హనుమంతుడు దేవుడే కాదు, మరోసారి ఆదిపురుష్ రైటర్ తీవ్ర వ్యాఖ్యలు.. చిప్ దొబ్బిందా అంటూ ఏకిపారేస్తున్నారుగా

ఆదిపురుష్ చిత్రంపై విమర్శల పర్వం కొనసాగుతూనే ఉంది. రామాయణ పురాణ గాధతో తెరకెక్కించిన చిత్రం కావడంతో ఇందులోని పాత్రలు, దర్శకుడు ఓం రౌత్ తెరకెక్కించిన విధానం, డైలాగ్స్ పై ఆడియన్స్ లో ఫోకస్ ఎక్కువగా ఉంది.

ఆదిపురుష్ చిత్రంపై విమర్శల పర్వం కొనసాగుతూనే ఉంది. రామాయణ పురాణ గాధతో తెరకెక్కించిన చిత్రం కావడంతో ఇందులోని పాత్రలు, దర్శకుడు ఓం రౌత్ తెరకెక్కించిన విధానం, డైలాగ్స్ పై ఆడియన్స్ లో ఫోకస్ ఎక్కువగా ఉంది. అలాగే గ్రాఫిక్స్ పై కూడా విమర్శలు చెలరేగుతున్నాయి. అరణ్య కాండ, యుద్ధ కాండ ఆధారంగా ఓం రౌత్ ఈ చిత్రాన్ని తెరకెక్కించారనే తప్ప.. చాలా అంశాల్లో ఆదిపురుష్ చిత్రం రామాయణానికి భిన్నంగా విచిత్రంగా ఉందని నెటిజన్లు, హిందూ వాదులు అభిప్రాయ పడుతున్నారు. 

దీనికి తోడు ఈ చిత్రంలో డైలాగ్స్ కూడా అభ్యంతరకరంగా ఉన్నాయని ట్రోలింగ్ జరుగుతోంది. ఏదో విధంగా స్వస్తి చెప్పాల్సింది పోయి ఈ చిత్ర రచయిత మనోజ్ ముంతాషీర్ తన కామెంట్స్ తో మరింత కాట్రవర్సీ క్రియేట్ చేస్తున్నారు. కొన్ని రోజుల క్రితం మనోజ్ ఓ ఇంటర్వ్యూలో మాట్లాడుతూ తాము రామాయణం తీయలేదని అన్నారు. ఆదిపురుష్ చిత్రం రామాయణం కాదని.. రామాయణం నుంచి ప్రేరణ పొందిన చిత్రం మాత్రమే అంటూ వివాదాస్పద వ్యాఖ్యలు చేసిన సంగతి తెలిసిందే. 

హనుమంతుడు పాత్ర కోసం మనోజ్ రాసిన డైలాగ్ పై కూడా తీవ్రమైన చర్చ జరుగుతోంది. ఈ క్రమంలో మనోజ్ తాను రాసిన డైలాగ్స్ ని సమర్ధించుకుంటున్నాడు. తాజాగా ఓ ఇంటర్వ్యూలో మనోజ్ మరోసారి పప్పులో కాలేశాడు. తన డైలాగ్స్ ని సమర్థించుకునే క్రమంలో మనోజ్.. హనుమంతుడు అసలు దేవుడే కాదు అంటూ చేసిన వ్యాఖ్యలు దుమారం రేపుతున్నాయి. 

'హనుమంతుడు దేవుడు కాదు.. భక్తుడు. ఆయనకున్న శక్తి, భక్తి వల్ల మనం హనుమంతుడిని దేవుడిగా భావిస్తున్నాం' అంటూ మనోజ్ ముంతాషీర్ ఇచ్చిన లేటెస్ట్ స్టేట్మెంట్ మారో కాంట్రవర్సీకి దారితీస్తోంది. హిందూ సంఘాలు, నెటిజన్లు మనోజ్ ని దుమ్మెత్తి పోస్తూ విమర్శిస్తున్నారు. మనోజ్ ఏం మాట్లాడుతున్నాడో అతడికైనా అర్థం అవుతోందా.. అతడి చిప్ దొబ్బినట్లుంది అంటూ ఘాటుగా విమర్శిస్తున్నారు. 

దర్శకుడు ఓం రౌత్ రామాయణంలోని అంశాలని అనుసరించకుండా హాలీవుడ్ హర్రర్ చిత్రాల స్టైల్ ని ఫాలో అయినట్లు కూడా దుమ్మెత్తిపోస్తున్నారు. ఆదిపురుష్ చిత్రంపై ఇంత వివాదం జరుగుతున్నా ప్రభాస్ మాత్రం సైలెంట్ అయిపోయాడు. ఇది కంప్లీట్ గా స్క్రిప్ట్, డైరెక్టర్, రచయితల తప్పిదంగా ఫ్యాన్స్ భావిస్తున్నారు. 

ఆదిపురుష్ చిత్రాన్ని ఓం రౌత్ అప్పటికి సంస్కృతి,సంప్రదాయాలు అనుసరించే విధంగా లేకపోవడం బిగ్ డిజప్పాయింట్మెంట్ గా చాలా మంది భావిస్తున్నారు. ఇప్పటికి యువతకు అర్థం అయ్యేలా రామాయణాన్ని తెరకెక్కించాలనేది ఓం రౌత్ మంచి ఆలోచనే కావచ్చు. కానీ అది రకంగానూ వర్కౌట్ కాలేదు. వరుసగా తలెత్తుతున్న వివాదాలు, మౌత్ టాక్ ఆదిపురుష్ చిత్ర కలెక్షన్స్ పై కూడా ప్రభావం చూపుతున్నాయి.