Aamir Khan Wedding: 61 ఏళ్ల వయసులో మూడో పెళ్లికి రెడీ అయిన స్టార్ హీరో, అమీర్ ఖాన్ వెడ్డింగ్ డేట్ ఎప్పుడంటే?

ఆమిర్ ఖాన్ తన మూడో పెళ్లి వార్తను కన్ఫర్మ్ చేశాడు. 61 ఏళ్ల వయసులో  గౌరీ స్ప్రట్‌ను పెళ్లి చేసుకోబోతున్నట్లు ప్రకటించాడు. ఇంట్లోనే సింపుల్‌గా రిజిస్టర్ మ్యారేజ్ చేసుకోబోతున్నట్లు ప్రకటించాడు. ఇంతకీ  అసలు ఎవరీ గౌరీ స్ప్రట్? 

Image Credit : X

61 ఏళ్ల వయసులో అమీర్ ఖాన్ మూడో పెళ్లి..

ఆమిర్ ఖాన్ మరోసారి తన వ్యక్తిగత జీవితం వల్ల వార్తల్లో నిలిచాడు. జులై 5న తన పార్ట్‌నర్ గౌరీ స్ప్రట్‌ను పెళ్లి చేసుకోబోతున్నట్లు ఆయనే స్వయంగా కన్ఫర్మ్ చేశాడు. 61 ఏళ్ల ఈ నటుడికి ఇది మూడో పెళ్లి. అయితే, గ్రాండ్‌గా కాకుండా ఇంట్లోనే సింపుల్‌గా రిజిస్టర్ మ్యారేజ్ చేసుకోవాలని ఈ జంట నిర్ణయించుకుంది. తమ బంధాన్ని మరో మెట్టు ఎక్కించడానికి సిద్ధంగా ఉన్నామని ఆమిర్ చెప్పాడు. ఇంతకీ ఆమిర్ ఖాన్ మూడో భార్య కాబోతున్న ఈ గౌరీ స్ప్రట్ ఎవరని అభిమానులు ఆరా తీస్తున్నారు.

Image Credit : SOCIAL MEDIA

అమిర్ ఖాన్ సింపుల్ వెడ్డింగ్..

ఆమిర్ ఖాన్ తన పెళ్లి తేదీని కన్ఫర్మ్ చేస్తూ, జులై 5న గౌరీ స్ప్రట్‌ను పెళ్లి చేసుకోబోతున్నట్లు చెప్పాడు. ఈ వేడుక చాలా సింపుల్‌గా, ప్రైవేట్‌గా జరుగుతుందని తెలిపాడు. డెక్కన్ క్రానికల్‌తో మాట్లాడుతూ, 'ఇంట్లోనే చాలా సింపుల్‌గా రిజిస్టర్ మ్యారేజ్ చేసుకుంటాం. కేవలం కుటుంబ సభ్యులు, అత్యంత సన్నిహితులు మాత్రమే హాజరవుతారు. మేమిద్దరం దీన్ని చాలా సింపుల్‌గా ఉంచాలనుకుంటున్నాం' అని ఆమిర్ చెప్పాడు. గెస్ట్ లిస్ట్ గురించి అధికారిక సమాచారం లేదు. షారుఖ్ ఖాన్, సల్మాన్ ఖాన్, ఇతర సినీ మిత్రులు హాజరవుతారో లేదో చూడాలి.

Image Credit : SOCIAL MEDIA

60వ పుట్టినరోజున అసలు విషయం చెప్పిన ఆమీర్..

ఆమిర్ తన 60వ పుట్టినరోజున గౌరీ స్ప్రట్‌ను మీడియాకు పరిచయం చేసి, తమ బంధాన్ని అధికారికంగా ప్రకటించాడు. పెళ్లి నిర్ణయం గురించి మాట్లాడుతూ, 'అవును, ఇది నిజమే. మా బంధాన్ని మరో మెట్టుకు తీసుకెళ్లడానికి మేమిద్దరం సిద్ధంగా ఉన్నామని భావిస్తున్నాం' అని ఆమిర్ చెప్పాడు. 'నేను పూర్తిగా సంతృప్తిగా ఉన్నాను. గౌరీ, నేను ఒకరినొకరు చాలా సీరియస్‌గా తీసుకున్నాం. మా మధ్య బలమైన నిబద్ధత ఉంది. మేము జీవిత భాగస్వాముల్లా కలిసి ఉన్నాం. నా మనసులో, నేను ఇప్పటికే ఆమెను పెళ్లి చేసుకున్నట్లే ఫీల్ అవుతున్నాను' అని ఆయన అన్నాడు.

Image Credit : X

అసలు ఎవరీ గౌరీ స్ప్రట్?

గౌరీ స్ప్రట్ బెంగళూరుకు చెందిన మహిళ. ఆమె వెల్‌నెస్, బ్యూటీ ఇండస్ట్రీలో పనిచేస్తున్నారు. గౌరీ, 1920లలో బ్రిటన్ నుండి భారతదేశానికి వచ్చిన ఫిలిప్ స్ప్రట్ మనవరాలు. ఫిలిప్ స్ప్రట్ ఆ తర్వాత భారత స్వాతంత్ర్య ఉద్యమంలో పాల్గొన్నారు. గౌరీకి ఇంతకుముందే పెళ్లయింది. ఆమెకు ఏడేళ్ల కొడుకు క్విన్ కూడా ఉన్నాడు.

Image Credit : stockPhoto

ఆమీర్ ఖాన్ రెండు పెళ్లిళ్లు ఎవరితో?

ఆమిర్ ఖాన్‌కు ఇది మూడో పెళ్లి. ఆయన మొదటి భార్య రీనా దత్తా. వారికి జునైద్ ఖాన్, ఇరా ఖాన్ అనే ఇద్దరు పిల్లలు ఉన్నారు. ఆ తర్వాత ఈ జంట విడిపోయినా, ఇప్పటికీ మంచి స్నేహంతో ఉన్నారు. ఆ తర్వాత, ఆమిర్ ఫిల్మ్‌మేకర్ కిరణ్ రావును పెళ్లి చేసుకున్నాడు. 16 ఏళ్ల పాటు కలిసి జీవించిన తర్వాత వారు విడిపోవాలని నిర్ణయించుకున్నారు. అయితే, తమ కుమారుడు ఆజాద్‌ను ఇద్దరూ కలిసే పెంచుతున్నారు.