Ennenno Janmala Bandham: భర్త ప్రవర్తనకి ఆశ్చర్యపోతున్న వేద.. అభి చిత్రని పెళ్లి చేసుకోనున్నాడా?

Ennenno Janmala Bandham: స్టార్ మా లో ప్రసారమవుతున్న ఎన్నెన్నో జన్మల బంధం సీరియల్ టాప్ సీరియల్స్ కి గట్టి పోటీని ఇస్తూ మంచి రేటింగ్ ని సంపాదించుకుంటుంది. పశ్చాత్తాపంతో తనకి దూరం అయిపోతున్న భర్తని తిరిగి దక్కించుకున్న ఒక భార్య కథ ఈ సీరియల్. ఇక ఈరోజు మే 10 ఎపిసోడ్ లో ఏం జరిగిందో చూద్దాం. 

 ఎపిసోడ్ ప్రారంభంలో కోపంగా ఉంటాడు యష్. ఆ కోపానికి కారణం వేద. నీకు తెలియదా ఒక పెళ్లి ముహూర్తం పెట్టించమంటే రెండు పెళ్లి ముహూర్తాలు ఎందుకు పెట్టించావు వాళ్ల పెళ్లి సంగతి మనకెందుకు అంటాడు యష్. మీరు అవన్నీ ఆలోచించకండి చిత్ర, వసంత్ ల పెళ్లి జరిగితే వాళ్ళు ఆనందంగా ఉంటారు. ఎలాగూ ఆరు రోజుల్లో పెళ్లి అయిపోతుంది కాబట్టి అన్ని సమస్యలు తీరిపోతాయి అంటుంది వేద.

పనిలో పనిగా మనకి కూడా ముహూర్తం పెట్టించొచ్చు కదా అంటాడు యష్. అర్థమైనా అర్థం కానట్లు ఎందుకు? అని అడుగుతుంది వేద. శోభనానికి అంటూ సిగ్గుపడుతూ చెప్తాడు యష్. మరోవైపు అభి దగ్గరికి వచ్చి పెళ్లికి వాళ్ళు ఒప్పుకున్నారు మరో ఆరు రోజుల్లో పెళ్లి కానీ పనులు చాలా ఉన్నాయి అంటూ హడావిడి పడిపోతుంది మాళవిక. ఏవి అయినా అవ్వకపోయినా పెళ్లి మాత్రం అవుతుంది కదా నువ్వేమీ టెన్షన్ పడకు అంటాడు అభి.

 మనసులో మాత్రం జరిగేది రెండు పెళ్లిళ్లు కాదుఒక పెళ్లికి మాత్రమే అది చిత్రకి నాకు మాత్రమే అనుకుంటాడు. షాపింగ్ కి వెళ్లి రమ్మని  మాళవిక కి ఏటీఎం కార్డు ఇచ్చి పంపిస్తాడు అభి. మరోవైపు సుహాసిని భర్త దగ్గరికి వస్తాడు యష్. మా ఫ్రెండ్ కి ఒక ప్రాబ్లం వచ్చింది. వాడు మంచివాడే, వాడి భార్య కూడా మంచిదే కానీ వాళ్ళిద్దరి మధ్య చిన్న చిన్న గొడవలు మళ్లీ అంతలోనే ఒకరిని ఒకరు అర్థం చేసుకుంటారు.

 ఒకరితో ఒకరు కలవాలి అనుకునే లోపే మళ్ళీ ఏదో సమస్య వస్తుంది అంటాడు యష్. సేమ్ మీలాగే అంటాడు సుహాసిని భర్త.  ప్రాబ్లం నాది కాదు మా ఫ్రెండ్ ది అంటాడు యష్. విషయం అర్థం చేసుకున్న సుహాసిని భర్త చెవిలో ఏదో సలహా చెప్తాడు. ఇదేదో వర్క్ అవుట్ అయ్యేలాగా ఉంది అనుకుంటూ అక్కడ నుంచి వెళ్ళిపోతాడు యష్.

మరోవైపు మాళవికతో పెళ్లి ఫిక్స్ అయింది అంట కదా కంగ్రాట్స్ అని అభితో చెప్తాడు కైలాష్. తననెవరు పెళ్లి చేసుకుంటారు నేను పెళ్లి చేసుకోబోయేది చిత్రని అంటాడు అభి. అదెలా.. అర్థం కావట్లేదు అంటూ అయోమయంగా అడుగుతాడు కైలాష్. తన ప్లాన్ చెప్తాడు అభి. అంతలోనే మాళవిక, అభిని పిలుస్తుంది. అభి కైలాష్ ఇద్దరు వినేసిందేమో అని కంగారు పడతారు.

కానీ వాళ్ళిద్దరూ మాట్లాడుకుంటునది తన పెళ్లి గురించి అనుకొని మన పెళ్ళికి ఇంత ఎక్సయిటెడ్ గా  ఉన్నావనుకోలేదు అంటూ అభిని హగ్ చేసుకుంటుంది మాళవిక. వినేసిందేమో అనుకొని కంగారు పడ్డాను ఐదు నిమిషాలు ముందు వస్తే తెలిసేది అతగాడి అసలు స్వరూపం అనుకుంటాడు కైలాష్. మరోవైపు రూమ్ లోకి వచ్చిన యష్ కండోమ్ ప్యాకెట్ తీసుకువచ్చి వేద కి కనిపించేలాగా పెడతాడు.

 మళ్లీ ఇంత డైరెక్ట్ గా అయితే బాగోదేమో అని తీసేసి టాబ్లెట్ రాక్ లో పెట్టేస్తాడు. వేద వచ్చి స్నానం చేయటానికి బట్టలు తీసుకుంటూ ఉంటుంది. ఆ డ్రెస్ వద్దు ఈసారి కట్టుకో అంటూ ఒకసారి దానికి మ్యాచింగ్ బ్లౌసేస్ ఇస్తాడు  యష్. అతని ప్రవర్తనకి ఆశ్చర్య పోతుంది వేద. టవల్ మర్చిపోయి మిమ్మల్ని అడిగితేనే గంటసేపు మురిపించుకుంటారు అలాంటిది ఏంటిది అని అడుగుతుంది.

అంటే చిన్న చిన్న సాయాలు చేద్దామని అంటూ నసకుతాడు  యష్. సరే ఇప్పుడు ఈ చీర కట్టుకోవాలి అంతే కదా అంటూ స్నానం చేసి ఆ చీర కట్టుకొని వస్తుంది వేద. తలనొప్పిగా అనిపించడంతో టాబ్లెట్ వేసుకుందామని రాక్ ఓపెన్ చేసేసరికి అక్కడ కండోమ్ కనిపిస్తుంది. ఇది ఎక్కడికి ఎలా వచ్చిందాఅని అనుమానం పడుతుంది. అంతలోనే యష్ వైట్ డ్రెస్ లో రావడం గమనించి అయోమయంగా చూస్తుంది వేద. తర్వాత ఏం జరిగిందో రేపటి ఎపిసోడ్ లో చూద్దాం.