భర్త జయం రవిపై ఆర్తి రవి ఎమోషనల్‌ పోస్ట్.. పిల్లలను పట్టించుకోవడం లేదంటూ ఆవేదన

18 ఏళ్ల వివాహం తర్వాత విడాకుల ప్రకటన సందర్భంగా, `జయం` రవి మోహన్ తన పిల్లలకు ఎలాంటి మద్దతూ ఇవ్వలేదని ఆర్తి రవి ఆరోపించారు.  

Aarti Ravi Family

చిన్నపిల్లల తల్లి, వ్యాపారవేత్త అయిన ఆర్తి రవి తన భర్త, ప్రముఖ నటుడు జయం రవి పై తీవ్రమైన ఆరోపణలు చేశారు. శుక్రవారం ఆమె సామాజిక మాధ్యమాల్లో ఓ భావోద్వేగ భరితమైన ప్రకటనను పోస్ట్ చేయగా, అందులో భర్త తనను ఎమోషనల్‌గా, ఫైనాన్షియల్‌గా నిర్లక్ష్యం చేశాడని ఆరోపించారు. ఆ విషయంలో తనని పట్టించుకోలేదని తెలిపారు. 

Arti Ravi

జయం రవితో 18 సంవత్సరాల పాటు వివాహ జీవితాన్ని గడిపిన ఆర్తి, ఇప్పుడు విడాకులు తీసుకునే దశలో ఉన్నారు. వీరి డైవర్స్ కేసు కోర్ట్ లో ఉంది. అయితే ఈ దంపతులకు ఇద్దరు కుమారులు - ఆరవ్, ఆయాన్ ఉన్నారు. తాను గత సంవత్సరం నుండి పూర్తిగా మౌనంగా ఉన్నానని పేర్కొన్న ఆర్తి,

అది తన బలహీనత కాదు, తన పిల్లల శాంతి కోసం అని వివరించారు. `ప్రతి ఆరోపణ, ప్రతి విమర్శను నేను మౌనంగా భరిస్తూ వచ్చాను. నా పిల్లల జీవితాల్లో తల్లిదండ్రుల మధ్య ఎంచుకోవాల్సిన బాధ్యతను వేయకూడదని అనుకున్నా` అని ఆర్తి తన నోట్‌లో వెల్లడించారు. 

Aarti Ravi

ఆమె ఆరోపించినట్టు, రవి మోహన్ తమ పిల్లల పెంపకం కోసం ఎలాంటి భావోద్వేగ, ఆర్థిక మద్దతు ఇవ్వలేదని పేర్కొన్నారు. అంతేకాకుండా, ఇప్పుడు వారు నివసిస్తున్న ఇల్లు కూడా ఖాళీ చేయాల్సి వచ్చే పరిస్థితి ఎదురవుతోందని వెల్లడించారు. ఇది రవి మోహన్ ఇచ్చిన బ్యాంక్ నోటీసుల ఫలితంగా జరిగిందని ఆమె ఆరోపించారు.

`ప్రతి పాఠ్యం, ప్రతి భోజనం, ప్రతి రాత్రి కన్నీటి మాటలు. ఇవి అన్నీ నా చేతులమీదే ఉన్నాయి. వాళ్ల పేరెంట్స్ నుంచి ఒక్క మాట సానుభూతిగానీ, సహాయం గానీ ఇప్పటి వరకు రాలేదు` అని ఆర్తి వివరించారు. ఇదిలా ఉంటే రవి మోహన్ రూమర్‌ గర్ల్ ఫ్రెండ్‌ గాయని, థెరపిస్ట్ కెనిషా ఫ్రాన్సిస్‌తో చెన్నైలో ఒక వివాహ వేడుకలో కనిపించిన కొన్ని గంటల తర్వాత ఆర్తి పోస్ట్ వెలుగులోకి వచ్చింది. ఇది పెద్ద ఎత్తున చర్చకు దారితీసింది. 

ఆర్తి తన పోస్ట్ లో ఇంకా చెబుతూ, `నేను ఇప్పుడు భార్యగా మాట్లాడటం లేదు. నేను నా పిల్లల కోసం నిలబడిన తల్లిగా మాట్లాడుతున్నాను. వారు ఇంకా చిన్నవారు, కానీ తండ్రి నిర్లక్ష్యం ఏంటో అర్థం చేసుకోగలిగే వయస్సులో ఉన్నారు. వారికి స్థిరత్వం అవసరం, మౌనం కాదు. ఈ పోస్ట్ ప్రతీకారం కోసం కాదు, ప్రదర్శన కోసం కాదు.

నా పిల్లల రక్షణ కోసం నేను ముందుకు వచ్చాను. న్యాయ ప్రక్రియ ముగియకముందు ఎవరూ నన్ను మాజీ భార్యగా పిలవకండి. నా పేరు ఇప్పటికీ ఆర్తి రవి. ఇది నిజాన్ని రాయడం కాదు. ఇది బాధ్యత గుర్తు చేయడం` అని ఆమె స్పష్టం చేశారు. దీంతో ఆర్తి పోస్ట్ ఇప్పుడు కోలీవుడ్‌లో సంచలనంగా మారింది. అయితే రవి మోహన్ నుంచి ఇప్పటివరకు దీనిపై స్పందన రాలేదు.