- Home
- Entertainment
- Aamani: హీరో, డైరెక్టర్ మాత్రమే కాదు..అడ్వాన్స్ తీసుకుంటే ఫైనాన్షియర్ దగ్గరకు కూడా వెళ్ళాలి
Aamani: హీరో, డైరెక్టర్ మాత్రమే కాదు..అడ్వాన్స్ తీసుకుంటే ఫైనాన్షియర్ దగ్గరకు కూడా వెళ్ళాలి
సీనియర్ నటి ఆమని టాలీవుడ్ జరిగే కాస్టింగ్ కౌచ్ పై ఆసక్తికర వ్యాఖ్యలు చేశారు. ఫైనాన్షియర్లు కూడా కమిట్మెంట్ అడుగుతారు అని ఆమె అన్నారు. తనకు ఎదురైన చేదు అనుభవాన్ని బయట పెట్టారు.
టాలీవుడ్ లో కాస్టింగ్ కౌచ్
టాలీవుడ్ లో కాస్టింగ్ కౌచ్ గురించి చాలా ఏళ్లుగా చర్చ జరుగుతూనే ఉంది. ఎందరో నటీమణులు తమకు ఎదురైన చేదు అనుభవాలని ధైర్యంగా బయటకు చెప్పారు. దీనిపై ఓ ఇంటర్వ్యూలో సీనియర్ హీరోయిన్ ఆమని సంచలన వ్యాఖ్యలు చేశారు. హీరోయిన్లకు ఇబ్బందులు సావిత్రి గారి కాలం నుంచే ఉన్నాయి అని ఆమని అన్నారు.
హీరోయిన్ అయ్యేందుకు చెడు పద్దతి కూడా ఉంది
ప్రతిచోట మంచి చెడు ఉన్నట్లే ఇండస్ట్రీలో కూడా ఉన్నాయి. దేనిని ఎంచుకోవాలి, దేనివైపు వెళ్ళాలి అనేది మన మైండ్ సెట్ పై ఆధారపడి ఉంటుంది. కష్టపడి హీరోయిన్ గా ఎదిగేవాళ్ళు, అదే విధంగా చెడు పద్దతుల ద్వారా హీరోయిన్ గా ఎదిగేవాళ్ళు కూడా ఉన్నారు అని ఆమని అన్నారు.
అసభ్యంగా అడిగారు
నేను హీరోయిన్ గా అవకాశాల కోసం ప్రయత్నిస్తున్నప్పుడు అలాంటి సంఘటనలు ఎదురయ్యాయి. కొందరు కొత్త బ్యానర్ స్థాపించి ఆడిషన్స్ కి పిలిచేవాళ్ళు. అవి పేరున్న కంపెనీలు కాదు. అయినా సరే అదృష్టం బావుంటే హీరోయిన్ గా ఛాన్స్ వస్తుంది కదా అని ఆడిషన్స్ కి వెళ్లేదాన్ని. మీకు లోపల ఏమైనా మచ్చలు ఉన్నాయోమో చూడాలి. ఎందుకంటే మీరు మూవీలో స్విమ్ సూట్ వేసుకోవాలి. కాబట్టి బట్టలు తీసి మచ్చలు చూపించండి అని అడిగారు.
స్విమ్ సూట్ వేసుకుంటా, మీ ముందు ఆ పని చేయను
స్విమ్ షూట్ వేసుకోవాలి అంటే సినిమాలో వేసుకుంటాను. ఇక్కడ మీకెందుకు చూపిస్తాను. ఆ అవసరం ఏంటి అని అడిగేదాన్ని. వాళ్ళ ఉద్దేశం అర్థం అయ్యాక అక్కడి నుంచి వెళ్లిపోయేదాన్ని అని ఆమని తెలిపారు. బహుశా అలాంటి మైండ్ సెట్ ఉండి, తప్పనిసరిగా హీరోయిన్ కావాలి అని అనుకునే అమ్మాయిలు చూపిస్తారేమో. నేను మాత్రం అలా చేయను అని ఆమని అన్నారు.
ఫైనాన్షియర్ ని పర్సనల్ గా కలవమన్నారు
మరో సంఘటన కూడా ఎదురైంది. హీరో డైరెక్టర్ కాదు ఏకంగా ఫైనాన్షియర్ తో కమిట్మెంట్ అడిగారు. ఓ సినిమా కోసం అడ్వాన్స్ ఇచ్చారు. అప్పట్లో మొబైల్ ఫోన్స్ ఉండేవి కాదు. మేనేజర్ కారు తీసుకుని ఇంటికి వచ్చారు. మేడం డైరెక్టర్ గారు బీచ్ దగ్గర స్టోరీ డిస్కషన్స్ లో ఉన్నారు. అక్కడికి ఫైనాన్సియర్ కూడా కూడా వస్తారు. ఫైనాన్సియర్ మిమ్మల్ని పర్సనల్ గా చూడాలి అంటున్నారు అంటూ మేనేజర్ చెప్పారు. ఫైనాన్షియర్ నన్నెందుకు చూడాలి. డైరెక్టర్ చూడాలి నేను ఎలా ఉన్నానో, సినిమాకి పనికొస్తానా లేదు అని ఆయన చూడాలి. హీరో కూడా చూడొచ్చు. తన పక్కన నటించే అమ్మాయిని కాబట్టి ఎలా ఉంటానో అని చూడవచ్చు. అసలు ఫైనాన్సియర్ కి ఏం పని అని అడిగాను. వాళ్ళ ఉద్దేశం అర్థం అయ్యాక అడ్వాన్స్ తిరిగి ఇచ్చేసినట్లు ఆమని తెలిపారు.
