ప్రేమ మీదనే విరక్తికలిగేలా చేసింది, హీరోయిన్ అదితీ రావ్ హైదరీపై మాజీ భర్త సంచలన వ్యాఖ్యలు
పెళ్లి.. విడాకులు తరువాత హీరోయిన్ గా ఎదిగింది అదితిరావ్ హైదరీ.. ప్రస్తుతం హీరో సిద్థార్ధ్ తో.. చెట్టా పట్టాల్ వేసుకుని తిరుగుతుంది. ఈక్రమంలో అదితి గురించి సంచలన నిజాలు వెల్లడించాడు ఆమె మాజీ భర్త.
అదితిరావు హైదరీ గురించి చాలా మంది తెలియదు. ఆమె హీరోయిన్ గా మాత్రమే చాలా మందికి తెలుసు.. అదితి బ్యాక్ గ్రౌండ్ గురించి తెలిసినవారు చాలా తక్కువనే చెప్పాలి. తమిళ సినిమాతో తెలుగులో ఆరంగేట్రం చేసింది అదితి. కార్తీ హీరోగా వచ్చిన చెలియా సినిమాతో తెలుగు ప్రేక్షకులను పలకరించింది. ఈ సినిమాలో ఆమె నటకు మెచ్చి తెలుగు మేకర్స్ కూడా ఆమెకు అవకాశాలు ఇవ్వడం స్టార్ట్ చేశారు.
Aditi Rao Hydari
ఇక తెలుగులో సుధీర్ బాబుతో కలిసి సమ్మోహనం సినిమాతో డైరెక్ట్ ఎంట్రీ ఇచ్చింది అదితీ రావ్. ఈ భ్యూటీకి పెళ్లి అయ్యిందా..? నిజమా అనేట్టు ఉంటుంది హైదరీ. కుర్ర కారును తన బ్యూటీతో మంత్రముగ్ధులను చేస్తుంది చిన్నది. టాలీవుడ్ మేకర్స్ ను మెస్మరైజ్ చేయడంతో వరుస అవకాశాలు ఆమె తలుపు తట్టాయి.
తెలుగులో అంతరిక్షం, వీ, మహాసముద్రం సినిమాలలో నటించింది. కాని ఇప్పటి వరకూ సాలిడ్ హిట్ కొట్టలేకపోయింది చిన్నది. ప్రస్తుతం తమిళ హీరో.. లవర్ బాయ్ సిద్ధార్థ్ తో డేటింగ్ రూమర్స్తో డైలీ న్యూస్ అవుతోంది అదితి. సిద్ధార్థ్తో రిలేషన్లో ఉంది అనేది చెప్పకనే చెప్పారు ఈ జంట. తాజాగా శర్వానంద్ నిశ్చితార్ధానికి వీరిద్దరూ జంటగా హజరవ్వడంతో కన్ ఫార్మ్ చేసుకుంటున్నారు ఆడియన్స్.
అయితే అదితిరావు హైదరీకి ఇంతకు ముందే పెళ్లి జరిగింది. బాలీవుడ్ నటుడు సత్యదీప్ మిశ్రాని లవ్ మ్యారేజ్ చేసుకుంది అదితి. అయితే వీరి బంధం మాత్రం మూడు నాళ్ల ముచ్చటే అయ్యింది. ముచ్చటగా మూడేళ్లు కూడా కాపురం చేసుకోకముందే వీరు విడిపోయారు. 2009లో వీరి పెళ్లి జరగ్గా.. 2013లో వీరు విడిపోయారు. ఇద్దరు ఎవరి లైఫ్ వారు జీవిస్తున్నారు. ఈక్రమంలో వీరు మరో సారి వార్తల్లో నిలిచారు.
ఈ క్రమంలో తాజాగా అదితిరావు హైదరీ మాజీ భర్త.. సత్యదీప్ మిశ్రా రెండో పెళ్లి చేసుకున్నారు. మసాబా గుప్తాను ఆయన రెండో పెళ్ళి చేసుకున్నారు. ఈక్రమంలో ఈ విషయంపై ఆయన స్పందించారు. తన పెళ్లి తో పాటు..అదితి రావ్ గురించి కూడా సంచలన కామెంట్లు చేశారు సత్య మిశ్ర.
మాజీ భార్య అదితిరావు హైదరీ గురించి సంచలన ఆరోపణలు చేశాడు సత్యదీప్ మిశ్రా. అదితితో నా రిలేషన్ కారణంగా.. నాకు ప్రేమ మీదనే విరక్తి కలిగింది. మరోసారి ప్రేమలో పడటం అంటేనే భయం కలిగింది. బ్రేకప్ అనుభవం ఎదురైన వాళ్లు.. మళ్లీ రిలేషన్, ప్రేమ అంటే భయపడతారు. కానీ ధైర్యంగా ముందడుగు వేస్తేనే మనం కోల్పోయినవి పొందగలం అని చెప్పుకొచ్చాడు.
ఈ సందర్భంగా సత్యదీప్ మిశ్రా తన రెండో పెళ్లి గురించి మాట్లాడుతూ.. మా పెళ్లి చాలా సింపుల్గా చేసుకోవాలి అనుకున్నాం దానిక తగ్గట్టుగానే... జనవరి 27 ఉదయం వెళ్లి రిజస్టర్ మ్యారేజ్ చేసుకున్నాం.. తర్వాత చిన్న పార్టీ ఏర్పాటు చేశాం. మా బంధం గురించి దాచుకోవాలని మేం ఎప్పుడు అనుకోలేదు. రహస్యాలు అనేవి బంధాన్ని బాగా ప్రభావితం చేస్తాయని నేను నమ్ముతాను. అందుకే ఒపెన్గా ఉండాలి అన్నాడు.