సింగర్ సునీత స్ఫూర్తితో రెండో పెళ్ళికి సిద్దమైన నటి సురేఖా వాణి!

టాలీవుడ్ స్టార్ సింగర్ సునీత రెండో వివాహం హాట్ టాపిక్ కాగా.. ఆమె స్పూర్తితో మరో టాలీవుడ్ సెలబ్రిటీ రెండో వివాహానికి సిద్దమవుతున్నారన్న వార్త చక్కర్లు కొడుతుంది. నటి సురేఖా వాణి సైతం వివాహం చేసుకొనే ఆలోచనలో ఉన్నారట. 

మొదటి భర్తతో విడాకులు తీసుకున్న 42ఏళ్ల సునీత, మీడియా అధినేత రామ్ వీరపనేనిని వివాహం చేసుకున్నారు. ఆమెకు పెళ్లీడుకు వచ్చిన ఇద్దరు పిల్లలు ఉన్న నేపథ్యంలో, ఈ పెళ్లి పెద్ద చర్చకు దారితీసింది.

కాగా కమెడియన్ గా, క్యారెక్టర్ ఆర్టిస్ట్ గా అనేక చిత్రాలలో నటించిన సురేఖా వాణి సైతం రెండో వివాహం చేసుకోవాలనుకుంటున్నారట. ఆమె నిర్ణయం వెనుక కూతురు ఒత్తిడి ఉన్నట్లు వినికిడి.

టీనేజ్ గర్ల్ సుప్రీత తన తల్లి సురేఖ వాణి రెండో వివాహం చేసుకోవాలని కోరుకుంటున్నారట. ఈ మేరకు సురేఖా వాణిపై ఆమె ఒత్తిడి తెస్తున్నారట. ఒంటరిగా ఉండడం కంటే ఈ వయసులో తోడు అవసరం అని చెప్పి, తల్లిని ఒప్పించే ప్రయత్నాలలో ఉన్నారట.

సురేఖా వాణి కూడా కూతురు సుప్రీత ప్రపోజల్ పట్ల సానుకూలంగానే ఉన్నారని సమాచారం. దీనితో త్వరలోనే సురేఖా వాణి పెళ్లి చేసుకోవడం ఖాయం అంటున్నారు.

2019లో సురేఖా వాణి భర్త సురేష్ తేజ అనారోగ్యంతో మరణించారు. ఆయన దీర్ఘకాలిక వ్యాధితో పోరాడి మరణించినట్లు సమాచారం.

అప్పటి నుండి కూతురు సుప్రీతతో సురేఖ ఒంటరిగా ఉంటున్నారు.  భర్త మరణం తరువాత సురేఖ సినిమాలు చేయడం తగ్గించారు.

ప్రస్తుతం సురేఖా వాణి వయసు 43ఏళ్ళు కావడం విశేషం. ఇక సురేఖ, సుప్రీత బెస్ట్ ఫ్రెండ్స్ వలె ఉంటారు.

ఇద్దరూ కలిసి తరచుగా విహారాలకు వెళుతూ ఉంటారు. కూతురుతో ఎక్కువ సమయం గడపడానికి సురేఖా ఆసక్తి చూపిస్తారు.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి