18 ఏళ్ల తర్వాత రీఎంట్రీ... రవితేజ మూవీలో రేణూ రోల్ ఏంటీ? ఆ తెల్ల బట్టలకు అర్థం ఏమిటీ?

2000 సంవత్సరంలో పూరి జగన్నాధ్ దర్శకత్వంలో తెరకెక్కిన బద్రి సూపర్ హిట్. న్యూ ఏజ్ లవ్ అండ్ రొమాంటిక్ డ్రామాగా తెరకెక్కింది. ఈ మూవీతో మోడల్ రేణూ దేశాయ్ హీరోయిన్ గా వెండితెరకు పరిచయమయ్యారు. మొదటి సినిమాతోనే ఆమె జీవితంలో రియల్ లవ్ స్టోరీ మొదలైపోయింది. పవన్-రేణూ పీకల్లోతు ప్రేమలో మునిగి పోయారు. 

ఆమెతో పెళ్లికి సిద్ధమైన పవన్ కళ్యాణ్ సినిమాలు మాన్పించేశాడు. అప్పటికే ఒప్పుకున్న ఓ తమిళ చిత్రం పూర్తి చేసి కొత్త సినిమాలకు సైన్ చేయడం ఆపేసింది. ఇక పవన్ నటించే చిత్రాలకు రేణూ కాస్ట్యూమ్ డిజైనర్ గా పని చేసేవారు. ఖుషి సినిమాతో బ్లాక్ బస్టర్ అందుకున్న పవన్... బాగా గ్యాప్ ఇచ్చి జానీ చిత్రం చేశారు.

పవన్ స్వీయ దర్శకత్వంలో తెరకెక్కిన జానీ హీరోయిన్ గా తన లవర్ రేణూనే ఎంచుకున్నాడు. జానీ అనుకున్న స్థాయిలో ఆడలేదు. 2003లో జానీ విడుదల కాగా రేణూ దేశాయ్ కి అదే చివరి చిత్రం. తర్వాత రేణూ దేశాయ్ జీవితం అనేక మలుపులు తిరిగింది. పవన్ తో పెళ్లి, పిల్లలు, విడాకులు జరిగిపోయాయి. 
 

2012 లో పవన్ కళ్యాణ్ అధికారికంగా రేణూ దేశాయ్ కి విడాకులు ఇచ్చేశాడు. విడాకుల తర్వాత రేణు మకాం పూణెకి మార్చేశారు. అక్కడే పిల్లలతో జీవనం సాగించారు. ఈ మధ్యలో రెండో పెళ్లి ప్రయత్నాలు కూడా చేశారు. దాన్ని పవన్ అభిమానులు వ్యతిరేకించారు. ఆమెపై సోషల్ మీడియా వేధింపులు, బెదిరింపులకు పాల్పడ్డారు. 
 

కొన్నాళ్ల క్రితం రేణూ దేశాయ్ హైదరాబాద్ కి మారారు. ప్రస్తుతం ఆమె ఇక్కడే ఉంటున్నారు. నటిగా సెకండ్ ఇన్నింగ్స్ స్టార్ట్ చేయాలనే ప్రయత్నాలు మొదలుపెట్టారు. ఇందులో భాగంగా రేణూ దేశాయ్ కి రవితేజ మూవీలో ఒక ఆఫర్ వచ్చింది. స్టూవర్టుపురం గజదొంగ టైగర్ నాగేశ్వరరావు జీవిత కథ ఆధారంగా అదే టైటిల్ తో మూవీ తెరకెక్కుతుంది.

రవితేజ టైటిల్ రోల్ చేస్తుండగా... దర్శకుడు వంశీ తెరకెక్కిస్తున్నారు. అభిషేక్ అగర్వాల్ నిర్మాత. రవితేజ కెరీర్ లో భారీ బడ్జెట్ తో తెరకెక్కుతున్న ఈ మూవీపై పరిశ్రమలో భారీ అంచనాలున్నాయి. కాగా నేడు టైగర్ నాగేశ్వరరావు మూవీ నుండి రేణూ దేశాయ్ ప్రీ లుక్ విడుదల చేశారు. 

18 ఏళ్ల తర్వాత రేణూ దేశాయ్ పవర్ ఫుల్ రోల్ చేస్తున్నట్లు ప్రీ లుక్ వీడియోలో వెల్లడించారు. ఇక ఈ మూవీలో రేణూ దేశాయ్ పేరు హేమలత లవణం అని తెలుస్తుంది. రేణూ దేశాయ్ తెల్లబట్టలు ధరించి ఉన్నారు. ఆమె వెనుక మరొక ఇద్దరు స్త్రీలు నడుస్తున్నారు. 
 

రేణూ దేశాయ్ లుక్ చూస్తుంటే ఆమె క్రిస్టియన్ నన్ వలె ఉంది. పవర్ ఫుల్ రోల్ అంటున్నారు కాబట్టి ఆమె నన్ గా కనిపిస్తారని చెప్పలేం. మొత్తంగా రేణూ దేశాయ్ ప్రీ లుక్ వీడియో మూవీపై అంచనాలు పెంచేసింది. చిత్రీకరణ జరుపుకుంటున్న ఈ మూవీ వచ్చే ఏడాది విడుదల కానుంది. ఇక రేణూ సెకండ్ ఇన్నింగ్స్ ఈమేరకు సక్సెస్ అవుతుందో చూడాలి.