Janaki kalaganaledu: తాగి వచ్చిన అఖిల్ మీద చేయి చేసుకున్న జ్ఞానాంబ!..జానకిని నిందించిన అఖిల్!

Janaki Kalaganaledu: బుల్లితెరపై ప్రసారమవుతున్న జానకి కలగనలేదు సీరియల్ తెలుగు ప్రేక్షకుల్ని బాగా ఆకట్టుకుంటుంది. ఐపీఎస్ కలను నిజం చేసుకునేందుకు అత్తవారింట్లో జానకి పడే కష్టాలే ఈ సీరియల్ కాన్సెప్ట్. నిత్యం ట్విస్టులతో కొనసాగుతున్న ఈ సీరియల్ ఈ రోజు అక్టోబర్ 12వ తేదీ ఎపిసోడ్‌లో ఏం జరిగిందో తెలుసుకుందాం.. 

ఈరోజు ఎపిసోడ్ ప్రారంభంలోనే.. జానకి శ్రద్ధగా చదువుకుంటూ ఉంటుంది. అప్పుడు రామ వచ్చి నేను కొట్టుకు వెళ్ళొస్తాను జానకి గారు అని అంటాడు. రామ వెళ్ళిపోయిన తర్వాత మల్లిక జానకి ని చూస్తూ, జానకి చదువుని ఎలాగైనా అడ్డుకోవాలి నన్ను గాడిద అన్న పర్వాలేదు గానీ జానకి మాత్రం పోలీస్ అవ్వకూడదు అని అనుకొని జానకి! జానకి!అని చిన్నగా పిలుస్తూ ఉంటుంది. జానకి పట్టించుకోదు వెనక నుంచి చికిత మల్లిక దగ్గరికి వచ్చి, జానకమ్మ చదువుకుంటున్నారు కదా మీకేం కావాలంటే అది నేను చేస్తాను అని అంటుంది.దానికి మల్లిక, అవసరం లేదు నాకు జానకి ఏ చేయాలి అని అనుకొని చికిత ని పంపించేస్తుంది.

అప్పుడు మల్లిక,జానకి శ్రద్ధగా చదువుకుంటుంది,నన్ను పట్టించుకోవట్లేదు నేనే వెళ్లి కలవాలి అని జానకి ఎదురుగుండా కావాలని కింద పడినట్టు నటించి అరుస్తూ ఉంటుంది. కంగారుగా చికిత, జానకి ఇద్దరు అక్కడికి వచ్చి ఏమైంది అని అడగగానే,నొప్పి తట్టుకోలేకపోతున్నాను జానకి బాగా నొప్పెడుతుంది  అబ్బా! అమ్మా! అని అరుస్తుంది.ఆసుపత్రి కి వెళ్దాం అని జానకి అనగా మల్లిక మనసులో, ఇప్పుడు హాస్పిటల్ కి వెళ్తే నా కడుపు తెలిసిపోతుంది ఏమో అని భయపడి, వద్దు జానకీ నూనె రాస్తే తగ్గుతుందేమో అని అనగా నూనె తెస్తాను అని జానకి అంటుంది.

 అప్పుడు మల్లిక నాటకాన్ని చికిత గమనిస్తుంది.వెంటనే జానకి వద్దకు వెళ్లి,అమ్మ మే చదువు ఆపడానికి మళ్లికమ్మ నాటకం ఆడుతున్నట్టున్నారు ఒకసారి చూడండి అని అనగా, జానకి అవునా ఆగు తనపని చెప్తాను అని లోపలికి వెళ్తుంది. జానకి ఏంటి ఇంకా రాలేదు అని మల్లిక నొప్పి! నొప్పి! అని అరుస్తూ ఉంటుంది.ఇంతలో జానకి వచ్చి సూదిని తెస్తుంది. నూనె తేమ్మంటే సూది తెచ్చావు ఎందుకు జానకి అని మల్లికా అడగగా, సూదితో కాలిని గూచ్చితే అప్పుడు రక్తం బాగా ప్రవహించి నొప్పి తగ్గుతుంది అని అంటుంది. దానికి మల్లిక భయపడి వద్దు అని చెప్పి అంతలోనే లెగిసి తగ్గిపోయింది జానకి ఇప్పుడే తగ్గిపోయింది అని అంటుంది.

దానికి జానకి,ఎందుకు మల్లికా అబద్ధాలు ఆడుతున్నావు నాకు చదువుకి అడ్డం రావద్దు. ఇది నాకు ఎంత ముఖ్యమైన పరీక్ష అని నీకు చెప్పాను కదా ఇంకెప్పుడూ ఇలా చేయొద్దు అని చెప్పి వెళ్లిపోతుంది. అప్పుడు మల్లికా ఇంటి బయటకు వెళ్లి,జానకి దగ్గర ఓడిపోతున్న కొద్ది గెలవాలని కసి పెరుగుతుంది ఏదైనా చేయాలి, అని అనుకునే లోగో అఖిల్ ఫుల్లుగా తాగి నడుస్తూ వస్తాడు. అఖిల్ చూసిన మల్లిక అఖిల్ తాగుతున్నాడా!ఈ విషయం పోలేరమ్మకి చెప్పి అఖిల్ పని పడతాను అనీ జ్ఞానాంబ దగ్గరికి వెళ్లి అఖిల్ తాగుతున్నాడు అత్తయ్యగారు  అని చెబుతుంది మల్లిక.

 అప్పుడు జ్ఞానాంబ ఆశ్చర్యపోయి అఖిల్ తాగడం ఏంటి అని అంటుంది.అదే సమయానికి అఖిల్ అక్కడికి పూర్తిగా తాగి గుమ్మం దగ్గర వచ్చి పడిపోతాడు. అఖిల్ ని చూసిన జ్ఞానాంబ అఖిల్ చంప మీద చెల్లుమని కొడుతుంది. ఇంతలో జెస్సి అఖిల్ ని పట్టుకుంటుంది. అప్పుడు గోవిందరాజు జ్ఞానాంబ ని ఆపి, అఖిల్ ని అక్కడి నుంచి లోపలికి తీసుకెళ్లమ్మ జెస్సి అని అంటాడు. అప్పుడు జెస్సి అఖిల్ లోపలికి తీసుకొని వెళ్లి తలకి స్నానం చేపించి, అత్తయ్య గారు నీ మీద ఎంతో నమ్మకం పెట్టుకున్నారు అఖిల్ నువ్వు ఇప్పుడు ఇలా తాగుతే అత్తయ్య గారి దగ్గర చెడు అయిపోతావు కదా అని అనగా, నువ్వు బానే మంచి పేరు సంపాదిస్తున్నావు కదా నా గురించి నీకెందుకు అని అఖిల్ అరుస్తాడు. 

అదే సమయంలో అక్కడికి జానకి,మల్లిక వస్తారు.అప్పుడు జానకి,జెస్సీ తో మాట్లాడే పద్ధతి అదా అఖిల్ అని అనగా మల్లిక కావాలని మధ్యలోకి దూరి,జానకి అడుగుతుంది కదా అఖిల్ చెప్పు జానకి నీ మంచి గురించి ఆలోచిస్తుంది అందుకే నిన్ను జెస్సీకి ఇచ్చి పెళ్లి చేసింది. అత్తయ్య గారి దగ్గర నిన్ను మంచిగా చూపించాలి అనుకున్నది అని అనగా,అఖిల్ కోప్పడి అవును వదిన చాలా మంచిది అందుకే అమ్మకు ఇచ్చిన మాట కూడా పట్టించుకోలేదు.అప్పుడు అమ్మతో ఇంక నేను చదువు ప్రస్తావన తాను అని చెప్పి దాని తర్వాత ఇప్పుడు చదువుకోడానికి అన్నయ్యని ముగ్గులో దింపింది. 

తన మాట మీద తను నిలబడట్లేదు కానీ  నాకు చెప్తుంది అని అనగా జానకి ఆశ్చర్యపోయి మారు మాట్లాడకుండా అలా ఉండిపోతుంది. అప్పుడు అఖిల్, నీ ఆశయం కోసం అన్నయ్యని అమ్మ ముందు దోషిగా నిలబడినా పర్లేదు అని ఊరుకున్నావు, అయినా నువ్వు జెస్సిని పెళ్లి చేసినందువలన నాకు సంతోషం కన్నా బాధ ఎక్కువైపోయింది అనీ అంటాడు.అప్పుడు చికిత, మల్లిక అక్కడ ఉంటే ఇంకా పెంట పెడుతుంది అని మల్లికమ్మ గారు ఒకసారి బయటికి రండి అని లాక్కుని వెళ్ళిపోతుంది. అప్పుడు జానకి కూడా మౌనంగా అక్కడ నుంచి వెళ్ళిపోతుంది.

బలవంతంగా చికిత మల్లికను బయటకు తీసుకొని వస్తుంది.అప్పుడు మల్లిక,నేనేమి తప్పు చేయలేదు నేను జానకిని వెనకేసుకొనే వస్తున్నాను మీ అందరికీ తప్పుగా అనిపిస్తుందా అని అరుస్తుంది. ఇంతటితో ఎపిసోడ్ ముగుస్తుంది. తర్వాయి భాగంలో ఏం జరిగిందో తెలియాలంటే రేపటి వరకు ఎదురు చూడవలసినదే!