Akhanda : స్టైల్ మార్చి ఎంట్రీ ఇచ్చిన బన్నీ.. అఖండ ప్రీ రిలీజ్ లో రాజమౌళి, బాలయ్య లుక్ కేక

నందమూరి బాలకృష్ణ నటించిన 'Akhanda' చిత్రం బాక్సాఫీస్ వద్ద సింహగర్జనకు రెడీ అవుతోంది. డిసెంబర్ 2న అఖండ విడుదలకు సిద్ధం అవుతున్న సంగతి తెలిసిందే.

Balakrishna, Boyapati హ్యాట్రిక్ కాంబినేషన్ లో తెరకెక్కుతున్న చిత్రం కావడంతో అంచనాలు ఒక రేంజ్ లో ఉన్నాయి. ఇప్పటికే విడుదలైన ట్రైలర్, సాంగ్స్ తో అఖండపై పాజిటివ్ బజ్ నెలకొని ఉంది. 

విడుదల సమయం దగ్గర పడుతుండడంతో ప్రచార కార్యక్రమాలు కూడా జోరందుకున్నాయి. నేడు శిల్ప కళావేదికలో అఖండ ప్రీ రిలీజ్ ఈవెంట్ ఘనంగా జరిగింది. 

ప్రీరిలీజ్ వేడుకకు స్టైలిష్ స్టార్ అల్లు అర్జున్, దర్శక ధీరుడు రాజమౌళి ముఖ్య అతిథులుగా హాజరయ్యారు. దీనితో ప్రీరిలీజ్ వేడుక ప్రత్యేక ఆకర్షణగా మారింది. 

అఖండ చిత్రంలో బాలయ్య మూడు డిఫెరెంట్ గెటప్స్ లో కనిపించనున్నారు. ముఖ్యంగా అఘోరి  గెటప్ అందరిని ఆకర్షిస్తోంది. బాలయ్యకు జోడిగా ఈ చిత్రంలో ప్రగ్యా జైస్వాల్ నటిస్తోంది.  

హీరో శ్రీకాంత్ బాలయ్యకు విలన్ గా కనిపిస్తున్నాడు. ద్వారకా క్రియేషన్స్ బ్యానర్ పై మిర్యాల రవీందర్ రెడ్డి ఈ చిత్రాన్ని నిర్మించారు. 

తొలిసారి అల్లు అర్జున్, బాలయ్య, రాజమౌళి ఒకే వేదికపై కనిపించడంతో అభిమానుల సంతోషానికి అవధులు లేకుండా పోయింది. 

ఇటీవల అల్లు, నందమూరి ఫ్యామిలీల మధ్య బాండింగ్ పెరుగుతోంది. అల్లు అరవింద్ కి చెందిన ఆహా ఓటిటిలో బాలకృష్ణ హోస్ట్ గా 'అన్ స్టాపబుల్ ' అనే షో నిర్వహిస్తున్నారు.   

ఇక అల్లు అర్జున్, బోయపాటి మధ్య కూడా మంచి సాన్నిహిత్యం ఉంది. అల్లు అర్జున్ కెరీర్ లో బిగ్గెస్ట్ హిట్స్ లో ఒకటైన సరైనోడు చిత్రం బోయపాటి దర్శకత్వంలో తెరకెక్కిన సంగతి తెలిసిందే.

ప్రీ రిలీజ్ వేడుకకు బాలయ్య కుటుంబ సభ్యులు కూడా హాజరయ్యారు. బాలయ్య సతీమణి వసుంధర ప్రీరిలీజ్ ఈవెంట్ లో మెరిశారు. బాలయ్య సోదరుడు నందమూరి రామకృష్ణ కూడా ప్రీ రిలీజ్ ఈవెంట్ కు హాజరయ్యారు. 

పుష్ప చిత్రం కోసం గుబురు గడ్డం పెంచిన అల్లు అర్జున్ కొద్దిగా స్టైల్ మార్చి అఖండ ప్రీ రిలీజ్ వేడుకకు హాజరయ్యారు. బ్లాక్  బ్లేజర్ లో బన్నీ సూపర్ స్టైలిష్ గా ఉన్నాడు. 

అఖండ చిత్రంపై కనీవినీ ఎరుగని అంచనాలు ఉన్నాయి. బోయపాటి, బాలయ్య హ్యాట్రిక్ కాంబినేషన్ కావడంతో నందమూరి అభిమానులు అఖండ చిత్రంపై బోలెడు ఆశలు పెట్టుకుని ఉన్నారు. 

అంచనాలకు తగ్గట్లుగానే ట్రైలర్, పాటలు అలరించాయి. ఇక డిసెంబర్ 2న థియేటర్స్ లో బాలయ్య గర్జన మాత్రమే మిగిలి ఉంది.