అజ్ఞాతవాసితో ఇలా భయపెడుతున్నావ్ ఏంటి హరీష్ భయ్యా.. 'ఉస్తాద్'కి ఆ చేదు జ్ఞాపకాలు వద్దు

షూటింగ్ ప్రారంభించిన రోజే ఉస్తాద్ చిత్ర యూనిట్ ఫ్యాన్స్ కి అదిరిపోయే ట్రీట్ ఇచ్చింది. పవన్ కళ్యాణ్ ప్రీ లుక్ పోస్టర్ రిలీజ్ చేశారు. ఈ పోస్టర్ లో పవర్ స్టార్ మరోసారి కాప్ గెటప్ లో అదరగొడుతున్నారు.

పవర్ స్టార్ పవన్ కళ్యాణ్ ఫ్యామిలీ టూర్లు, పొలిటికల్ మీటింగ్స్, తన చిత్రాల షూటింగ్స్ తో ఫుల్ బిజీగా ఉన్నారు. ఇటీవలే పవన్ కళ్యాణ్ ఫ్యామిలీతో ఉదయ్ పూర్ వెళ్లారు. అటు నుంచి అటే ఢిల్లీ వెళ్లి పొలిటికల్ మీటింగ్స్ లో పాల్గొన్నారు. అనంతరం తిరిగొచ్చి హరీష్ శంకర్ దర్శకత్వంలో తెరకెక్కుతున్న ఉస్తాద్ భగత్ సింగ్ చిత్ర షూటింగ్ ప్రారంభించారు. 

షూటింగ్ ప్రారంభించిన రోజే ఉస్తాద్ చిత్ర యూనిట్ ఫ్యాన్స్ కి అదిరిపోయే ట్రీట్ ఇచ్చింది. పవన్ కళ్యాణ్ ప్రీ లుక్ పోస్టర్ రిలీజ్ చేశారు. ఈ పోస్టర్ లో పవర్ స్టార్ మరోసారి కాప్ గెటప్ లో అదరగొడుతున్నారు. తన ట్రేడ్ మార్క్ స్టైల్ లో కూర్చులో కూర్చుని టీ గ్లాస్ పట్టుకుని బ్యాక్ సైడ్ లో చూపించిన ఫోజు అదుర్స్ అంతే. 

అంతా బాగానే ఉంది కానీ ఈ పోస్టర్ సెటప్ లో కొన్ని దృశ్యాలు పవన్ అభిమానులని భయపెడుతున్నాయి. పోస్టర్ లో ఓ కిటికీ కనిపిస్తోంది. ఆ కిటికీ చూస్తుంటే ఫ్యాన్స్ కి అజ్ఞాతవాసి సెంటిమెంట్ మదిలో మెదులుతోంది. అజ్ఞాతవాసి సమయంలో కూడా ఇదే తరహా కిటికీతో ప్రీ లుక్ రిలీజ్ చేశారు. ఆ చిత్ర పరిస్థితి ఏంటో అందరికి తెలుసు. పవన్ కెరీర్ లోనే బిగ్గెస్ట్ డిజాస్టర్ గా అజ్ఞాతవాసి నిలిచింది. 

ఉస్తాద్ భగత్ సింగ్ పోస్టర్ లో పవన్ స్టిల్ బావున్నప్పటికీ ఆ కిటికీ ఎందుకు పట్టావ్ హరీష్ భయ్యా అంటూ ఫ్యాన్స్ కామెంట్స్ చేస్తున్నారు. ఉస్తాద్ కి అలాంటి చేదు జ్ఞాపకాలు వద్దు అని రిక్వస్ట్ చేస్తున్నారు. గబ్బర్ సింగ్ తర్వాత హరీష్, పవన్ కాంబోలో వస్తున్న చిత్రం కావడంతో అంచనాలు తారా స్థాయిలో ఉన్నాయి. ఈ పోస్టర్ లో గబ్బర్ సింగ్ ఛాయలు కూడా ఉన్నాయి. 

ఈ చిత్రంలో పవన్ కళ్యాణ్ ఏసీపీ భగత్ సింగ్ గా నటిస్తున్నారు. అప్పుడే షూటింగ్ లొకేషన్స్ నుంచి లీకులు మొదలయ్యాయి. ప్రస్తుతం పోలీస్ స్టేషన్ నేపథ్యంలో వచ్చే సన్నివేశాలని హరీష్ చిత్రీకరిస్తున్నారట. 

వాస్తవానికి ఈ చిత్రంకోసం హరీష్ శంకర్ రెండేళ్లకు పైగా ఎదురుచూశారు. పవన్ కళ్యాణ్ ఆల్రెడీ కమిటైన చిత్రాలు.. రాజకీయాల వల్ల ఈ చిత్రం ఆలస్యం అవుతూ వచ్చింది. హరీష్ గతంలో పవన్ కోసం భవదీయుడు భగత్ సింగ్ అనే స్ట్రైట్ స్టోరీ రాసుకున్నారు. ఇప్పుడు దాంట్లో కేవలం తేరి ప్లాట్ మాత్రమే చేర్చి కొత్త కథగా మార్చినట్లు తెలుస్తోంది.