్స్ కు ఇష్టం ఉండదు.  అనేకసార్లు హిందువుల మనోభావాలు దెబ్బతీసేలా వీరు  మాట్లాడటం, ప్రవర్తించడం చేయడం తో పాటు.. దివంగత యంగ్ స్టార్ సుశాంత్ సింగ్ రాజ్ పుత్ విషయంలో అలియాపై, వాళ్ళ నాన్న మహేష్ భట్ పై చాలా మందికి కోపం ఉంది. తాజాగా ఓ ఇంటర్వ్యూలో బాయ్ కాట్ బాలీవుడ్ ట్రెండ్ పై అలియా స్పందించింది.

అలియా మాట్లాడుతూ.. నేను కావాలని ఈ ఇంట్లో పుట్టాలి అనుకుంటానా, నెపో కిడ్ అయితే సినిమాలు చేయోద్దా. వాళ్ళ స్టార్ డం మొదటి సినిమా వరకే పని చేస్తుంది. తర్వాత నా పర్ఫార్మెన్స్ బట్టే ఉంటుంది. నేను ఇలాంటివి పట్టించుకోను. నా పని నేను చేసుకుంటాను. నేను నచ్చకపోతే నా సినిమాలు చూడకండి అని ఘాటు  వ్యాఖ్యలు చేసింది ఆలియా భట్. 

ఆలీయా భట్ చేసిన ఈ  వ్యాఖ్యలు సోషల్ మీడియాలో  వైరల్ గా మారాయి. ఈ వ్యాఖ్యలని వ్యతిరేకిస్తూ బాయ్ కాట్ అలియా ట్రెండ్ ని మొదలుపెట్టారు నెటిజన్లు. త్వరలో అలియా బ్రహ్మాస్త్ర సినిమా రానుండటంతో ఆ సినిమాని కూడా బాయ్ కాట్ చేస్తూ పోస్టులు పెడుతున్నారు. 

ఆలియా భట్ మాటలపై మండిపడుతున్నారు బాలీవుడ్ జనాలు. ఇంత జరుగుతున్నా.. తమ తప్పు తెలసుకోకుండా.. ఇప్పటికైనా బాలీవుడ్ నటులు మారకుండా, ఇంకా ఇలాంటి కామెంట్స్ చేస్తే ఎలా.. అంటూ కామెంట్లు పెడుతున్నారు. ఇది ఇలాగే కంటిన్యూ అయితే బాలీవుడ్ పరిస్థితి మరీ దారుణంగా తయారవుతుంది అంటున్నారు విశ్లేషకులు