బిగ్‌బాస్‌5లో `ఆకలిరాజ్యం`.. కన్నీళ్లు పెట్టించిన నటరాజ్‌ మాస్టర్‌, విశ్వ, రవి, లోబో

బిగ్‌బాస్‌5లో 24వ రోజు(బుధవారం) ఎపిసోడ్‌లో `ఆకలిరాజ్యం` ఎపిసోడ్‌ హైలైట్‌గా నిలిచింది. వెయిట్‌ లాస్‌ టాస్క్ లో భాగంగా ఇంటి సభ్యులకు ఫుడ్‌ విలువని, ఆకలి బాధలను చూపించాడు బిగ్‌బాస్‌. ఇది హైలైట్‌గా మారింది. 

బిగ్‌బాస్‌ కెప్టెన్సీ టాస్క్ లో భాగంగా వెయిట్‌ తగ్గితే గెలుపు మీదే అన్నారు. అందులో భాగంగా ఇంటి సభ్యులకు ఫుడ్‌ అందుబాటులో లేకుండా చేశారు బిగ్‌బాస్‌. వెయిట్‌ తగ్గేందుకు అన్ని ప్రయత్నాలు చేయాలన్నారు. అందులో భాగంగా మధ్య మధ్యలో టాస్క్ లు, గేమ్‌లిస్తూ విన్‌ అయ్యే అవకాశాలిస్తున్నాడు. 

బుధవారం ఎపిసోడ్‌లో కర్రలు నరికే టాస్క్ లో ప్రియా, ప్రియాంకలతో పోటీ పడి, విశ్వ, యాంకర్‌ రవి విన్నర్‌ అయ్యారు. అదే సమయంలో నీటిలో తేలే వస్తువులేంటి? మునిగే వస్తువులేంటో గుర్తించాలని టాస్క్ ఇవ్వగా, ఇందులో సన్నీ, మానస్‌ గెలిచారు. 

ఇంటిసభ్యులు ఆకలి బాధలను తెలియజేసేలా ఓ చిన్న స్కిట్‌ని ప్రదర్శించారు ఇంటి సభ్యులు. అందులో భాగంగా విశ్వ, యాంకర్‌ రవి, నటరాజ్‌ మాస్టర్‌, ప్రియా కలిసి కమల్‌ హాసన్‌ నటించిన `ఆకలి రాజ్యం`లోని  శ్రీదేవి తమ రూమ్‌కి వచ్చినప్పుడు కమల్‌, తన ఫ్రెండ్స్ తో కలిసి ఆకలి బాధని దాచుకుని యాక్ట్ చేసి చూపించిన సన్నివేశాన్ని `బిగ్‌బాస్‌`లో చూపించారు. శ్రీదేవిగా ప్రియా నటించారు. 

ఈ స్కిట్‌లో విశ్వ, రవి, నటరాజ్‌ మాస్టర్‌ ఉద్యోగాల గురించి చెప్పిన విషయాలు ఆకలి బాధలను తెలియజేసిన విధానం కన్నీళ్లు పెట్టించాయి. హైలైట్‌గా నిలిచాయి. ప్రియా సైతం కన్నీళ్లు పెట్టుకుంది. ఈ స్కిట్‌తో అందరి హృదయాలను గెలుచుకున్నారు బిగ్‌బాస్‌ సభ్యులు. 

మరోవైపు ఫుడ్‌ కోసం లోబో పడ్డా కష్టాలు, ఆకలిని తట్టుకోలేక తను పడ్డ ఇబ్బందులు సైతం గుండె తరుక్కుపోయేలా చేసింది. లోబో కిచెన్‌లో ఎవరూ చూడని సమయంలో డస్ట్ బిన్‌ కవర్‌ని చూస్తూ అందులో ఫుడ్‌ దొరుకుతుందేమో అని చేసిన ప్రయత్నం కలచి వేస్తుంది. 

అయితే మధ్యలో ఇంటి సభ్యుల కోసం బిగ్‌బాస్‌ బిర్యానీ పంపించాడు. దీంతో షణ్ముఖ్‌, సన్నీ, సిరి, మానస్‌, యాంకర్ రవి, నటరాజ్‌ మాస్టర్‌, శ్రీరామ్‌, హమీద ఫుడ్‌ తినలేదు. కానీ మినహా మిగిలిన వాళ్లు బిర్యానీని కుమ్మేశారు. 

ఇదిలా ఉంటే టాస్క్‌ ప్రారంభానికి ముందు ఇంట్లోని ఫుడ్‌ మొత్తాన్ని పంపించేయమని ఆదేశించాడు బిగ్‌బాస్‌. ఆ సమయంలో లోబో తన యాపిల్‌ను దాచుకుని దాచుకుని తిన్నాడు. దీంతో బిగ్‌బాస్‌ తన ఆదేశాలను సక్రమంగా నిర్వహించలేదని ఫైర్‌ అవుతూ కెప్టెన్‌ జెస్సీకి శిక్ష విధించాడు. జెస్సీతో పాటు అతని జోడీ కాజల్‌ కూడా కెప్టెన్సీకి పోటీపడే అర్హత కోల్పోయారని ప్రకటించాడు. అంతేకాదు జెస్సీ కెప్టెన్‌ గా కొనసాగే అర్హత లేదని, ఆ స్థానం కాజల్‌ తీసుకోవాలని చెప్పారు.